Skip to main content
153

Dette jobopslag er udløbet

Meeqqanut akuleriinnut paaqqinnittarfimmut nutaamut naluttarfiup Malik-up eqqaaniittunut meeqqerisunik imaluunniit Isumaginninnermut ikiortinik pingasunik pissarsiorpoq. ( Initalimmik)

Meeqqanut akuleriinnut paaqqinnittarfimmut nutaamut naluttarfiup Malik-up eqqaaniittunut meeqqerisunik imaluunniit Isumaginninnermut ikiortinik pingasunik pissarsiorpoq.

Isumaginninnermik ikiorti soqutiginnittoq tunniusimasorlu Meeqqerivik nutaaq Naluttarfik Malik-up eqqaaniittoq-mi sulilersinnaasoq pissarsiariumaneqarpoq

Meeqqanut ulluunerani paaqqinnittarfimmik ingerlatsinermik attassinermut ineriartortitsinermullu peqataarusuppit, maani qanimut attaveqatigiinnerit pingaartinneqaqaat aamma meeqqat eqimattaqatigiillu ataasiakkaat ineriartornerat atugarissaarnerallu ukkatarineqarput.  Taava suliffissaqartippatsigit.

Paaqqinnittarfik pillugu

Meeraateqarfik Maliup eqqaaniittoq 80-nik meeqqanut inissaqarpoq, ininut arfinilinnut agguaqqallutik.

Meeraaqqerivittaani (0-2½ ukiullit) inini tallimanut meeqqat 60-it, inimi ataatsimi meeraaqqat 12-it, meeqqerivittaani (2½-6 ukiullit) inimi ataatsimi meeqqat 20-it. Aqutsisup aamma aqutsisup tulliata saniatigut inini tamani pingasunik sulisoqarpugut soorluttaaq igaffimmi ikiorti ataaseq eqqiaanermilu sulialik ataaseq kiisalu eqqiaasumut/igaffimmiumut ikiorti sulisoraavut.

Ukioqatigiinngitsunut paaqqinnittarfik Meeqqerivik nutaaq Naluttarfik Malik-up eqqaaniittoq, ataasinngornermiit tallimanngornermut nal. 07.00-imiit 17.00-imut ammasarpoq.

Paaqqinnittarfitsinni immikkut ilisarnaatigaarput: Anguniakkat aallaavigalugit sulineq, ukunannga:

- Silaannarissumi meeqqat pinnguartassapput.

- Assigiinngissuseq (akuersaarneq , inuk qanorluunniit atugaqarpat allaanerussutaa akuersaaneqarluni)

- Suiaassutsikkut inerikkiartorneq (peqqinnartumik peqqinnanngitsumillu) (tassani peqqinnanngitsumik ineriartortut peqqinnartumut sangutinneqartarnissai)

Suliffik qanoq ittoq neqeroorutigisinnaavarput:

-          Uagutsinnut pingaaruteqarpoq meeqqat ulluinnarnik ataqatigiissunik toqqissimanartunillu misigisaqarnissaat inunnut pitsaasumik attaveqarneq aqqutigalugu. Naatsorsuutigaarput illit paaqqinnittarfiup anguniagaanut sinaakkutissanik pilersitseqataassasutit taakkununngalu tapersersuissasutit.

-          Suliffimmi ulluinnarni sammisanut annertuumik sunniuteqarfigisinnaasat neqeroorutigaarput.

-          Paaqqinnittarfiuvugut sulisut atugarissaarnerannik, suliffimmik atugarissaarfiusumik, suleqatigiinnermik ingerlalluartumik aamma suliffimmi avatangiisit pitsaasuunerannik pingaartitsisut, maani suliamut tunngatillugu ineriartorneq pingaartinneqaqaaq.

Qinnuteqartumut naatsorsuutigineqartut:

-          Meeqqerinermut- imaluunniit Isumaginninnermik Ikiortitut ilinniarsimasuunissat

-          Nammineq akisussaaffimmik tigusisinnaavutit namminersorlutillu sulisinnaallutit

-          Suleqatinut angajoqqaanullu suleqatiginnikkumavutit

-          Allanngortitsinissamut piareersimasuuvutit

-          Meeqqanut ineriartuutaasunik sammisaqartitsinernik pilersaarusiorsinnaavutit

Paaqqinnittarfipput aamma anguniakkavut pillugit uani annermik atuagassaqarpoq: sermersooq.gl

Annertunerusumik paasisaqarusukkuit:

Aqutsisoq: Andreas Jessen, oqarasuaat: 36 67 00, email: ajes@sermersooq.gl.

Meeqqanik pinerliisimannginnermut aamma pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik innarliisimannginnermut uppernarsaat qinnuteqartumit akuersissutitalik kommunimit piniarneqassaaq, pineqaatissinneqarsimannginnermullu uppernarsaat pineqartup Politiinit pissavaa.

Akissaatinut atorfinitsitaanermullu tunngatillugu atugassarititaasut:
Namminersorlutik Oqartussat, SIK imaluunniit kattuffiup allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.

Atorfinitsitsineq qaammatini pingasuni misiligutaaqqaassaaq.

Inissiaq:
Atorfimmut atatillugu inissaqartitsisoqarpoq, taamaattumik qularnaveeqqummut ineqarnermullu, atuinermut il. il. akiliisoqartassaaq, matumanilu Kalaallit Nunaanni Namminersorlutik Oqartussat kommunillu Kalaallit Nunaanni illuutaannut tunngatillugu ineqarnermut akiliuteqartarnermut maleruaqqusat naapertorlugit akiliisarneq pisassalluni. Atorfininnerup kinguninngua sulinermut atatillugu inissamik innersuussisoqarsinnaanngippat utaqqiisaasumik inissiamik neqeroortoqassaaq, qulaanilu taaneqartut naapertorlugit inimut, atuinermut il il akiliisoqartassalluni. Ineqarnermut, matumani atuinermut, il. il. tunngasut pillugit annertunerusumik paasisaqarusukkaanni, paasissutissat uani takuneqarsinnaapput: www.iserit.gl

Piffissamut atorfininnissamut sulisunut qaqugu inissaqartitsilersinnaaneq apeqqutaavoq. Atorfininnermi angalanermut aamma pequtit assartorneqarnerannut malittarisassat atuuttut naapertorlugit akiliussisoqassaaq.

Qinnuteqaateqarneq:
Qinnuteqaat atorfiup normuanik ilisarnaatilik Atorfik nr 6/22  aamma ilinniagaqarsimaneq siornatigullu suliffigisimasat pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

 

 

Qinuteqaat tunniunneqassaaq kingusinnerpaamik: 26. januar 2022
Atorfininneq: Isumaqatigiissutit malillugit
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Leder Andreas Jessen
Telefon: +299 366700
Nittartagaq: http://www.sermersooq.gl
Qinnuteqaat nassiutiguk