Skip to main content
134

Dette jobopslag er udløbet

Kultureqarnermut Aaqqissuussanullu Imm. meeqqanut kulturimik ingerlatsisussamik pissarsiorpoq

Kommuneqarfik Sermersooq - Suliffeqarfimmut Kiffartuussivik Kulturimut Aaqqissuussinermullu immikkoortortaq

Kultureqarnermut Aaqqissuussanullu Immikkoortortaq meeqqanut kulturimik ingerlatsisussamik/Specialkonsulent-imik pissarsiorpoq

Eqqumiitsuliornikkut, nutaaliornikkut kulturikkullu meeqqanut allanngueqataarusuppit? Kommuneqarfik Sermersooq Kultureqarnermut Aaqqissuussinermullu Immikkoortortami meeqqanut kulturimik ingerlatsisussamik pikkorissumik tunniusimasumillu pissarsiorpoq 1.novembari 2022 atorfinittussamik imaluunniit tamatuma kingorna piaartumik.

Kultureqarnermut Aaqqissuussinermullu immikkoortortaqarfiup suliassat assigiinngitsut pilersaarusiornermi aaqqissuussinernilu suliarai, aammattaaq suliat annerit soorlu kulturimut pilersaarusiornerit kulturimullu isumassarsiorfik. Malunnaateqarluarnissamut kommunillu kulturikkut ingerlaneranut sunniuteqarluarnissamut periarfissaqarpoq.

Immikkoortortaqarfik massakkut sisamanik sulisoqarpoq, aaqqissuussinermut akisussaasut marluk, AC Fuldmægtigi ataaseq, kiisalu immikkoortortami aqutsisoq.

Atorfik piffissaq suliffiusussaq tamakkerlugu suliffiuvoq, suliaqarfimmi aqutsisoq qaninnertut qullersarineqarluni.

Uagut pilluta paasissutissat amerlanerusut pissarsiarisinnaavatit una aqqutigalugu: https://sermersooq.gl/da/borger/kunst-kultur/

 

Makkua suliassarivatit:Meeqqanut kulturimik ingerlatsisussamik Specialkonsulent-imik pikkorissumik Kultureqarnermut Aaqqissuussinermullu Immikkoortortami sulisussamik kiisalu suliassanik ataani allaqqasunik suliarinnissinnaasumik pissarsiorpugut:

  • Kulturimut isumassarsiorfimmut aqutsisoq.
  • Kulturimut isumassarsiorfiup ulluunerani paaqqinnittarfinnut neqeroorutaalersinneranik ineriartortitsineq.
  • Suliniutinik kulturimut tunngassutilinnik meeqqanik qitiutitsisunik ineriartortitsineq.
  • Kommunip illoqarfiini tamani meeqqanut inuusuttunullu kulturikkut sammisaqartitsinernik ineriartortitsinermi peqataaneq.
  • Suliassat takkussuuttut.

Kultureqarnermut Aaqqissuussinermullu Immikkoortortami sulisut kiisalu kommunimi kulturilerinermut suleqatigisartakkat qanimut suleqatigalugit suliassat suliarineqartassapput.

 

Qinnuteqartunut naatsorsuutigisat:

  • Suliniutinik suliaqarnermi ineriartortitsinissamullu suliassatigut misilittagalik.
  • Isumassarsiat piviusunngortinnissaannut piginnaasalik.

 

Pingaartipparputtaaq:

  • Aalajaatsuunissat, pitsaassutsimik ilisimasaqarluartoq immikkuualuttunillu maluginiaasinnaasoq.
  • Siunnerfeqarluni sulisinnaasoq arlalinnillu suliaqarsinnaasoq.
  • Allakkatigut oqaluunnermilu ersarissumik paatsuugassaanngitsumillu attaveqarsinnaasoq.
  • Nammineerluni sulisinnaasoq, akisussaassuseqartoq sullissiumatoorlu.
  • Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
  • Ulloq ulapaarfiugaluarpalluunniit ukkatarinnilluni aaqqissuussamillu suliaqarsinnaasoq.
  • Tatitooq, pilersitsiniallaqqissoq, inissaqartitsiuartoq piumassuseqarluartorlu.
  • Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataanissat.
  • Ajornanngippat kalaallisut qallunaatullu oqaaseqartoq.

 

Uagut neqeroorutigaavut:Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq, annertuumillu akisussaassuseqarfiusoq Suleqatigiilluarneq illullu ilua kialaartoq aallartitsinissamut nutaaliornissamullu assigiinngitsunik suliaqarnissamut inissaqartitsiffiusoq pingaartippagut. Eqqortunik piginnaasalimmut naammattumillu misilittagalimmut Immikkut siunnersortitut atorfinitsitsisoqarsinnaassaaq.

 

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

 

Meeqqanik pinerliisimannginnermut uppernarsaat kommunemit aaneqarsinnaavoq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

 

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut isumaqatigiissut atuuttoq imaluunniit kattuffiup allap isumaqatigiinniarsinnaatitaasup isumaqatigiissutaa atuuttoq naapertorlugu, akissarsiaqartitsisoqarlunilu atorfinitsitsisoqassaaq.

Atorfinitsitsineq qaammatini pingasuni misiligutitaqassaaq.

 

InissiaqAtorfimmut tunngatillugu inissiamik atugassiisoqanngilaq.

 

Qinnuteqaat:Qinnuteqaat qulequtserlugu Atorfiup ilisarnaataa 659/22-mik, aamma ilinniagaqarsimaneq siornatigullu sulisimanermik paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: oktobarip 7.-at, 2022

Atorfik una qinnuteqarfigiuk