Skip to main content
114

Dette jobopslag er udløbet

Kultureqarnermut Aaqqissuussanullu Immikkoortortaqarfimmi aqutsisoq / atorfiup nr. 473/20

Kommuneqarfik Sermersooq Kultureqarnermut Aaqqissuussanullu Immikkoortortaqarfimmi aqutsisumik pikkorissumik kajumissuseqarluartumillu ulloq 1. septembari 2020 kingunitsianngualuunniit piaartumik atorfinittussamik pissarsiorpoq.

Immikkoortortaqarfik Nuummi allatseqarfeqarpoq, kommunimilu sumiiffinni assigiinngitsuni katersugaasiviit tallimat, inuusuttunut kulturikkut illorsuaat, eqqumiitsuliorfik ammeriviillu marluk. Kultureqarnermut Aaqqissuussanullu Immikkoortoqarfik kommunimi nutaatut Innuttaasunik Sullissivimmiippoq, tassaniillutik Innuttaasunik Sullissivik, Attaveqaqatigiinnermut Immikkoortoqarfik aamma Peqqinnermut, Sammisassaqartitsinermut Kultureqarnermullu Immikkoortortaqarfik.

Kommuneqarfik Sermersuumi Suleqatigiinnissamut isumaqatigiissut, Kulturi pillugu Politikki aamma Illoqarfiit Pingaarnersaat pillugu Periusissiaq malillugit Kultureqarnermut Immikkoortortaqarfimmi sulinissamut najoqqutassat pilersinneqarput. Kultureqarnermut Aaqqissuussanullu Immikkoortortaqarfimmi suliassat assigiinngisitaartuupput, kommunimi aaqqissuussat, kulturisioqatigiinnerit, kulturimut tunngasunut tapiissutit aningaasaliissutillu, katersugaasiveqarnerit, kommunimi eqqumiitsulianik pigisanik ingerlatsineq assigisaallu suliarineqartarlutik.

Kommunimi innuttaasunut sapinngisamik amerlanerpaanut kulturimut tunngasut tamanut ammasuunissaat sulissutigaarput. Taamaattumillu ulluinnarni sulinermi innuttaasoqatitsinnut, ulluinnarni kulturimut tunngasunik sammisaqarneq ajortunut, kulturimut tunngasut orniginarsarneqarnissai pingaarnertut qanoq sulissutigisinnaanerlugit immitsinnut aperisarpugut.

Atorfik ulloq naallugu suliffiuvoq qaninnertullu qullersarineqarluni Peqqinnermut, Susassaqartitsinermut, Kultureqarnermullu Immikkoortortami fagchefi/Suliffeqarfimmut Kiffartuussivik.

Paasissutissat amerlanerusut uani pissarsiarisinnaavatit: https://sermersooq.gl/kl/ingerlatsiviit/Kulturimut-Aaqqissuussinermullu-immikkoortortaq aamma https://sermersooq.gl/kl/innuttaasunut/eqqumiitsuliorneq-kulturi

Atorfiup imarisaa:
Immikkoortortaqarfimmi aqutsisumik – misilittagaqarluarsinnaasumik – Kommuneqarfik Sermersuumi kultureqarnermut tunngasunik aamma suliassanik arlalinnik tulliuttunik suliaqartussamik pissarsiorpugut:

  • Periusissianik ineriartortitsineq atuutilersitsinerlu
  • Allaffimmi suliassanik ataqatigiissaarineq
  • Suliffeqarfinni aqutsisunik aqutsineq
  • Allatseqarfimmi sulisunik aqutsineq
  • Kultureqarnermut Immikkoortortaqarfimmi, taamatuttaarlu kommunimi immikkoortortat assigiinngitsut akornanni, kulturimut tunngasunik suliniutinik aaqqissuussanillu pilersaarusiorneq
  • Aningaasaqarneq (Missingersuusiorneq il.il.)
  • Immikkoortortaqarfinnut/ingerlatsivinnut/pisortaqatigiinnut siunersiueqatigiinneq
  • Suliassat takkussuuttut

Suliat Innuttaasunik Sullissivik, ilaatigut Peqqinnermut, Susassaqartitsinermut, Kultureqarnermullu Immikkoortortaqarfik, Innuttaasunik Sullissivik, Attaveqaqatigiinnermut Immikkoortortaqarfik kiisalu kommunimi Nunatsinnilu kultureqarnermut suliffeqarfiit, qanimut suleqatigalugit suliarineqartarput. Aaqqissuussaanerup allanngortinneqarnerata ilaatut immikkoortortaqarfimmut tunngatillugu nutaamik eqqarsarnissaq kiisalu Innuttaasunut Sullissiviup immikkoortortaata akornanni suliassanik agguataarisarneq ulluinnarni sulianut nalinginnaasunut ilaapput.

