Skip to main content
127

Dette jobopslag er udløbet

Majoriaq Nuuk piginnaanngorsaanermut immikkoortortamut aqutsisumik pissarsiorpoq / Atorfiup nr. 422/21

Majoriaq Nuuk piginnaanngorsaanermut immikkoortortamut aqutsisumik pissarsiorpoq

Kommuneqarfik Sermersooq Nuummi Majoriami (Piginnaanngorsaanermi) ilinniartitsisumik pikkorissumik tunniusimasumillu,  XXXX taassumaluunniit kingunitsianngua atorfinittussamik pissarsiorpoq.

Atorfik Kommuneqarfik Sermersuumi Isumaginninnermut, Suliffeqarnermut Inuussutissarsiornermullu Ingerlatsiviup ilaaniippoq, tassanilu Suliffeqarnermut suliani pisortaq pingaarnertut aqutsisuussalluni.

JVO-centerimi suliassat pingaarnerit ilagaat ilisarititsineq, ilinniarniarlutik qinnuteqartunut inuussutissarsiornermi- ilinniagaqarnermilu siunnersuineq, suliffissarsiortunut ilinniarnissamut ingerlaqqikkusuttunut inuusuttunullu atuagarsornikkut pikkorissaaneq, suliffissarsiortunik nalunaarsuineq, suliffissarsiortunut piginnaasanik pikkorissaaneq, suliffissanik siunnersuineq, suliffissarsiortunik sammisaqartitsineq, suliffeqarfinnut attaveqarneq, avataaneersunik sulisussanik atorfinitsitsinissamut qinnuteqarneq, nuunnissamut aningaasaliisoqarnissaanik qinnuteqarneq, suliffissarsiuussisarfimmit ikiuutisinissamut qinnuteqaasiornerit, piginnaanngorsaaneq nikerartumillu sulinissamut tassanilu piginnaanngorsaanermi aningaasanik, suliffeqarfiillu piginnaanngorsaanermut nikerartumillu sulinissamut aaqqiissutinut tapiissutit.

Pisortap centerip missingersuutai, ingerlanneqarnera suliassanullu aaqqiissutissat Inatsisartut inatsisaat nr. 28. ulloq 9. december 2015-imeersoq suliffissanut, ilitsersuisarnernut pikkorissaqqinnernullu qitiusumik ingerlatsiviit pillugit pingaarnertut akisussaaffigissavai.

Atorfiup imarisaa:

  • Sulianik sullissisut aqutsisuuffigissallugit sulianillu agguataarinissaq
  • Ulluinnarni ingerlatsineq aningaasaqarnerlu qulakkiissallugit
  • Kommuneqarfik Sermersuup aamma Namminersorlutik Oqartussat akornanni angusassat pillugit isumaqatigiissummi angusassat qulakkiissallugit.
  • Sulluissivimmi aqutsisoq suleqatigalugu sulisunik atorfinitsitsinerit aamma soraarsitsinerit peqataaffigisassallugit
  • Suleqatit aqutsinikkut ineriartortinnissaat qularnaassallugu
  • Suleqatit piginnaasaasa ineriartortinnissaat qularnaassallugu
  • Nuummi Majoriami aqutsisunik allanik suleqateqarneq.
  • Suliffissarsiuussisarfiup immikkoortui ilinniarfiillu suleqatigiinnissaat qularnaassallugu
  • Kommunimi ingerlatsiviit allat suleqatigissallugit
  • Politikkikkut ataatsimiititaliamut sulianik saqqummiussinermi suliaqarneq 

Naatsorsuutigineqartut:

  • Aqutsinermik misilittagaqartutit
  • Isumaginninnermi-, ilinniarnermut- suliffeqarnermilu aaqqissuussaanermut tunngasuni inatsisinik ilisimasaqassasutit
  • Missingersuutilerinermik naatsorsuuserinermillu suliaqarnermik ilisimasaqartutit
  • Naleqquttumik suliamut tunngatillugu imaluunniit aqutsinermik ilinniagaqarsimassasutit
  • Pitsaasumik angusaqarusuttutit sunniuteqarluarusuttutillu
  • Pisuni qanoq ikkaluartuni malinnaasinnaasutit, akerleriinnerillu aaqqiivigisinnaagitit
  • Aaqqissuussinermi piginnaasaqarluartutit
  • Isummersuillutillu aallarniisinnaasutit
  • Inunnut ataqqinnittumik naligalugillu aqutsisuulluartutit
  • Suliffissarsiuussivimmi pisariaqartitat piumasarineqartullu naammassisinnaagitit
  • Oqaatsit kalaallisut danskisullu atorsinnaagitit

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq: Atorfimmut atatillugu inissiamik atugassiisoqanngilaq.

Qinnuteqaatip:
Qinnuteqaatip ilisarnaataata Atorfiup ilisarnaataa 422/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

Qinuteqaat tunniunneqassaaq kingusinnerpaamik: 30. Juli 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Centerleder Esther Arens
Telefon: +299 366370
Mobil: +299 523841
Nittartagaq: http://www.sermersooq.gl
Qinnuteqaat nassiutiguk