Skip to main content
127

Dette jobopslag er udløbet

Meeqqanik Inuusuttunillu Siunnersuisarfik (Misi) tarnip pissusiinik immikkut ilisimasalimmik pissarsiorpoq / Allagarsiuteqqitaq / Atorfiup nr. 357/21

Meeqqanik Inuusuttunillu Siunnersuisarfik/Misi tarnip pissusiinik immikkut ilisimasalimmik pissarsiorpoq

Meeqqanik Inuusuttunillu Siunnersuisarfik/Misi kommunimi illoqarfiit pingaarnersaanni, Kommuneqarfik Sermersuumi, Meeqqanut Atuarfeqarnermullu Ingerlatsivimmiippoq. Perorsaanikkut tarnillu pissusiinik immikkut ilisimasalittut angajoqqaanut aammalu meeqqanik inuusuttuaqqanillu ukioqanngitsuniit 18-it angullugit ukiulinnik sullissisunut siunnersuineq sulinitsinni pingaarnertut suliassaraarput. Inersimasut meeqqanut akisussaasuusut, meeqqat ilikkagaqarnissaannik, iluarisimaarnissaannik ineriartornissaannillu qulakkeerinissamut paasisanik sakkussanillu pissarsinissaat Misimi pingaarnertut suliassaraarput. Taamaammat MISI tarnip pissusiinik immikkut ilisimasalimmik perorsaanikkut tarnillu pissuusiinik tunngasunik siunnersuinermik nuannarinnilluartumik pissarsiorpoq.

Suliffeqarfiuvugut suleqatigiinni tikilluaqquserusuttut. Ilaanneeriarluni nutaamik suliffissarsiorusulerneq takkuttarpoq, suleqatigiillutali ataatsimut isigalugu aalajaattuuvugut, pikkorissut, ilakkuminartut, quianartut tapersersuerusussuseqartullu. Tarnip pissusiinik immikkut ilisimasalittut suleqatigiinnut assigiinngitsunik sulialinnut perorsaanikkut tarnillu pissusiinut tunngasunik siunnersuinermik suliaqartunut ilaassaatit, tassanilu suliamut tunngasunik ilisimasaqassuseq, suleqatigiinneq sullissilluarnissarlu annertuumik pingaartinneqarput.  Misimi sulisut tamarmiugaangatta ukuusarpugut siunnersortinut chefeqarpoq ataatsimik, tarnip pissusiinik ilisimasallit tallimat, Meeqqanut inuusuttunullu siunnersortit sisamat kiisalu oqalunnermut tusaasaqarnermullu sungiusaasoq ataaseq.

Misimi oqaloqatiginninneq ingerlanneqartarpoq, aaqqissuulluakkamillu tunngaveqartumik sulisarlutik. Meeqqamut tunngasunik inersimasunik siunnersuisarnerup saniatigut perorsaanikkut tarnillu pissusiinut tunngasunik misissuinermik aamma meeqqanik inuusuttunillu immikkut atuartinneqarnissamik pisariaqartitsinersut nalilersuinermik suliaqartassaatit.

Immikkoortortaq Nuummi inissisimavoq, kisianni Kommuneqarfik Sermersooq tamaat sullitaraarput, tassani illoqarfiit nunaqarfiillu ilaallutik, Kalaallit Nunaata Kitaani aamma Tunumi. Taamaattumik sulitilluni angalasarnerit ilaatinneqarput.  Atorfik inuttaqanngilaq, atorfinitsitsinerlu pissaaq ulloq 15.05.21. Qaninnertut pisortarissavat Misimi siunnersortinut chefi.

Akisussaaffeqarfiit:

  • Perorsaanermi tarnip pissusiinik ilisimasalittut siunnersuisarneq ingerlatarissavat.
  • Perorsaanermi tarnip pissusiinik ilisimasalittut siunnersuinermi misissuineq nalilersuinerlu aamma meeqqap ilagisartagai suleqatigalugit meeqqap ineriartornissaa, atugarissaarnissaa ilinniarnissaalu qanimut suliniuteqarfigisassallugu.
  • Tarnip pissusaanik nalunaarusiorneq.
  • Misimi atorfeqartut allat peqatigalugit suliatigut aaqqissuussaanikkullu ineriartortitseqataassaatit.
  • Siunnersuinermut pisortaq, ilinnut pisortatut qaninnerusoq isumaqatigiissuteqarfigalugu suliassanik allanik suliaqartassaatit.

Ilinnut tunngasut:
Matuma ataani allassimasut amerlanersaat ilinnit naatsorsuutigaavut:

  • Illit tassaavutit tarnip pissusiinik immikkut ilisimasalik,
  • Perorsaanikkut tarnip pissusiinik immikkut ilisimasalittut siunnersuinermik soqutigisaqartuuvutit.
  • Ilinniartitsisut, perorsaasut angajoqqaallu siunnersorlugillu aqqutissiuutissallugit sulerusuttutit.
  • Suliaqartut allat piginnaanngorsarnissaannik, ilaatigut suliffeqarfimmi saqqummiisarnikkut suliaqarusussuseqartutit.
  • Inuit assigiinngitsorpassuit oqaloqatiginissaannut inissisimaffiinilu naapinnissaannut piumassuseqarputit piginnaaneqarlutillu.
  • Namminersorlutit sulisinnaasutit suliassatillu nammineq aaqqissorsinnaallugit
  • Arlalinnik siunertalinnik suleqateqarsinnaasuuseqartutit.
  • Kalaallit Nunaanni pissutsinik ilisimasalik aamma kalaallisut oqalussinnaaneq iluaqutaassaaq.

Neqeroorutigisinnaavagut:

  • Pissanganartunik suliassarqarfik unamminiagassarpassualik namminerlu suliassannut sunniuteqaqataasinnaallutit.
  • Suleqatit pitsaasut
  • Suliatigut inuttullu ineriartornissamut periarfissat pitsaasut.
  • Namminersorluni sulisinnaaneq suleqatigiinnilu sulisinnaaneq.
  • Suliffeqarfiup iluani avataaniluunniit ilitsersorneqarsinnaaneq
  • Tarnip pissusiinut tunngasunik siunnersortinut chefi
  • Kalaallit Nunaanni illoqarfiit pingaarnersaanni najugaqarnissaq periarfissaavoq, tassaanngaaniillu suliamut atatillugu kommunip illoqarfiinut nunaqarfiinullu angalaneq pisarsinnaalluni.

Piffissaq suliffiusussaq sapaatip akunneranut nalunaaquttap akunnerinik 40-nik sivisussuseqarpoq.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, IMAK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip:
Qinnuteqaatip ilisarnaataata Atorfiup nr. 357/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 09. August 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Rådgivningschef i Misi Laila S. Skytte
Telefon: +299 36 63 38
Mobil: 584558
Nittartagaq: http://www.sermersooq.gl
Qinnuteqaat nassiutiguk