Nunaqarfimmi Kulusumi Alivarpi ilinniartitsisunik pikkorissunik tunniusimasunillu marlunnik ujarlerpoq, aggustip aallaqqaataani 2023-mi atorfinittussanik.  

 

Kulusumi Alivarpi atuarfiuvoq 42-t missaanni atuartuutilik, ilinniartitsisut arfineq pingasuupput pisortaqarluni. Kulusumi atuartitsineq 1. klassimiit 9.klassimut ingerlanneqartarpoq. Ukioq atuarfiusoq 2023/24 atuartut klassinut arfinilinnut agguaqqasussaapput. Kulusumi ilinniartitsisut immikkut atuartitsinermi, nukarlerni, akullerni angajullernilu atuartitsisarput. 

 

Kulusuk tunumi nunaqarfinni inuttunerpaavoq 200-t missaani innuttaqarluni. Kulusuk nunaqarfiuvoq aalisarnermik piniarnermik takornariaqarnermillu aallussifiusoq. 

 

 

Atorfiup imarisai:

Ilinniartitsisunik ilinniarsimasunik ujarlerpugut. Ilinniartitsisut amerlassusaat killeqarmata naatsorsuutigineqassaaq sammisani toqqagarinngikkaluakkani aamma atuartitsineq ingerlanneqartassasoq. Atuartisinerup saniatigut klassimut ilinniartitsisuuneq, aammalu atuarfinni isumaqatigiissutit naapertorlugit atuarfimmi suliassat ingerlnneqarnerani suleqataanerup ingerlanneqartarnissaat.

Atuarfimmi suliassat, sulisut aallat angajoqqaallu peqatigalugit ingerlanneqartassapput.

 

 

Qinnuteqartussap piginnaasaqarfigisassaatut naatsorsuutit:

• Ilinniartitsisutut ilinniarsimanissaq.
• Klassimi aqutsisinnaanermik misilittagaqarneq. 
• Immikkut atuartitsinermik, atuartunillu immikuut ikorfartortarialinnik atuartitsinermik misilittagaqarneq.
• Iluarsartuulluakkamik atuartitsisinnaaneq.
• Atuartunut angajoqqaavinullu attaveqarluarsinnaaneq. 
• Suleqatit inuiaqatigiillu ikitsunnguit akornanni suleqataarusussuseqarneq.
• Atuarfimmik siuarsaaqataarusussuseqarneq.

 

 

Suliffimmi pingaartitatta ilagaat:

• Aalajaattumik akisussaassuseqartumillu sulineq.
• Atuartunut, angajoqqaanut suleqatinullu attaveqarluarsinnaaneq.
• Inuttut avatangiisitigullu imaannanngitsumik inissisimanarsinnaasumi suliffeqarsinnaaneq.

 

 

Tunniussinnaasagut:

• Atuarfik inuttut piginnaasatigullu ineriartorfiulluarsinnaasoq.
• Atuarfeqarfiup iluani sulineq pissanganartoq, pædagogikkimillu qafassissumik ingerlatsiffiusoq.
• Suleqatigiit akornanni ikorfartoqatigiinneq.
• Suleqatit nuannersut suleqataalluartut.
• Siuarsaaqataanissamik periarfissaqarluarneq.

 

 

Annertunerusumik paasisaqarusukkuit:

Annertunerusumik paasisaqarusukkuit pisortaq Riikki Grønvold attavigisinnaavat uunga oqarasuaat 367303 imaluunniit e-mail-imut uunga: rigr@sermersooq.gl

 

 

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Naalakkersuisut aamma Ilinniartitsisut Meeqqat Atuarfianneersut Kattuffiat (IMAK-ip) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.

Qaammatini pingasuni misiliummik atorfinitsitsisoqarsinnaavoq.

 

 

Atorfinitsitsineq:

Ullumikkut tjenestemanditut atorfinitsitaareersimaguit, isumaqatigiissutit malillugit tjenestemanditut atorfiit uagut isumaqatiginitsigut nangissallugu periarfissaraat. Isumaqatigiissut malillugu atorfinitsitsinermi qaammatit pingasut misilitsitsivittut piffissaritinneqarpoq. Isumaqatigiissutit malillugit imaluunniit tjenestemanditut atorfinitsitsinermi atorfeqarsimanerup sivisussusia tunngavigalugu akissarsiaqartitsisoqassaaq angusaqarluni ilinniartitsisutut soraarummeersimanerup kingorna. Tjenestemanditut imaluunniit ” Kalaallit Nunaanni Naalakkersuisut aamma Ilinniartitsisut Meeqqat Atuarfianeersut Kattuffiat (IMAK) sulisut il.il. pillugit isumaqatigiissutaat atuuttoq malillugu atorfinitsitsisoqassaaq”.

Atorfinitsitsinermi atuuppoq, atorfilik gruppitut inuunermik sillimmaserneqarnissaanik immikkut isumaqatigiissut. Atorfinnut atatillugu inissanik innersuussisoqarsinnaavoq.       

 

 

Åremålertalimmik atorfinitsitsineq:

Atorfinitsitsineq ukiuni aalajangersimasuni atorfeqarnissamut malittarisassaq pillugu 16. februaari 2007-imi aalajangersagaq tunngavigalugu, ukiuni aalajangersimasuni atorfeqarnissat tunngavigalugu, atorfinitsinneqassaatit. Ukiut ataasiakkaarlugit atorfeqarsimaneq tunngavigalugu, 1. apriili 1991-imeersoq malillugu ukiumut tunngaviusumik kr. 18.000,00 aningaasartalimmik, soraarnerusutisiaqartitaanngitsumik soraarnermi akissarsiaqartitsineq pissaaq. Annertussusaa naleqqussarneqassaaq immikkut ittumik tapisiatut, 1. apriili 2017-imi ukiumut annertussuseqarluni kr. 20.253,67. Soraarnersiassaq qaammatikkuutaartumik akissarsiannut ilanngullugu Kalaallit Nunaata aningaaseriviani kontumut matoqqasumut akiliutigineqassaaq.

Atorfinittussaq ukiut tamaasa feriefrirejse-mik akiliunneqartassaaq.

 

 

Atorfiniffissamut angalanissaq:

Atorfinitsinneqarnermilu, atorfeqarfissamut angalatinneqarnermut atasumik, pequtinik atorfeqarfissamut nutserinermi, atorfinittoq akiliunneqassaaq. Aammalu atorfimmiit tunuarnermi, angalanissamut/nutsernissamut akiliunneqarneq aatsaat pisinnaavoq, ukiuni pingasuni imaluunniit amerlanerusuni atorfeqareersimanerup kingorna.

 

 

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

 

Qinnuteqaat:

Qinnuteqaat qulequtserlugu Atorfiup ilisarnaataa 449-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALUGIUK: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuigissavatsigit qinnuteqaatit nittartagaq aqqutigalugu nassiutissagit.

Qinnuteqarnissamut killissarititaasoq: juunip 20.-at, 2023

Atorfik una qinnuteqarfigiuk