Suliffeqarnermut Isumaginninnermullu Ingerlatsivimmut Oqartussaaffeqarfimmi Aqqusinermi angalaarlutik ujartuisartunik marlunnik sulisussarsiorpoq

Angerlarsimaffeqanngitsunik innuttaasunillu atugarliortunik sullissinissat pilerigaajuk? Unammilligassaannik pisariaqartitaannillu ilisimaarinnippit paasinnillutillu? Ulluinnaat allanngorartut suliffigisinnaavigit.

Aqqusinermi angalaartartut ulluinnarni innuttaasut angerlarsimaffeqanngitsut atugarliortullu attaveqarfigisarpaat aqqusinermi ujaasinikkullu assigiinngitsunik pitsaaliuinernik suliniuteqartarlutik.

Sulinitsinni innuttaasut tamarmik isumaqartuunerat aallaavigisarparput, nukissaat kissaatigisaallu aamma aallaavigisarpavut. Toqqavik pingaarnerpaaq tassaavoq qaninnerusumik attaveqalersinnaaneq.

Aqqusinermi angalaartartut sullinniagaat tassaapput innuttaasut inersimasut 18-it sinnerlugit ukiullit atugarliortut isumassorneqarnissamik maluginiarneqarnissamik, ikorfartorneqarnissamik, siunnersorneqarnissamik aqqutissiuunneqarnissamillu pisariaqartitsisut.

Aqqusinermi angalaartartunut piumasaqaataavoq, pitsaaliuinermi piginnaanngorsaanermilu innuttaasup inuiaqatigiinni ataqatigiissaakkamik ulluinnani inuuneqalernissaanut ikorfartornissaanut peqataasumik piumaffigineqanngikkaluarluni ujartuinissaq.

Innuttaasumut qanimut attaveqarnerup saniatigut Aqqusinermi angalaartartut suleqatigisat assigiinngitsut attaveqarfigilluartarpaat.

Suleqatissarput tassaassaaq:

• Isumaginninnermut siunnersortitut ilinniagalik assingusumilluunniit
• Attaveqatigiinnermik qanilaarfiusumik pilersitsillaqqissoq
• Sanngiitsunik angerlarsimaffeqanngitsunillu innuttaasunik sullissisinnaasoq
• Illoqarfissuarmik Nuummik ilisimasaqarluartoq
• Inissaqartitsisoq, eqaatsumik sulisinnaasoq tamakkiisumillu isiginnissinnaasoq
• Marluinnik oqaaseqartuuguit kalaallisut qallunaatullu iluaqutaassaaq aamma tuluttut paasinnissinnaasutit, piumasaqaataanngilarli.
• Ingerlaavartumik ilinniaqqikkusussinnaasoq
• Ineriartortitsinermut eqqummaarittuunissaq
• IT-imik atuilluni sulisinnaasoq
• Allattariarsornikkut attaveqarsinnaalluartoq
• Biilersinnaanermut allagartaqarnissat

Uagut neqeroorutigaavut:

• Suliffeqarfik annertuumik ineriartortoq pissanganartoq
• Suleqatigiit tunniusimasut akisussaassuseqartut pikkorissut, pitsaassutsimik pitsaasumik ineriartornissamillu angusaqarusuttut
• Atorfik nammineq aalajangiinermik suleqatinik suleqatigisartakkanillu qanimut suleqatigiinnermik piumasaqaateqarfiusoq.
• Suliaqarfitsinnut ilisarititsilluarnerup saniatigut aaqqissuussaanermut, illumut suleqatigisanullu ilisimasaqarnissaq qulakkiissavarput.
• Aqqusinermi angalaartartut pitsaasumik toqqissisimasumillu suliffeqarnissaq pingaartillugu sulisarput.

Atorfininneq: Isumaqatigiinnikkut / piffissaq suliffik: Sapaatip akunneranut akunnerit 40-t / Suliffik: Nuuk

Aqqusinermi angalaartartut suliffiuvoq pujortarfiunngitsoq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Suliatigut ataqatigiissaarisoq Unni D. Jakobsen, oqarasuaat +299 29 26 11 imaluunniit e-mail: unnd@sermersooq.gl

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq AK Socialrådgiver-inut sullissisunullu, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Qinnuteqaat:

Qinnuteqaat qulequtserlugu Atorfiup ilisarnaataa 49/23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: februaarip 7.-at, 2023

Atorfik una qinnuteqarfigiuk