Skip to main content
127

Dette jobopslag er udløbet

Majoriaq Nuuk Siunnersortimik pissarsiorpoq / Atorfiup ilisarnaataa 435/21

Kommuneqarfik Sermersooq, Majoriaq Nuuk pikkorissumik tunniussimasumillu pingaarnertut saaffiginniffiusartumi suliffissaaleqisunik nalunaarsuisarnermik, suliffeqartuunermut qaffassarnermut ilinniartitaanermullu tunngasunik suliaqartussamik, maanna suliatigut ineriartortitsiffiuleruttortumi, siunnersortissarsiorpoq, nammineerluinnarluni suliassaqarfimmi ineriartortitsinermik siunniunneqarsimasunik suliaqarsinnaasumik aammalu suleriutsinik  ineriartortitsinermi ingerlatitseqqinnissami peqataalertussamik. Atorfininnissaq 1. oktober 2021 pissasoq kissaatigineqarpoq imaluunniit isumaqatigiissuteqarnikkut.

Atorfik Kommuneqarfik Sermersuup Isumaginninnermut Suliffeqarnermullu Ingerlatsiviata ataani Majoriaq Nuummi inissisimavoq. Suliffissarsiuussisarnermi aqqutissiuussinermullu immikkoortortami suleqatigiinnut aqutsisoq qaninnertut tassani aqutsisuuvoq.

Majoriaq Nuuk Suliffissanut, ilitsersuisarnernut pikkorissaqqinnernullu qitiusumik ingerlatsiviit pillugit Inatsisartut inatsisaat nr. 28 ulloq 9. december 2015-imeersoq naapertorlugu,  Naalakkersuisoqarfimmut Majorianut attuumassuteqartumut ingerlatsinissamik isumaqatigiissuteqarneq kiisalu Kommuneqarfik Sermersuumi anguniagassiissutaasut napertorlugit suliassanik ingerlatsivoq.

Atorfimmi suliassat:

  • Suliffissarsiortunik nalunaarsuineq
  • Suliffeqartuunermut, qaffassaanermut ilinniagaqalernissamullu ingerlariaqqikkusuttunik aqqutissiuussineq siunnersuinerlu
  • Avataaniit tikisitsinissamik qinnuteqaatinik suliassanik ingerlatsineq malitseqartitsisarnerlu
  • Suliffeqarfiit attavigisartakkat ilinniartoqarfiillu suleqatiginerinut ineriartortitseqataalluni peqataaneq
  • Kommunimi ingerlatsiviit allat suleqatigineri
  • Sulianik allanik aammalu tassanngaannaq takkuttunik suliaqaqataasinnaassuseqarneq 

Naatsorsuutigisat:

  • Suliassaqarfimmut naapertuuttumik ilinniagaqarsimaneq og erfaring
  • Ilinniartitaanermut suliffeqarnermullu tunngasuni inatsisinik ilisimasaqareerneq
  • Pitsaasumik angusaqarusuttuusutit sunniuteqarluarusuttuusutillu
  • Nammineersinnaalluseqarluartutit allanulllu immersueqataalluartarlutit
  • Inoqatit naligalugit ataqqillugillu naapittaritit, kisiannili aamma aalajangersimasumik pissuseqassallutit
  • Suliffeqarnermut tunngasutigut kissaatigisanik pisariaqartitanillu qulaajaanermut peqataasinnaasutit
  • Kalaallisut danskisullu oqalussinnaanermik piginnaasaqartutit 
  • Oqaatsitigut oqalunnikkut allannikkullu sulianik ingerlatsisarnermi suliaqarnissamut piginnaasaqarluartuussaatit
  • Peqqissaartumik suliffeqarfiup aaqqissuussaanera eqeersimaarfiusoq peqataaffigilluarlugu suleqataaffigerusussavat, maleruagassat, inatsisit IT-kkullu sakkut allanngorartuartut malinnaaffigilluarsinnaallugit
  • Kissaatigaarput pisiortani allaffissornikkut sullissinermilu aammalu IT-kkut sakkunik atuisinnaanermut misilittagaqartuusutit
  • Isumagissaartuusutit sullivimmilu pissutsinut pitsaasumik sunniuteqarluartartuullutit

Neqeroorutigaavut:
Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq suliffeqarfimmilu angisuumi ineriartortinneqartuartumi allanngorartuartumilu annertuumik akisussaassuseqarfiusoq. Suliffimmut suliffeqarfimmullu iserluartinneqarnissaq pingaartipparput aamma suleqatit qanimut immersoqatigiiffigalugit suleqatigilluartarnissaq kiisalu minnerunngitsumik aallartitsinissamut nutaaliornissamullu inissaqartitsinissaq anguniartuarparput.

Aqqutissiuussisutut tunngaviusumik ilinniagaqarnissamut imaluunniit allatigut Majoriami sulinermut attuumassuteqartumik pikkorissarnissanik periarfissaqartitsissaagut.

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, SIK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissiamik atugassiisoqanngilaq.

Qinnuteqaatip:
Qinnuteqaatip ilisarnaataata Atorfiup ilisarnaataa 435/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 15. august 2021
Atorfininneq: 1. oktober 2021 imaluunniit isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Centerleder Esther Arens
Telefon: +299 366370
Mobil: +299 523841
Nittartagaq: http://www.sermersooq.gl
Qinnuteqaat nassiutiguk