Skip to main content
103

Dette jobopslag er udløbet

Meeqqanut Atuarfeqarnermullu Ingerlatsivik fagchef-imik pissarsiorpoq / Atorfiup normua: 421/19

Kommuneqarfik Sermersooq Meeqqanut Atuarfeqarnermullu Ingerlatsivik atuarfinnut tunngasuni nukittuumik misilittagalimmillu fagchefimik pissarsiorpoq, naatsorsuutigineqarpoq septembarip aallaqqaataani isumaqatigiissuteqarnikkulluunniit atorfinittussamik.
Ulluinnarni ingerlatsivimmi ingerlatsineq fagchefip fagchefillu allat akisussaaffigaat, soorlu atorfinittussaq kommunimi pisortaqatigiinnut ataatsimut ilaavoq taamaattumillu kommunip aaqqissugaanerani ataatsimoorluni suliniutini peqataasassaaq.

Kommunip fagchefit tamarmik sulinermut aallaavigisartagaat aqutsisutut tunngavissat suliarinikuuai.

ATUARFEQARNERMUT PISORTATUT ATORFIK

Immikkoortortaqarfik fagchefimik nukittuumik, aqutsinerup tungaatigut aamma pissanganartunik unammillernernik taamatuttaaq atuarfeqarnermut tunngasuni suliatigut ilisimasalimmik pissarsiorpoq. AKO/SFO klubbillu.
Immikkoortortaqarfiup iluani aaqqissuussaanerup sannaanut suleqataanissannut periarfissaqassaaq immikkoortortaqarfiullu avammut kiinnertartoralutit sinniisorissavaatit.

Fagchefip sumiiffiit immikkoortortaqarfiillu akisussaaffii ukuupput: 

  • Atuarfeqarnermut immikkoortortaq:
  • Atuartut angerlarsimaffii
  • Suleqatinik avataaneersunik oqaloqatiginninnerit, isumaqatigiinniarnerit isumaqatigiissutillu
  • AKO/FRO klubbillu

Atuarfimmi fagchefitut pingaarnertut akisussaaffeqarfissatit ukuupput

  • Pisortaaneq, ineriartortitsineq, ingerlatsiviup ataani suleqatigisartakkat tamakkerlugit ataqatigiissaarineq
  • Suliatigut aningaasaqarnikkullu immikkoortortap ingerlanneqarneranut akisussaasuuneq ineriartortitsinerlu, tassani Kalaallit Nunaanni meeqqat atuarfiannik kivitsisumik/KIVITSISA ineriartortitseqqinneq kiisalu kommuunimi aqutsinemut tunngaviusunik atuutilersitsineq
  • Kommunip missingersuutinik malinninnissaq pingaartinnerpaavaa, taamaattumik naatsorsuutigaarput illit:Politikkikkut tunaartarineqartut ingerlatsivimmi inerisarneqarnissaat, suliarisassanngornissaat atulersinneqarnissallu qulakkiissallugit
    • Ingerlatsivimmi missingersuutit aningaasaqarnerlu politikkikkut aningaasaliissutit akisussaaffigalugit ingerlatsinissat.
    • Ajunngitsumik aningaasaqarnikkut ingerlatsineq qulakkiissallugu  – aamma immikkoortortaqarfik tamakkerlugu peqataatinneqarnissaat taavalu suliassat aningaasaliissutit qulakkiissallugit.
  • Politikkikkut tunaartarineqartut ingerlatsivimmi inerisarneqarnissaat, suliarisassanngornissaat atulersinneqarnissallu qulakkiissallugit.
  • Ingerlatsiviup pisortai suleqatillu kinguneqarluartumik suleqatigalugit malunnartumik ingerlatsivimmi periusissat ataatsimoorussat qulakkiissallugit
  • Sulisut, suliatigut piginnaasat suliallu sulianullu tunngasut akornanni ataqatigiissumik pilersitsisoqarniassammat sulisut piginnaasaannik siuarsaanissaq qulakkiissallugu
  • Immikkoortortaqarfimmi ingerlatsisut assigiinngitsut akornanni ataqatigiinnissaat qulakkiissallugu
  • Kommuneqarfik Sermersuumi anguniakkanik nutaanik, aqutsinemut tunngaviusut periaatsillu atulersinniarlugit ingerlanneqarnerannut tapersiilluni

Tulliatut inuttut piginnaasat aamma suliaq pillugu makkuninnga tunuliaqutaqarnissaq naatsorsuutigaarput

  • Naleqquttumik aqutsisutut ilinniarsimaneq/aqutsinermik misilittagalittut allagartalik.
  • Ilinniartitsisutut ilinniagalik atuarfinnilu misilittagalik
  • Pingaarnertut missingersuusiornermut naatsorsuusiornermullu misilittagalik - tamatumunnga aqutsineq
  • Inatsisit malillugit suliaqarnermik misilittagalik
  • Siuttuunermik piginnaasalik
  • Ataqqinninneq tatiginartuunerlu
  • Suleqatit kajumissaarlugillu peqataatinnissaannut piginnaasalik
  • Atassuteqarsinnaaneq aamma pingaarnertut ineriartortitsinermi suliniuteqarsinnaaneq
  • Marluinnik oqaaseqartuuguit iluaqutaassaaq
  • Ajunngitsumik eqqarsartoq aamma sapiissusilik

 

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissarsiaqarneq atorfinitsitaanerlu:
Namminersornerullutik Oqartussat kattuffiullu isumaqatigiinniarsinnaatitaasup akornanni isumaqatigiissut atuuttoq malillugu atorfinitsitaaneq pillugu isumaqatigiissusiortoqassaaq.

Inissiaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqartarneq:
Qinnuteqaatip ilisarnaataata atorfiup normua, aamma ilinniagaqarsimaneq siornatigullu sulisimanerit pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imaaliussaatit:
Nittartagarput atorlugu qinnuteqaatit immersorsinnaavat CV ilinniarsimanermullu pappiaqqat ilanngullugit nassiussinnaallugit.

Paasissutissat amerlanerit uani pissarsiarineqarsinnaapput: Pisortaq Helene B. Berthelsen tlf (+299) 555675 imalt. mail: hebe@sermersooq.gl, imaluunniit stabschef Louise Markussen tlf (+299) 486218 imaluunniit mail: loma@sermersooq.gl. Aammattaaq ingerlatsiviani aamma ineriartortitsinermut pilersaarutit amerlanerusut piniarsinnaavatit.

 

Qinuteqaat tunniunneqassaaq kingusinnerpaamik: 17 juli 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Louise Markussen
Telefon: +299 36 63 38
Nittartagaq: http://www.sermersooq.gl
Qinnuteqaat nassiutiguk