Skip to main content
98

Dette jobopslag er udløbet

Meeqqanik Inuusuttunillu Siunnersuisarfik/Misi tarnip pissusiinik ilisimasalimmik pissarsiorpoq/ Atorfiup ilisarnaataa 630/20

Ajornartorsiutinik meeqqanut inuusuttuaqqanullu tunngasunik suliaqarneq nuannaraajuk? Kommuneqarfik Sermersooq perorsaanermi tarnillu pissusiinik ilisimasalittut siunnersuisarfimmut tarnip pissusiinik ilisimasalimmik pissarsiorpoq.

Meeqqanik Inuusuttunillu Siunnersuisarfik/Misi kommunimi illoqarfiit pingaarnersaanni, Kommuneqarfik Sermersuumi, Meeqqanut Atuarfeqarnermullu Ingerlatsivimmiippoq.

Misimi oqaloqatiginninnermik ingerlatsillutalu aaqqissuulluakkamik tunngaveqartumik sulisarpugut. Inersimasut meeqqanut akisussaasuusut meeqqat ilikkagaqarnissaannik, iluarisimaarnissaannik ineriartornissaannillu qulakkeerinissamut paasisanik sakkussanillu pissarsinissaat pingaarnerpaatut suliassaraarput. Taamaattumik perorsaanikkut tarnillu pissusiinik ilisimasalittut angajoqqaanut aammalu meeqqanik inuusuttuaqqanillu ukioqanngitsuniit 18-it angullugit ukiulinnik sullissisunut siunnersuineq sulinitsinni pingaarnertut suliassaraarput.

Suleqatit suliassaqarfinnit assigiinngitsuneersut peqatigalugit suleqatigilissavatsigut. Misimi Siunnersortinut chefeqarpoq ataatsimik, tarnip pissusaanik ilisimasallit tallimat, Meeqqanut inuusuttunullu siunnersortit sisamat kiisalu oqalunnermut tusaasaqarnermullu sungiusaasoq ataaseq.

Misimi tarnip pissusaanik ilisimasalittut sulineq tamatigoortuuvoq saaffiginnittumullu siunnersuinertigut oqaloqatiginninnermik suliassanik imaqarluni. Taamatuttaaq piffissap ilarujussua saaffiginnittup ajornartorsiutaanik sukumiisumik misissuinermut, ilaatigut nakkutilliinermik, suliat tunngavigalugit siunnersuinermik, saqqummiinernik, eqqarsartaatsikkut misissuinernik il.il. imaqartumut atortassavat.

Misimi tarnip pissusaanik ilisimasalittut nammineerlutit assigiinngisitaartumillu sulisinnaanissat tamatumali ilutigisaanik suliffeqarfiup iluanit avataaniillu suleqateqarlutit suliassaqarfinni assigiinngitsuni sulisinnaanissat naatsorsuutigineqarpoq.

Misip Nuummi inissisimagaluarluni Kommuneqarfik Sermersooq tamaat sullitaraa tassungalu Kalaallit Nunaata Kitaani Tunumilu illoqarfiit nunaqarfiillu ilaapput. Suliamut atatillugu angalanerit pisinnaasarput. Misimi Siunnersortaaneq taannaavoq illit qaninnertut qullersarisassat.

Akisussaaffeqarfiit:

  • Perorsaanermi tarnip pissusiinik ilisimasalittut siunnersuisarneq ingerlatarissavat.
  • Perorsaanermi tarnip pissusiinik ilisimasalittut siunnersuinikkut misissuineq nalilersuinerlu ingerlattassavatit kiisalu meeqqap avatangiisaaniittut suleqatigalugit meeqqap ineriartornissaa, atugarissaarnissaa ilinniarnissaalu qanimut suliniuteqarfigisassavat
  • Tarnip pissusiinut tunngassutilinnik nalunaarusiortassaatit nalunaarusiallu saaffiginnittumut saqqummiullugu
  • Misimi atorfeqartut allat peqatigalugit suliatigut aaqqissuussaanikkullu ineriartortitseqataassaatit.
  • Siunnersuinermut pisortaq, ilinnut pisortatut qaninnerusoq isumaqatigiissuteqarfigalugu suliassanik allanik suliaqartassaatit.

Ilinnut tunngasut

Matuma ataani allassimasut amerlanersaat ilinnit naatsorsuutigaavut:

  • Tarnip pissusiinik ilisimasalittut ilinniarsimasuusutit akuersissummillu pigisaqartutit, naak piumasaqaataanngikkaluartoq
  • Perorsaanermi tarnip pissusiinik ilisimasalittut siunnersuisarnikkut sulinermik ilisimasaqartutit misilittagaqaruillu pitsaassaaq.
  • Perorsaanikkut immikkut pisariaqartitatigut sulianut soqutiginnittuusutit.
  • Ilinniartitsisunik, perorsaasunik angajoqqaanillu siunnersuinermik aqqutissiuussinermillu suliaqarniarlutit aalajangersimasutit.
  • Suliaqartunik allanik piginnaanngorsaanermik, ilaatigut suliffeqarfimmi saqqummiisarnikkut suliaqarniarlutit aalajangersimasutit.
  • Inuit assigiinngitsorpassuit oqaloqatiginissaannut inissisimaffiinilu naapinnissaannut piumassuseqarlutillu piginnaaneqassasutit
  • Suliap naammassiniarnerani nammineersinnaasutit, oqimaaqatigiittumik suleqateqarsinnaanermut tarnillu pissusiinik ilisimasanik suliat tunngavigalugit oqaasinngortitsisinnaanermik piginnaasaqartutit
  • Sulianik ilisimasaqarluarnermik pingaartitsisuusutit
  • Pitsaasuullutit, tatiginartuullutit aalajaatsuullutillu suleqataasinnaasutit
  • Kalaallit Nunaanni inuiaqatigiinni pissutsinik ilisimasaqartutit
  • Kalaallisut oqalussinnaaguit iluaqutaassaqaaq.

Neqeroorutigisinnaavagut:

  • Suliffik pissanganartoq soqutiginartunik amerlasuunik suliassartalik
  • Suliffiup iluani avataanilu ilitsersuisarneq
  • Suleqatit pitsaasut
  • Piginnaasatigut inuttullu ineriartornissamut periarfissat
  • Suliffimmi avatangiisit pitsaasut
  • Ilitsersorneqartarnissaq taassumalu ataani allagartartaartarnissaq periarfissaavoq.
  • Ilitsersuisoqartarneq pitsaasoq

Piffissaq suliffiusussaq sapaatip akunneranut nalunaaquttap akunnerinik 40-nik sivisussuseqarpoq.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq IMAK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip
Qinnuteqaatip ilisarnaataata Atorfiup nr. 630/20 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 16. december 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Laila S. Skytte
Telefon: +299 36 63 38
Nittartagaq: http://www.sermersooq.gl
Qinnuteqaat nassiutiguk