Skip to main content
92

Dette jobopslag er udløbet

Majoriaq Nuummi killiligaasumik paarlaattaasussamik Siunnersortimik pissarsiorpoq / Atorfiup ilisarnaataa 741/21

Majoriaq Nuuk killiligaasumik erninermut atatillugu sulinngiffeqartumut paarlaattaasinnaasumik, atorfik ukioq ataasimik sivisussusilimmik 01.12.21 – 31.12.2022 siunnersortimik pissarsiorpoq.

Kommuneqarfik Sermersooq, Majoriaq Nuuk pikkorissumik tunniussimasunillu pingaarnertut piginnaanngorsaqqiisarnermut tunngasunik suliaqartussamik, maanna suliatigut ineriartortitsiffiuleruttortumi, siunnersortissarsiorpoq erninermut atatillugu sulinngiffeqartumut paarlattaasussamik, taamaalilluni suliassaqarfimmi ineriartortitsinermik ingerlatitseqqinnissami peqataalertussanik. Atorfininnissaq 1. januar 2022 pissasoq kissaatigineqarpoq.

Atorfik Kommuneqarfik Sermersuup Isumaginninnermut Suliffeqarnermullu Ingerlatsiviata ataani Majoriaq Nuummi inissisimavoq. Suliffissarsiuussisarnermi aqqutissiuussinermullu immikkoortortami suleqatigiinnut aqutsisoq qaninnertut tassani aqutsisuuvoq.

Majoriaq Nuuk Suliffissanut, ilitsersuisarnernut pikkorissaqqinnernullu qitiusumik ingerlatsiviit pillugit Inatsisartut inatsisaat nr. 28 ulloq 9. december 2015-imeersoq naapertorlugu aamma Naalakkersuisoqarfimmut Majorianut attuumassuteqartumut ingerlatsinissamik isumaqatigiissuteqarneq napertorlugu suliassanik ingerlatsivoq.

Atorfimmi suliassat:

  • Suliffissarsiortunik naleqqussakkat 2-miittunik ilitsersuinermut ingerlariaqqitsitsiniaanermillu suliaqarneq
  • Piginnaanngorsaaqqiinermut innersuussisarneq
  • Piginnaanngorsaqqiisarnermi suliassanik ingerlatsineq malitseqartitsisarnerlu
  • Majoriap iluani suleriutsinik ineriartortitseqataaneq
  • Suliffeqarfiit attavigisartakkat ilinniartoqarfiillu suleqatiginerinut ineriartortitseqataalluni peqataaneq
  • Kommunimi ingerlatsiviit allat suleqatigineri
  • Suliassaqarfimmi aningaasartuutinik ataavartumik ingerlatseqataaneq, aqutseqataaneq nakkutilleeqataanerlu
  • Sulianik allanik aammalu tassanngaannaq takkuttunik suliaqaqataasinnaassuseqarneq 

Naatsorsuutigisat:

  • Suliassaqarfimmut naapertuuttumik ilinniagaqarsimaneq misilittagaqarnerlu
  • Isumaginninnermut, ilinniartitaanermut suliffeqarnermullu tunngasuni inatsisinik ilisimasaqareerneq
  • Pitsaasumik angusaqarusuttuusutit sunniuteqarluarusuttuusutillu nammineersinnaalluseqarluartutit allanulllu immersueqataalluartarlutit
  • Inoqatit naligalugit ataqqillugillu naapittaritit
  • Suliffeqarnermut tunngasutigut kissaatigisanik pisariaqartitanillu qulaajaanermut peqataasinnaasutit
  • Aningaasaqarnermut tunngasunik suliaqarnermut peqataasinnaasutit
  • Kalaallisut danskisullu oqalussinnaanermik piginnaasaqartutit 

Neqeroorutigaavut:
Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq suliffeqarfimmilu angisuumi ineriartortinneqartuartumi allanngorartuartumilu annertuumik akisussaassuseqarfiusoq. Suliffimmut suliffeqarfimmullu iserluartinneqarnissaq pingaartipparput aamma suleqatit qanimut immersoqatigiiffigalugit suleqatigilluartarnissaq kiisalu minnerunngitsumik aallartitsinissamut nutaaliornissamullu inissaqartitsinissaq anguniartuarparput.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq..

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit AK Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Inissiaq:
Atorfimmut atatillugu inissiamik atugassiisoqanngilaq.

Qinnuteqaatip:
Qinnuteqaatip ilisarnaataata Atorfiup ilisarnaataa 741/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 17. december 2021
Atorfininneq: 01. januar 2022
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Bea Mølgaard Lennert
Telefon: +299 368135
Nittartagaq: http://www.sermersooq.gl
Qinnuteqaat nassiutiguk