Skip to main content
89

Dette jobopslag er udløbet

Kommuneqarfik Sermersuup kiffartuussigasuartarfia, qarasaasialerinermik ingerlatsisumik/ Suliassanut ingerlatsinermut siunnersortimik pissarsiorpoq / Atorfiup normua 467/19

Akisussaaffimmik tigusinissannut piareerpit aammalu kiffartuussineq nuannaraajuk? Qarasaasiaqarnermik ingerlatsineq suliassanillu aqutsineq sapiissuseqarfigaagit?

Taava illiusimassaaq ujartugarput.

Kommuneqarfik Sermersooq Qarasaasiaqarnermik ingerlatsisumik/Suliassanut ingerlatsinermut siunnersortimik pissarsiorpoq.

Kommuneqarfik Sermersooq qarasaasiatigut pitsaasumik atugassaqartitsinissamik sammisaqarpoq, systemittalu sapinngisamik pitsaasumik sullissinitsinnut iluaqutaanissaat isumannaarumallugu. Pitsaasunik atoruminartumillu atortoqarnissaq, paasissutissat pitsaanerpaanissaat, kommunilu tamakkerlugu paasissutissanik atoqqitassanik atorluaanerusinnaaneq pingaaruteqarpoq. Taamatut anguniagaqarnitsinni suliffeqarfitta, suliat ingerlasarnerisa qarasaasiaqarnermullu tunngasunut politikkitsinnik atorluarnissaa pingaaruteqarpoq. Taamaattumik Qarasaasiaqarnermik ingerlatsisumik/Suliassanut ingerlatsinermut siunnersortimik pissarsiorpugut.

Qarasaasialerinermut allaffimmi Kiffartuussigasuartarfimmi suleqatissarsiorpugut. Tassani qarasaasiaqarnermik/Suliassanik siunnersortimik sulisoqareerpoq, annermik Atuarfinni Qarasaasiaqarnermik suliaqartumik.

Illit suliassatit allaffimmi sulisunut tunnganerussapput, pingaartumillu aningaasaqarnermik aqutsineq, qarasaasiatigut ingerlatsineq sulisut tamaasa eqqarsaatigalugit aammalu systeminik paasiniaaneq, ikiorsiineq aammalu qarasaasianut tunngasunik suliassanik aqutsineq.

Datamatikeritut, IT-teknologitut assigisaanilluunniit tunngaviusumik ilinniagaqarsimaneq iluaqutaassaaq. Suliassanik aqutsisutut ilinniagaqariinngikkuit, atorfinitsinneqareernerup kingornagut tamanna pisinnaavoq.

Systemit ineriartortinnissaat ingerlanneqarnissaallu avataanut suliakkiutigineqarnikuupput. Qarasaasiaqarnermik/Suliassanillu ingerlatsinermut siunnersortitut suliassat assigiinngitsorpassuit suliarisarnissaannut piareersimasariaqarputit. Teknikkimut tunngasut tamakkerlugit ilisimanissaat naatsorsuutiginngilarput, kisianni teknikkimut tunngasut paasisimassavatit aammalu suliat ingerlaartarnerini teknikkikkut periarfissat suliallu ingerlaartarneri imminnut ikorfartorsinnaaneri paasisimasariaqarpatit. Atorfik illit annerusumik misilittakkatit soqutigisatillu naapertorlugit ingerlatseqataaffigisassat pineqarpoq. Peqatigitillugu suliassat suliarinissaanut piginnaasassatut pisariaqartinneqartut ilinniarnissaannut atorluarnissaannullu periarfissalerneqassaatit.

Naatsorsuutigaarput, illit

  • Suliassanik ingerlatsisoq imaluunniit suliassanik ingerlatsinermik ilikkarusuttoq. Aamma programminik aqutsinermik misilittagaqaruit pitsaaqutaassaaq,
  • oqaatsitigut allakkatigullu attaveqallaqqissoq,
  • Suliarinninnissamut isumaqatigiissutinik ilisimasaqarnissat soqutigisaqarnissallu aammalu kommunimi najoqqutassat suunerinik soqutigisaqarneq,

Illit inuttut ima ittuunissat pingaartipparput

  • Akisussaasoq nammineerlunilu sulisinnaasoq, siunnerfilimmik aaqqissuussamillu.
  • Inussiarnersuullutillu ornigulluni suliassarsiortartoq.
  • Suleqatigiinneq aqqutigalugu aaqqiissutissarsiortartoq.
  • Illit nammineq suliannik ilisimasaqarnerit qulakkeeqqagit aammalu allat suliaannut ataqqinnittuullutit.
  • Suleqatitsialaasutit aammalu ilikkagaqarnissannut piumassuseqartoq.

Neqeroorutigaavut

  • Suliassat pissanganartut assigiinngisitaartullu avatangiisinut inuiaqatigiinnullu tunngassuteqartut.
  • Suliffik nuannersoq pikkorissarnissamut periarfissaqarluarfiusoq.
  • Atorfiup imarisaanik sunniuteqaqataanissamut periarfissaqarluartoq.
  • Atorfik Kiffartuussigasuartarfimmi aqutsisoqatigiinnut attaveqarpoq.

Sapaatip akunneranut akunnerit 40-t suliffiupput. Suliartoqquneqarnissamut piareersimasarnissaq naatsorsuutigineqarsinnaavoq. Atorfiniffissaq Kommuneqarfik Sermersooq. Aningaasarsiat atorfeqarnermilu atugassarititaasut qinnuteqartup isumaqatigiinniarsinnaasutut ilaasortaaffigisaata isumaqatigiissutai naapertorlugit atorneqassapput.

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut imaluunniit allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 467/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                  
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat. 

 

Qinuteqaat tunniunneqassaaq kingusinnerpaamik: 09. august 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Gerth Jakobsen
Telefon: +299 366085
Mobil: +299 487870
Nittartagaq: http://www.sermersooq.gl