Atuarfiup pisortaa - Nuummi atuarfissap nutaap pilersinneqarnissaanut peqataagit

 

Meeqqanut Atuarfeqarnermullu Ingerlatsivimmi pisortaaqatigiinnut pikkorissunut ilaassaatit

Atuarfiup piareernissaanut suliffissat Meeqqanut Atuarfeqarnermullu Ingerlatsivimmiissaaq- Tassani aqutsisoqatigiinni ingerlalluartuni peqataallutit misigissavat, kivitseqatigiittunik, suliatsinnut takorluukkat anguniakkallu ersarissut. 

 

Peqqutit arlaqarput kisimiillutit aqutsinnginnissannut. Tunngaviusumik naleqartitatta ilagaat atuartut ataasiakkat qitiutinnissaat taamaattumillu piginnaaneqarfigisariaqarparput ataatsimut aaqqiissutissat qulakkeerniarlugu atuartut tamarmik pitsaasumik atuartuusinnaanissaat.

 

 

Atuarfinnik ataatsimoortinnissarsuarmi sulisut, atuartut angajoqqaallu toqqissisimasumik aqqusaagaqartikkit

Piffissaq siulleq sulinerit allanngortiterinermik annertuumik sunnerneqarsimassaaq, annertuumik allanngortiterileruttoratta, ingerlatsivillu peqatigalugu ingerlateqqissavat.

 

Ilaatigut qulakkeerneqassaaq assersuutigalugu meeqqat isiginnittariaasiat qanoq ittoq kissaatigaarput? Avatangiisit ilikkarfiusut suut pilersinnissaat kissaatigaarput? Tassani, perorsaanermi takorluukkatit ingerlatissavatit – aqutsisoq atuarfinnilu marlunni atuareernerullu kingorna ornittakkani sulisut 130-t qanimut suleqatigalugit.

 

Taassuma saniatigut suleriaatsit marluk ataatsimoortilernissai ukkatarissavat. Sulisutsinnut ullunik perorsaanermik tunngaveqartunik aallartitsereerpugut, massakkut atuarfiusuni naapiffeqartarlutik. Suliaq ingerlateqqissinnaasat.

 

Taassuma saniatigut imaaliussaatit:

• atuartut kattunnerinut pilersaarusiornerit – tassunga ilanngullugu angajoqqaanik suleqatigiisitsineq paasissutissiinerillu
• atuarfiup siulersuisuinik pilersitsineq kingornatigullu atuarfiup siulersuisuinut attaveqaataaneq
• atuarfiup pisortaanut tullersortit pingasut atorfinitsillugit, allaffimmi pisortaq, AKO-mi aqutsisoq aqutsisoqatigiinni suleqatigisassatit – sulisut tallimat taakkuupput toqqaannartumik suleqatigisassatit
• Meeqqanut Atuarfeqarnermullu Ingerlatsivimmut kiisalu avataani suleqatigisanut pingaarnertut attaveqaataassaatit

 

Naak ukiuni tulliuttuni sulisunik, aqutsisunik meeqqanillu kattutsitsineq pingaarnertut qitiutinneqaraluartoq, tamatuma kingornatigut atuarfimmi nutaami aqutsisunngussaatit takorluukkat anguniakkallu ataatsimoortitat malillugit aqutsisoqatigiit sinneri suleqatigalugit.

 

 

Perorsaanermi siunissaq pillugu takorluugaqartoq ersarissumillu aqutsisoq

Siullertut pingaarnertullu perorsaanermi siumut takorluuisuuvutit – takorluukkatillu anguniagassanngortissinnaallugit iliuusinngorsinnaallugillu aalajangersimasut. Suliatigut patajaatsumik toqqammaveqartutit kisianni naatsorsuutiginngilarput ilisimasaqarnerusutit imaluunniit “suna tamaat nalunngeriissagit”. Atuarfimmi nutaami atuartut, angajoqqaat sulisullu pitsaasumik aallartinnissaannut akisussaaffimmik tigusisinnaavutit.

