Kommuneqarfik Sermersooq pikkorissumik tunniussimasumillu Majoriaq Tasiilami, Suliffissarsiuussisarnermi aqqutissiuussinermullu immikkoortortami, manna suliatigut, malittarisassat anguniakkallu tungaatigut, annertuumik ineriartortitsiffiuleruttortumi suleqatigiiaanut 1. januar 2022 isumaqatigiissuteqarnikkulluunniit sulilertussamik aqutsisussarsiorpoq, taamaalilluni aqutsisunngortussaq ineriartortitsinermik ingerlatitseqqinnissami suliniutinik ingerlatsisuulissalluni.

Atorfik Kommuneqarfik Sermersuup Isumaginninnermut Suliffeqarnermullu Ingerlatsiviani inissisimavoq, tassani Majoriaq Tasiilami pisortaq pingaarnertut aqutsisuuvoq.

Suliffissarsiuussisarnermi aqqutissiuussinermullu immikkoortortami suliassat pingaarnerit suliffissanik innersuussisarneq, suliffissarsiortunik nalunaarsuineq, suliffissarsiortunut piginnaasanik pikkorissaaneq, suliffissanik siunnersuineq, suliffissarsiortunik sammisaqartitsineq, suliffeqarfinnut attaveqarneq, avataaneersunik sulisussanik atorfinitsitsinissamut qinnuteqarneq, nuttarnerulernissamut  aningaasaliisoqarnissaanik qinnuteqarneq, suliffeqanngikkallarnermi ikiorsiissutinik qinnuteqaasiornerit, piginnaanngorsaaqqiineq naleqqussakkamillu sulinissamut periarfissanik pilersitsiniaaneq kiisalu inuusuttunik Majoriamut kalluusimanngitsunik ujartuilluni aqqutissiuussineq.

Majoriaq Nuummi pisortap Suliffissanut, ilitsersuisarnernut pikkorissaqqinnernullu qitiusumik ingerlatsiviit pillugit Inatsisartut inatsisaat nr. 28 ulloq 9. december 2015-imeersoq naapertorlugu pingaarnertut suliassarai ingerlatsiviup missingersuutai, ingerlanneqarnera suliassanullu aaqqiissutissat.

Atorfimmi suliassat:

• Suleriaatsit sullissisarnerullu ineriartortinneqarnissaanik, aaqqissuunneqartarnissaanik atuutilersinneqartarnissaanillu qulakkeerinninneq
• Kisitsisitigut paasissutissiornissamut nalunaarusiortuarnissamik qulakkeerinninnissaq
• Sulisut siunersiueqatigiittarnerullu inerisarneqarnissaannik qulakkeerinninnissaq
• Sulisut piginnaasaannik qaffassaaqataanissaq
• Majoriaq Tasiilami aqutsisut allat suleqatiginerinut peqataanissaq
• Majoriaq Tasiilami centerleder sulinngiffeqartillugu aallaqqatilluguluunniit paarlattaasarneq
• Suliffeqarfiit attavigisartakkat ilinniartoqarfiillu suleqatiginerinut peqataanissaq
• Kommunimi ingerlatsiviit allat suleqatiginissaat
• Sulianik politikkikkut ataatsimiititaliamut saqqummiussassanik suliaqarnermi peqataanissaq
• Sulianik tassanngaannaq takkuttunik suliaqaqataasinnaassuseqarnissaq 

Naatsorsuutigisat:

• Suliassaqarfimmut naleqquttumik ilinniagaqarsimasuunissat
• Suliassanik aqutsinermik agguataarisarnermillu soqutigisaqartuuvutit aqutsinermillu misilittagaqalerusuttuullutit
• Isumaginninnermut, ilinniartitaanermut suliffeqarnermullu tunngasuni inatsisinik ilisimasaqartutit
• Missingersuusiornermik, naatsorsuusiornermik malinnaasarnernillu suliaqartarnermut ilisimasaqartutit suliaqarsinnaassuseqarlutillu
• Pitsaasumik angusaqarusuttuusutit sunniuteqarluarusuttuusutillu
• Nammineerlutit akisussaaffimmik tigusillutit suliniuteqarsinnaassuseqartutit
• Pisuni qanoq ikkaluartuni malinnaasinnaasutit akerleriinnerillu aaqqiivigisinnaagitit
• Aaqqissuussinermik piginnaasaqarluartutit
• Aallarnisaasinnaasutit isumassuisinnaallutillu
• Inuit naligalugit ataqqillugillu naapittaritit aamma akuersaarnartumik aqutseriaaseqartutit
• Suliffeqarnermut tunngasutigut kissaatigisanik pisariaqartitanillu qulaajaanermut peqataasinnaasutit
• Kalaallisut danskisullu oqalussinnaanermik allassinnaanermillu piginnaasaqartutit 

Neqeroorutigaavut:
Suliffik pissanganartoq ineriartorfiullunilu unammillernartuk suliassartalik, imarisassaanik nammineq sunniuteqarfigineqarsinnaasoq suliffeqarfimmilu angisuumi ineriartortinneqartuartumi allanngorartuartumilu annertuumik akisussaassuseqarfiusoq. Suliffimmut suliffeqarfimmullu iserluartinneqarnissaq pingaartipparput aamma aqutsisut qanimut immersoqatigiiffigalugit suleqatigilluartarnissaq kiisalu aallartitsinissamut nutaaliornissamullu inissaqartitsinissaq anguniartuarparput. Aqutsisutut ilinniagaqarnissamut periarfissaqassaaq.

Pinerliisimannginnermut uppernarsaat: 
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat..

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, AK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissaq:
Atorfimmut atatillugu inissaqartitsisoqanngilaq.

Qinnuteqaat:
Qinnuteqaatip ilisarnaataata Atorfiup ilisarnaataa 740/21 aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.