Find job
Dette jobopslag er udløbet
Majoriaq Nuuk ilinniartitsisussarsiorpoq
Majoriaq Nuuk piffissami aaliangersimasumi 1. Oktober 2023-imiit 30. Juli 2024 sulisussamik atuarnissamut piareersarfiusumi ilinniartitsisussarsiorpoq.
Majoriaq Nuuk suliffeqarfiuvoq ineriartortoq, ukiuni kingullerni Majoriaq Nuuk suliniuteqarsimavoq suliassat eqaannerulernissaannik, inuiaqatigiillu pisariaqartitaannik tunniussisinnaanissaannik. Suliffiuvoq qitiusumik suliassaallutik inuusuttut inersimasullu ilinniarnikkut ingerlariaqqinnissaannut aqqutissiuussisoq, aammalu innuttaasut atorfeqalernissaannut aallarnisaaviusoq. Majoriaq Nuuk suliffeqarfiummat aqqutissiussinermik inersimasunullu pikkorissaavik, iluaqutaassaqaaq ilinniarfissuarmiit ilinniartitsisutut allagartaqarnissat misilittagaqarsimanissallu aammalu ilinniarsimassagit inersimasunut atuartitsineq.
Nutaamik immikkut atuartitsiffimmik klasseliornikuuvugut, taannalu atuartuunissamut sungiusarnermik aammalu atuartup killiffianik qulaajaanermik imaqarpoq, tassani atuartut atuartuulernissamut imaluunniit suliffittaarnissaanut piareersarneqassallutik. Aammalu illit suliassaqarfigisassavit ilagissavaat atuartuunissamut sungiusarnermi aammalu atuartup killiffianik qulaajaanermi atuartitsissutissanik inerisaaqataaneq, kisiannilu aamma piginnaanngorsarfitsinni aallartisarlugu suliniutitsinni atuartitsinermi ingerlatitseqqiinermilu pædagogikertaani immersueqataanissaq.
Majoriami ilinniartitseriutsip qaffasissusaa FA-juvoq (meeqqat atuarfiani naammassineq). Iluaqataassaqaaq soqutigissagukku ilinniartitsisinnaanissat aaliangersimasumik sammisaqartitsineq soorlu projekteqartitsineq, Majoriami atuartut atuartitaanermik kajumissaarinninnerusumik, isumaqarluartumik, qanilaassuseqartumillu misigitikkusunnarput.
Ilinniartitsinissamut pilersaarutit pissapput atuarfiup ilinniartitsisui aqqutissiuisuilu suleqatiginerisigut, piumasaqaataallutillu:
·Suliassanut piginnaasaqarnissaq
·Namminersorsinnaaneq
·Suliamik ilusilersuilluarsinnaaneq
·Suleqatiginnissuseqarnissaq
·Nutaaliorsinnaanissaq
·Inunnut immikkut pisariaqartitsisunut paasinnissinnaanissaq
Naatsorsuutigissavarput:
• Ilinniartitsisutut ilinniarsimanissat.
• Oqaatsitigut pisinnaasaqarluarnissat oqaluttariarsornikkut allattariarsornikkullu.
• Inersimasunut ilinniartitsinermi assigisaannillu misilittagaqarnissat atorfeqarsimanissallu.
• Iliuuseqartartuunissat atuarfiullu ineriartorneranut sunniuteqaqataarussuseqarnissat.
• Atuisutut nalimmassuseqartumik IT-nik atuisinnaanissat.
• Inuttut inerikkiartornerup iluani ilinniagaqaqqissimanissaq
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: centerleder Malik Skifte, oqarasuaat +299 366370 imaluunniit e-mail: mskf@sermersooq.gl
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut aamma Ilinniartitsisut Meeqqat Atuarfianneersut Kattuffiat (IMAK-ip) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.
Qaammatini pingasuni misiliummik atorfinitsitsisoqarsinnaavoq.
Inissaq:
Atorfininnermut atatillugu inissiamik innersuussisoqarsinnaanngilaq.
Qinnuteqaat:
Qinnuteqaat qulequtserlugu Atorfiup ilisarnaataa 840-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: septembarip 25.-at, 2023