 

Peqatigitillugu ersarissumik aqutsisuuvutit, aqutsisuillu ineriartornissaat pingaartippat, pitsaanerpaanngortinniarlugit. Suliffeqarfimmi nalitulluartumi sulilluarsinnaavutit aqutseriaatsillu allanut sutigut tamatigut avitsissutigalugu. Aammalu uummatikkut ataatsimoortunik takunneqqaartartuuvutit namminerlu soqutigisatit kingulliuttarlugit. Peqatigitillugu attaveqarnermut pikkorissuuvutit, sulisunut suleqatigiinnermik pitsaasumik piviusunngortitsisinnaasoq ersarissumillu anguniagaqarsinnaasutit.

 

Taassuma saniatigut pingaartipparput illit:

• perorsaanermik tunuliaqutalik – ajornanngippat ilinniartitsisoq
• suliffeqarfinni anginerusunit aqutsinermi misilittagalik – ajornanngippat atuarfimmut tunngasuni
• allanngortiterinermi aqutsinermik misilittagalik aamma sulisunik suliffeqarfimmillu annertuumik allannguinermi periusissiat aqqutigalugu aqutsisinnaanissamut piginnaasaqartutit
• Marluinnik oqaaseqartuusinnaavutit - kalaallisut qallunaatullu. Aamma tuluttut oqaatsit sapinngikkaanni iluaqutaassaaq.

 

 

Atuarfimmi pisortassarivatsigit? 

Atuarfimmut tunngasuni pisortaq, Riikki Grønvold, saaffiginissaanut tikilluaqqusaajuaannarputit, oqarasuaammut (+299) 367303 imaluunniit rigr@sermersooq.gl, atorfik pillugu paasisaqarnerorusukkuit.

 

Atorfinitsinneqartoq Sulinngiffeqarnermut Aningaasaateqarfimmut isumaqatigiissummi ilaavoq.

 

Malugiuk:

Tjenestemanditut atorfinitsinneqarsinnaagavit aatsaat siornatigut tjenestemanditut atorfeqarsimaguit.

 

 

Pineqaatissinneqarsimannginnermut aamma meeqqanut pinerliisimannginnermut uppernarsaat:

Pineqaatissinneqarsimannginnermut aamma meeqqanik pinerliisimannginnermut uppernarsaatit:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik naalagaaffiup politiivinit meeqqanik innarliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq erseqqissaatigineqassaaq. Meeqqanik pinerliisimannginnermut uppernarsaat kommunimit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politeeqarfimmut aaneqassaaq.

 

 

Inissaq:

Atorfimmut atatillugu inissaqartitsisoqarpoq, taamaattumik qularnaveeqqummut ineqarnermullu, atuinermut il. il. akiliisoqartassaaq, matumanilu Kalaallit Nunaanni Namminersorlutik Oqartussat kommunillu Kalaallit Nunaanni illuutaannut tunngatillugu ineqarnermut akiliuteqartarnermut maleruaqqusat naapertorlugit akiliisarneq pisassalluni. Atorfininnerup kinguninngua sulinermut atatillugu inissamik innersuussisoqarsinnaanngippat utaqqiisaasumik inissiamik neqeroortoqassaaq, qulaanilu taaneqartut naapertorlugit inimut, atuinermut il il akiliisoqartassalluni. Ineqarnermut, matumani atuinermut, il. il. tunngasut pillugit annertunerusumik paasisaqarusukkaanni, paasissutissat uani takuneqarsinnaapput: www.iserit.gl

 

 

Aningaasarsiat atorfeqartitaanermilu atugassarititaasut

Akissaatinut atorfinitsitaanermullu tunngatillugu atugassarititaasut:

Akissarsiat atorfeqartitaanermilu atugassarititaasut Namminersorlutik Oqartussat, IMAK-ip imaluunniit kattuffiup isumaqatigiinniarsinnaatitaasup susassaqartup akornanni isumaqatigiissut atuuttoq naapertorlugu pissapput.

 

Atorfinitsitsineq qaammatini pingasuni misiliinertaqarpoq.

 

 

Qinnuteqaat:

Qinnuteqaat qulequtserlugu Atorfiup ilisarnaataa 174-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Tusarfiginissat qilanaaraarput.

Qinnuteqarnissamut killissarititaasoq: marsip 30.-at, 2023

Atorfik una qinnuteqarfigiuk