Skip to main content
112

Kuummiuni atuarfimmi aqutsisumik pissarsiorpoq / Atorfiup normua 611/19

Kuummuimi Alivarpiup atuarfiuvoq alloriarfinnut agguataariffiusoq aamma 30-inik nunannersunik atuartoqartoq sisamanillu suleqataalluartunik ilinniartitsisoqartoq. Kuummuimi atuarfik Tunumi Ammassallup eqqaaniippoq.

Atuarfimmi atuartut 1. klassiniit 7. klassinut atuartuupput alloriarfinnullu marlunnut agguataagaapput: Nukarliit 1. klassiniit 3. klassinut, akulliit 4. klassiniit 7. Klassinut.

Atuarfiup pisortaa tullinnguuttunik makkuninnga piginnaanilik kissaatigaarput:

  • atuarfik pillugu meeqqallu inuusuttullu ilinniarnissaannut sulinissamut aallussisinnaasoq / piumassususeqarluartoq atuarfiullu atuarfimmi siulersuisut, sulisut, atuartut illoqarfimmilu innuttaasut suleqatigalugit inuiaqatigiinni qitiusutut ineriartortinnissaanut siuttuusinnaasoq.  
  • perorsaanermi akuersaaruminartumik periarfissanik takunnissinnaasoq sulisullu akornanni sulerusussusermik atugarissaarnermillu pilersitsisinnaasoq.
  • perorsaanermi, allaffissornermi sulisunillu aqutsinermi suliassanik misilittagaqartoq soqutigisaqartorlu.
  • aalajangersinnaasoq, ataatsimoortumik takunnissinnaasoq, pilersaarusiorsinnaasoq suliassanillu agguataarisinnaasoq.
  • atuartitsinermi ilinniartitseriaatsimik pitsaasumik qaffasissumillu anguniagaqarnissamut suliniuteqarusuttoq atuarfiullu isumalluutaanik pitsaanerpaamik atorluaanissamut isumannaarinnissinnaasoq.
  • inuiaqatigiit ineriartornissaat pillugu suliassanillu inerniliinissamut sulianik akoorinerni ikioqatigiinnermi pingaarutilinnik takunnissinnaasoq kiisalu atuarfiup sulilu atualersimanngitsunut suliassaqarfiit akornanni suleqatigiinnerup ineriartortinnissaanut peqataarusussinnaasoq.
  • Ilinniartitsisutut ilinniagaqarsimasoq aamma marluinnik oqaaseqarsinnaavoq – kalaallisut/danskisut.

Tamakku saniatigut atuarfimmi pisortatut Kommuneqarfik Sermersuumi kommunimi atuarfiit ataatsimut ineriartortinneqarnerannut tapersersueqataanissat naatsorsuutigineqarpoq. 

Paasisaqarnerorusukkuit attavigisinnavatit: Atuarfeqarnermut pisortaagallartoq Karno lynge, tlf. 367303, e-mail: kaly@sermersooq.gl 

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarneq atorfinitsitaanerlu isumaqatigiissutit atuuttut malillugit pissaaq, Naalakkersuisut aamma Ilinniartitsisut Meeqqat Atuarfianneersut Kattuffiata (IMAK) akornanni. Ilinniartitsisutut isumaqatigiissut malillugu atorfineqqaarnermi ukioq ataaseq misiliisoqarnissaa aalajangersimavoq.

Atorfinitsinneqarnikut tjenestemanditut, tjenestemandiuinnarnissartik pigiinnassavaat, sulisut atorfinitsinneqarnermi siuliani isumaqatigiissutit malillugit atorfinitsinneqarnikut isumaqatigiissutit malillugit atorfinitsinneqarsinnaanissartik pigiinnassavaat.

Atorfinitsitaanermi atorfinittup taassumalu ilaqutaasa angalanerat atorfinitsitsisumit akilerneqassaaq aammattaaq siusinnerpaamik ukiut pingasut qaangiunnerini suliunnaarnermi angalaneq atorfinitsitsisumit akilerneqassaaq, soorluttaaq malittarisassat malillugit nuunnermut ajunngitsorsiassaqartitsisoqarumaartoq.

Atorfinitsitsineq ukiuni aalajangersimasuni atorfeqarnissamut malittarisassaq pillugu 16. februaari 2007-imi aalajangersagaq tunngavigalugu, ukiuni aalajangersimasuni atorfeqarnissat tunngavigalugu, atorfinitsinneqassaatit. Ukiut ataasiakkaarlugit atorfeqarsimaneq tunngavigalugu, 1. apriili 1991-imeersoq malillugu ukiumut tunngaviusumik kr. 18.000,00 aningaasartalimmik, soraarnerusutisiaqartitaanngitsumik soraarnermi akissarsiaqartitsineq pissaaq. Annertussusaa naleqqussarneqassaaq immikkut ittumik tapisiatut, 1. apriili 2017-imi ukiumut annertussuseqarluni kr. 20.253,67. Soraarnersiassaq qaammatikkuutaartumik akissarsiannut ilanngullugu Kalaallit Nunaata aningaaseriviani kontumut matoqqasumut akiliutigineqassaaq.

Qaammatini 12-ini atorfeqarsimanerpit kingorna ilaquttatillu akiliunneqarlusi feeriarsinnaatitaavusi, (feeriaqatissat pillugit aalajangersakkat eqqaassanngikkaanni) kapitali II, Akiliunneqarluni feeriarneq, 26. aggusti 2014-imeersoq Naalakkersuisut IMAK-illu akiliutitilluni angalaneq pillugu isumaqatigiissutaanni aalajangersagaq malillugu.

Inissaq:
Atorfimmut atatillugu inissamik pequtsersoriikkamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq akilerneqassapput.

Qinnuteqaat:
Qinnuteqaatip ilisarnaataata Job nr. 611/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                                                                      
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Atuarfik pillugu paasisaqarnerorusukkuit iserfigiuk. Kommuneqarfik Sermersooq pillugu: www.sermersooq.gl Kangia pillugu: www.eastgreenland.com

 

Qinuteqaat tunniunneqassaaq kingusinnerpaamik: 30. oktober 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Kuummiut
Paasissutissat allat uani piniarneqarsinnaapput: Skoleinspektør Karno Lynge
Telefon: +299 361620
Nittartagaq: http://www.sermersooq.gl
Qinnuteqaat nassiutiguk