Skip to main content
161

Dette jobopslag er udløbet

Majoriaq Nuuk kontorfuldmægtigissarsiorpoq

Ukiorpassuarni Majoriaq Nuummi inuusuttunik aqqutissiuussisuusoq aasamut soraarninngorluni suliunnaartussaammat, maannangaaq taartissaanik Ilinniartitaanermut immikkoortortami inuusuttunut aqqutissiuussisuusussamik pikkorissumik tunniussimasumillu suliaanik tigusisussamik kontorfuldmægtigimik pissarsiorpugut. Atorfininnissaq kissaatigaarput 1. april 2022 pissasoq isumaqatigiissuteqarnikkulluunniit, taamaalilluni qinnuteqartumut eqqortumut suliarilikkanut  pulatinniarneqarnermi qaammatini siullerni ”inngiaqatissaqartitsissalluta”.

Atorfik Kommuneqarfik Sermersuup Isumaginninnermut Suliffeqarnermullu Ingerlatsiviata ataani Majoriaq Nuummi inissisimavoq, tassani Ilinniartitaanermut aqutsisoq qaninnertut aqutsisuuvoq.

Majoriami Ilinniartitaanermut immikkoortortami pingaarnertut suliassaapput atuagarsornikkut piginnaasanik qaffassaaneq, suliffimmi sulilluni sungiusarneq, aqqutissiuussineq siunnersuinerlu, Majoriami Piorsaavimmilu atuartunik ullut tamaasa atuartunut attaveqarneq kiisalu allaffissornikkut suliassat, taamaalilluni suliassat illup iluani sullissinermut tunnganerupput.

Atorfimmi suliassat:

  • Majoriami Piorsaavimmilu hold-inik, ilinniagaqarnersiutinik atuanngitsoortarnernillu allaffissornikkut nalunaarsuinernik ingerlatsineq.
  • IT-kkut sakkunik ataavartumik nalimmassaaneq.
  • Majoriami Piorsaavimmilu atuartunik oqaloqatiginninneq, aqqutissiuunneq siunnersuinerlu.
  • Atuagarsornikkut piginnaanngorsaanermut, ilinniartitaanermut suliffeqartuunermulluunniit aqqutissiuussineq.
  • Majoriami aqqutissiuussinikkut suliniuteqarnermi aammalu assigiinngitsunik ingerlatsinermi suleqataaneq.
  • Sulianik allanik aammalu tassanngaannaq takkuttunik suliaqaqataaneq

Naatsorsuutigisat:

  • Allaffissornerup iluani assigusumulluunniit ilinniagaqarsimasuusutit
  • Atorfimmi inuusuttunik 30-t ataallugit ukiulinnik pingaarnertut sullissaqarnissamik soqutigisaqartuusut
  • Inuusuttut immikkut pisariaqartitsisuusut naligalugit ataqqillugillu naapittaritit
  • Inuttut nukittuujusutit, aammalu naammagittarsinnaassuseqarlutit siunnerfeqartarlutillu
  • Akisussaassuseqarluartuusutit aalajaatsuusutillu
  • Sullissillluarneq ineriartortitsinerlu pingaartitarigitit
  • IT-mik naliginnaasumik atuisinnaassuseqartutit
  • Kalaallisut danskisullu oqalussinnaanermik allassinnaanermillu piginnaasaqartutit 

Neqeroorutigaavut:
Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq suliffeqarfimmilu angisuumi ineriartortinneqartuartumi allanngorartuartumilu annertuumik akisussaassuseqarfiusoq. Suliffimmut suliffeqarfimmullu iserluartinneqarnissaq, suleqaatigiinneq pitsaasoq, suliffimmilu atukkat pitsaasuunissaat  pingaartippagut, aamma taamatut aqutsisut qanimut immersoqatigiiffigalugit suleqatigiilluartarnissaq kiisalu aallartitsinissamut nutaaliornissamullu inissaqartitsinissaq anguniartuarparput. Majoriami suliassaqarfinnut sammititaaasumik linniagaqarnissamut periarfissaqassaaq.

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, SIK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissaq:
Atorfimmut atatillugu inissaqartitsisoqanngilaq.

Qinnuteqaat:
Qinnuteqaatip ilisarnaataata Job nr. 39/22 aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALUGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 10. februar 2022
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Najaaraq Møller
Telefon: +299 368077
Nittartagaq: http://www.sermersooq.gl
Qinnuteqaat nassiutiguk