Immikkoortortaqarfimmi aqutsisutut sulinerni assigiinngitsut marluk pingaartinnerullugit suliassaraatit, tassa Kulturi kivitsisuutillugu sulineq, matumani inuiaqatigiinnut kulturimut tunngasunut ujartuineq ajortunut iluaqutaasussamik kiisalu eqqumiitsulianut kultureqarnermullu tunngasut aamma inuussutissarsiuteqartut akornanni suliaqarneq.

Akisussaaffivit suliassavillu saniatigut Kultureqarnermut Aaqqissuussanullu attuumassutillit isumaqatigiissutit, malittarisassat, inatsisit il.il. paasiniassavatit.

Qinnuteqartunut naatsorsuutigisat:

  • Kulturimut inuiaqatigiilerinermut ilisimatusarnermik tunngasumik naleqquttumik ilinniarsimasuussaatit
  • Suliffeqarfimmi politikikkut aqunneqartumi sulinermik misilittagaqassaatit.
  • Kulturilerisut inuussutissarsiortullu akornanni suleqatigiinnermik imaluunniit eqqumiitsulianik kulturimullu tunngasunik nittarsaassinermik misilittagaqarputit. Atuuffimmut (aqutsinermut) tunngasunik paasisimasaqarluarlutit takkutissaatit.
  • Aningaasaqarnermut missingersuutinillu tunngasunik piginnaasaqarputit
  • Pilersaarusiorneq toqqammavigalugu eqqarsartariaaseqartutit, pingaaruteqarlunili aamma suleriaatsit malillugit sulisinnaassasutit
  • Ineriartortitserusussuseqassaatit, killilersuutillu pinnagit periarfissanik takunnissinnaassaatit
  • Allanik kajumissaarisinnaassaatit
  • Ataatsimoorluni sulianik kivitseqatigiittarnerup pitsaaqutai takusinnaavatit, suleqateqallaqqittuuvutit, immikkoortut, ingerlatsiviit suliffeqarfiillu akornanni pissutsinik eqqarsaateqallaqqissuuvutit.

Tamatuma saniatigut pingaartipparput, qinnuteqartoq:

  • Aalajaatsuussaaq, pitsaassutsimik ilisimasaqarluartuussaaq ataasiakkaanullu maluginiaasinnaassaaq
  • Allannguutinut naleqqussaasinnaassaaq aamma ataatsimut takunnissinnaaneq attatiinnarlugu arlalinnik suliaqarsinnaassaaq
  • Nammineerluni sulisinnaassaaq, akisussaassuseqarluni sullissiumatuujullunilu
  • Sulianik naammassinninniarluta ingerlatsinitsinnut atatillugu ataavartumik ineriartortitsinermut pitsanngorsaanermullu peqataassaaq
  • Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
  • Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.
  • Kommuneqarfik Sermersooq pillugu ilisimasaqassaaq
  • Kisitsisilerillaqqissuussaaq
  • Arlalissuarnik suleqateqallaqqissuussaaq
  • Marluinnik oqaasilik (kal/da) piumaneqarneruvoq

Neqeroorutigaavut:
Suliffik unammillernartoq qanoq imaqarnissaanik nammineq sunniuteqarfiginissaanut periarfissagissaartoq. Innuttaasunit iluaqutigineqarnissaa pillugu suliffeqarfimmi ineriartortuartumi allanngorartumilu annertuumik akisussaaffeqalissaatit. Ulluinnarmi pissanganaqisumi, pikkorissarnermut allatullu suliamut attuumassuteqartunik ilinniaqqinnissamut periarfissattaaq atorlugit, sulinermi inuttullu piginnaasatit ineriartorteqqinneqassapput.

Fagchefi aqutsisullu sinneri peqatigalugit sapaatip-akunnikkaartumik immissinnut siunersiorfigisarneq

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, IMAK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Atorfimmut atatillugu inissiamik innersuussisoqarsinnaanngilaq.

Qinnuteqaat:
Qinnuteqaatip ilisarnaataata Job nr. 473/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 25. september 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Arnajaraq N. Lyberth
Telefon: +299 367242
Frederik Lundblad
Telefon: +299 36 60 80
Nittartagaq: http://www.sermersooq.gl
Qinnuteqaat nassiutiguk