Skip to main content
127

Dette jobopslag er udløbet

Meeqqanut akuleriinnut paaqqinnittarfik Nukariit marlunnik isumaginninnermi ikiortissarsiorpoq

Ulluunerani meeqqanut ukioqatigiinngiiaanut paaqqinnittarfik Nukariit isumaginninnermi ikiortinik marlunnik pissarsiorpoq

Meeqqanut ulluunerani paaqqinnittarfimmik ineriartortitseqataarusuppit ingerlatsinermik attassinermut ineriartortitsinermullu suleqataarusullutit maani qanimut attaveqatigiinnerit pingaartinneqarput meeqqallu eqimattaqatigiit ataasiakkaat ineriartornerat atugarissaarnerallu ukkatarineqarput, taava atorfissaqartippatigit.

Meeqqat alapernaatsut, tatituut, peqqissut nuannaartullu Kommuneqarfik Sermersuup anguniagarai, aqqutissiuullugit iliuusissatsinnik eqqartuisarnitsinni piviusunngortinnissai anguniassavagut.

 

 

Meeqqerivitsinni immikkut ilisarnaatigaarput: Anguniakkat aallaavigalugit sulineq, ukunannga:

  • · Pinngortitaq perorsaanermi sakkussatut atussallugu
  • · ukioq 2022 sulisunik inerisaanermut atorneqarnissaa

Nukariit ukioqatigiinngitsunut meeqqeriviuvoq nutaanerusoq meeqqanut 120-nut, meeqqerivimmi 60-it aamma meeraaqqerivimmi 60-it, ininut pingasunut tallimanullu avillugit inissalik.

Sulisullu 29-inut naatsorsuussaavoq.

Meeqqeriviullunilu meeraaqqerivik Nuup illoqarfiata ilaani nutaami Qinngutsinni pinngortitamik annertuumik avatangiiseqarpoq.

 

 

Neqeroorutigaavut:

 

  • · Meeqqanut ineriartuutaasunik ulluinnarni sammisassaqartitsinermik suliaqarneq
  • meeqqat avatit timilu atorneranut kiisalu ulluinnarni ineriartornermi ilikkartitsiniarnermik inerisaaqataaneq
  • · uagutsinnut pingaaruteqarpoq meeqqat ulluinnarni ataqatigissunik toqqissisimanartunillu misigisaqarnissaat inunnut pitsaasumik attaveqarneq aqqutigalugu. Naatsorsuutigaarput illit suliffiup anguniagaanut sinaakkutissanik pilersiteqataassasutit taakkununngalu tapersersuissasutit

 

 

Naatsorsuutigaarput:

  • · Isumaginninnermi ikiortitut ilinniarsimasutit, assigisaanilluunniit
  • · Suleqatinut meeqqanullu maligassiuilluartuusutit.
  • · Meeqqat, sulisut angajoqqaallu akuersaartumik naapittassagitit.
  • · Inussiarnersuuvutit avatangiisinnillu inissaqartitsisuullutit.
  • · Suliassanik ilisimasaqarluartoq aamma meeraaqqerivimmi meeqqerivimmiluunniit sulinermik misilittagalik.
  • · Meeraq pillugu angajoqqaat suleqatissatut pingaarnerpaatut pingaartippatit.
  • · Silami sammisassat pinngortitarlu avatangiiserisamik atuinissaq pingaartippatit.
  • · Aqutsisunut unneqqarissuuvutit.
  • · Ulluunerani paaqqinniffinni perorsaanerup tungaatigut ineriartortitseqataassasutit suleqatitillu ilanngutiteqataatissinnaassagitit.
  • · Tusarnaallaqqissuussasutit taamaalisukkullu qanoq isumaqarnerlutit ersersissinnaassagit.

 

 

Pitsaassaaq:

 

  • · Isumaqaruit meeqqat ataasiakkaat angajoqqaavisalu sullinnerini toqqissisimaneq, qanilaarneq, ataqqinninneq, suleqatigiinneq, 
  • pinnguarneq ineriartornerlu atugarinissaat pingaaruteqartoq
  • · Sulisunik ilinniarsimanngitsunik pikkorissartitseqataarusussuseqaruit
  • · Piginnaasannik avitseqatigisinnaagutsigut
  • · Nipilersornerup, erinarsornerup, avatinik atuisinnaanerup allatigulluunniit sammisaqarsinnaanerup tungaatigut piginnaasaqaruit

 

 

Meeqqanik pinerliisimannginnermut aammalu pineqaatissinneqarsimannginnermut uppernarsaat:Pinerluuteqarsimannginnermut meeqqanillu innarliisimannginnermik uppernarsaatit atorfimmi piumasarineqarput. Inatsit naapertorlugu Kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit tiguneqarpat atorfininnissaq inissinneqassammat.

Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

 

Akissaatinut atorfinitsitaanermullu tunngatillugu atugassarititaasut:
Namminersorlutik Oqartussat, SIK imaluunniit kattuffiup allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.

Atorfinitsitsineq qaammatini pingasuni misiliutaaqqaassaaq.

 

 

Inissaq:
Atorfimmut atatillugu inissaqartitsisoqanngilaq.

 

 

Paasiniaavissaq:
Atorfik pillugu annertunerusumik paasiniaaffigineqarsinnaavoq, Nukariit-ni pisortaq Lillian Lennert Frederiksen oqarasuaat; +299 366991 imaluunniit email: lile@sermersooq.gl

 

 

Qinnuteqaat:
Qinnuteqaatip ilisarnaataata atorfiup normua 406/22, aamma ilinniagaqarsimaneq siornatigullu sulisimanerit pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

 

 

Ima qinnuteqassaatit:
Qinnuteqaatip elektroniskimik nassiunneqarnissaa orniginartinneqarneruvoq, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

 

 

MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaat inussiarnersumik piumasarineqarpoq.

Qinnuteqarnissamut killissarititaasoq: juulip 6.-at, 2022

Atorfik una qinnuteqarfigiuk