Skip to main content
94

Dette jobopslag er udløbet

Meeqqanut ilaqutariinnullu atugarliortunut Oqartussaaffeqarfimmi Innersuussisarfimmi suleqatigiinnut aqutsisoq / job nr. 13/19

Inunnik isumaginnittutut ilinniarsimavit aamma meeqqanut ilaqutariinnullu suliassaqarfik suliffigissallugu kissaatigaajuk? Allaffissornermi tunngavissap nutaap aamma suliamut tunngasumik aaqqissuussap nutaap atulersinneqarneranni pingaarutilittut inissisimarusuppit? Kommuneqarfik Sermersooq Innersuussisarfimmut suleqatigiinnut aqutsisumik pikkorissumik pissarsiorpoq

Politikkikkut suleqatigiinnissamik isumaqatigiissummi ”Kommuneqarfik Sermersooq – kommuni illoqarfittut pingaarnersaqarfik siuariartorfiusoq. Siuariartorneq – toqqissisimaneq – ineriartorneq”, meeqqanut ilaqutariinnullu suliassaqarfiup qinigaaffimmi matumani inerisarneqarnissaa siunnerfiuvoq. Meeqqanut ilaqutariinnullu atugarliortunut suliniutit pitsaassusiat malunnaatilimmik qaffatsinneqassapput. Suliami tassani anguniagassat pingaarnerpaat ilagaat, inatsisit atuuttut naapertorlugit piffissaagallartillugu aamma suliamik ingerlatsinerit eqqortut atorlugit sullissisoqassasoq.

Apriilimi 2018 suliamut tunngasumik nutaamik aaqqissuussisoqarpoq immikkoortortaq immikkut piginnaanilik kommuni tamakkerlugu sullissilissaaq: Innersuussisarfik. Kommuneqarfik Sermersooq Innersuussisarfimmi immikkoortortami  suleqatigiinnut aqutsisussamik pissarsiorpoq, suliassat pingaarnerit makkuullutik:

  • Nalunaarutiginninnernik suliaqarneq
  • Innarluutillit sullinneqarnerat
  • Isumaginninnikkut misissuisitsinernik ingerlatsinerit
  • Iliuusissatut pilersaarutinik suliaqarneq
  • Isumaginninnermi pigaartoq

Oqartussaaffeqarfimmi suleqatigiinnut aqutsisutut suliamik ingerlatsisunut 12-nut ulluinnarni suliamik ingerlatsineq aqutarissavat. Ilinniartitsinermik suliaqassaatit, isumaginninnermik suliap pitsaassusianut aamma sulianik ingerlatsinermi periutsit aalajangiussat naapertorlugit ulluinnarni isumasioqatigiinnerit aamma nakkutilliinerit suliarissavatit. Ulluinnaat amerlasuunik unammilligassartallit aamma ajornartorsiutit pinasuartumik aaqqittariaqartut passussinnaasariaqarpatit. Taamaattumik illit tatituujussaatit, suliamut tunngasumik ukkassisinnaallutit aamma annertuumik kajumissutsit nukittorsaatigissavat soorlu akisussaaffimmik annertuumik tigunissat naatsorsuutigisariaqarit.

Suliffeqarfimmi Meeqqanut Ilaqutariinnullu Ingerlatsivimmi inissisimassaatit aamma Innersuussisarfimmi immikkoortortamik aqutsisup ataani inissisimassaatit. Kommunimi aqutsisoqatigiinnut ilaassaatit aamma Oqartussaaffeqarfimmi suleqatigiinnut aqutsisut allat suleqatigissavatit. Suliamik ingerlatsisunut 12-nut suliamut tunngasumik aqutsissaatit tamarmik Nuummi inissisimasunut.

Atorfik ulloq januaarip 1.-at 2019, inuttalerneqassaaq imaluunniit isumaqatigiissuteqarnikkut.

Akisussaaffeqarfiit:

  • Kommunimi tamarmi nalunaarutiginninnernik suliaqarnermi ineriartortitsineq aamma suliamut tunngasumut annertuumik piginnaanngorsarsimanermik tigumminniinnarneq
  • Suliamik ingerlatsinerit pitsaassusiinik qulakkeerinninneq aqutsinerlu, aamma meeqqat tapersersorneqarnissaannut inatsit suliffeqarfimmilu suleriaatsit allattugaasut naapertorlugit piffissaliussanik eqquutsitsineq
  • Innarluutilinnik suliassaqarfimmi immikkut piginnaanngorsarsimasumi pitsaassutsimik qaffasissumik qulakkeerineq
  • Ulluinnarni suliamut tunngasumik aqutsineq
  • Sulianik ingerlatsinermi suliat pitsaassusiannik nakkutilliineq – suliamut tunngasumik – suliat kukkuneqannginnissaannut nakkutilliineq
  • Suliamut tunngasumik periutsinik suleqatinut ilinniartitsineq
  • Suliat ataasiakkaat pillugit isumasiorneq
  • Allaffissornermik tunngavissap eqquutsinneqarnerata qulakkeerneqarnera
  • Piffissaliussat eqquutsinneqarnerannik qulakkeerinninneq
  • Piginnaanngorsaqqinnermut pilersaarut naapertorlugu ingerlatsisoqarneranik qulakkeerinninneq
  • Innersuussisartuni immikkoortortamut aqutsisoq isumaqatigiissuteqarfigalugu suliassat allat

Illit pillutit
Naatsorsuutigaarput, ataani allassimasut amerlanerpaat naammassisinnaagitit:

  • Inunnik isumaginnittutut ilinniagaqarputit aamma suliassaqarfimmi sulinermit misilittagaqarluarputit
  • Aqutsinissamut sapiissuseqarputit aamma ajornanngippat aqutsisutut misilittagaqarputit
  • Periusissiat nukittuffigaatit: ”Suliamut tunngasumik naleraallutit”
  • Inuttut suliamut tunniussimavutit aamma sunniuteqarsinnaassuseqarputit, aamma suliamut tunngatillugu aalajangiussat pillugit aalajangersimasinnaavutit, aamma misigissutsitigut annertuumik akerliusunik naapitaqaraluaraanngavilluunniit
  • Tatituvutit, suliumatooq aamma iliuuseqarsinnaassusilik
  • Tatiginartumik, tunniusimasumik angusaqarnissamullu piumassuseqarputit piginnaaneqarlutillu
  • Illit nammineq suleqatigiit suleqatigiinnissaannut aqutseriaasissannik ineriartortitsinissamut piumassuseqarputit piginnaaneqarlutillu taamatullu ingerlatsivimmi aqutsisoqatigiinnut aamma aqutsisutut aaqqissuussami peqataajumassuseqarputit.
  • Ataqqinnittuuvutit, akuersaartoq aamma allanut soqutiginnittuuvutit (sulisunut, suleqatinut, suleqatigisanut il.il.)
  • Suliffeqarfimmi tamatigut ineriartortumi sulinissat kajumigaat
  • Nunatsinni inuiaqatigiinni pissutsinik aamma oqaatsinik ilisimasaqarneq annertuumik iluaqqutaassapput.

 Neqeroorutigisinnaavagut:

  • Suliffik pissanganartoq aamma allanngorartoq unammilligassarpassuarnik aamma annertuumik sunniuteqarsinnaanermik imalik
  • Siunnersorneqarneq
  • Suliamik aqutsisutut inuttullu ineriartornissamut periarfissagissaarneq
  • Kalaallit Nunaanni illoqarfimmi pingaarnersaqarfimmi najugaqarneq kiisalu kitaani aamma tunumi illoqarfinnut nunaqarfinnullu angalanissamut periarfissalik.

Meeqqanik innarliisimannginnermut uppernarsaat: 
Atorfik taanna pineqaatissinneqarsimannginnermut aamma meeqqanik innarliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut aamma meeqqanik innarliisimannginnermut uppernarsaammik Rigspolitiinit aatsaat pippat atorfinitsitsineq aallartinneqarsinnaavoq.

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani aamma AK-mit isumaqatigiissut atuuttut, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Qaammatini pingasuni misilinneqareernermi atorfinitsitsisoqassaaq.

Inissaq:

Suliffimmut atasumik inissaqartitsisoqarsinnaavoq tassunga qularnaveeqqusiissummik attartornermullu akiliummik, atukkanut il.il. akiliisoqartassaaq Namminersorlutik aamma kommunit inissiaataannut Kalaallit Nunaanni inissianik attartortitsinermut inatsisit naapertorlugit. Atorfininnermi ingerlaannartumik suliffimmut atasumik inissamik tunniussisoqarsinnaanngippat sulisoq utaqqiisaagallartumik inissamik pisinnaatitaasoq utaqqiisaagallartumik inissamik neqeroorfigineqassaaq, qulaani taaneqartoq aallaavigalugu ineqarnermut akiliut, atukkanut il.il. akilerneqartassallutik. Ineqarnermut akiliutit taakkununnga ilanngullugit atukkanut il.il. annertunerusumik paasisaqarusukkaanni www.iserit.glpaasisassarsiorfiusinnaavoq.

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 13/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani Sulisoqarnermut immikkoortortaqarfimit tiguneqareersimassaaq.

Imatut qinnuteqassaatit:
Qinnuteqaatit elektroniskimik nassiussat kissaatigineqarnerupput, linki quppernerup naqqata takusinnaasat atorlugu, tassunga qinnuteqaatit aamma suliffigisimasannit uppernarsaatit kakkiutissavatit.

 

Qinuteqaat tunniunneqassaaq kingusinnerpaamik: 04. Februar 2019
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Peter Brix Andersen
Telefon: +299 367340
Mobil: +299 587983
Nittartagaq: http://www.sermersooq.gl
Qinnuteqaat nassiutiguk