Skip to main content
92

Dette jobopslag er udløbet

Kommuneqarfik Sermersuumi Sulisunut Immikkoortortaqarfik Akissarsialerivillu pisortassarsiorpoq/ Atorfiup ilisarnaataa 737/21

Kommuneqarfik Sermersooq suliffeqarfiuvoq pitsaasumik ineriartortoq, aammalu pissanganartorpassuarnik, annertuunik anguniagaqarfiusoq unammilligassarpassuaqarfiusorlu. Sulisut katilluta 2.200-ngajannik amerlassuseqarpugut, anguniakkanik annertuunik naammassisaqarnissamik suliaqartut, kommunimilu innuttaasut pitsaasumik sullinneqarnissaannik qulakkeerinneqataasut. Anguniagaraarput suliffeqarfiup pilerinarsarnissaanut pitsaasunik ataqatigiittut suliatigullu qaffasissumik, tunniusimalluartoqarnissaanik assigiinngisitaarnermullu inissaqartitsiffiusumik atugassaqartitsinissaq.

Sulisoqarnermut Immikkoortortamut akissarsialeriffimmullu pisortamik pikkorissumik tunniusimasumillu pissarsiorpugut, Sulisoqarnermut Immikkoortortamik Akissarsialeriffimmillu ingerlalluartumik qularnaatsumillu ingerlatsiffiusumi siuttuusinnaasumik, suleqatigiinnermik immikkoortortallu marluk akornanni suleriaatsinik qitiutitsisumik, aammalu suliassanik suliniutinillu assigiinngitsorpassuarnik ineriartortitsisinnaasumik, kommunip suliffeqarfianik, tamatumunnga ilanngullugu aqutsisorpassuarnik sulisorpassuarnillu ikorfartuisinnaasumik. Allaffissornermut qinikkanillu sullissinermut qularnaatsumik ingerlatsisinnaassaatit kiisalu suliffiup iluani avammullu patajaatsunik tatiginartunillu attaveqalersitsinissamut piginnaasaqassaatit.

Sulisoqarnermut Immikkoortortami pisortaq, Suliffeqarfimmut Kiffartuussivimmi vicekommunaldirektørimik qaninnertut pisortaqartoq, Sulisoqarnermut Immikkoortortami, immikkoortortami aqutsisumut aamma Akissarsialeriffimmi pisortamut toqqaannartumik sulisunut akisussaasuuvoq, taakkunaniippullu siunnersortit, kontorfuldmægtigit inatsisileritoorlu.

Sulisoqarnermut Immikkoortortaq 15-inik sulisoqarpoq, Akissarsialeriffillu 15-inik sulisoqarluni, immikkoortortallu Suliffeqarfimmut Kiffartuussivimmut ilaapput.

Sulisoqarnermut immikkoortortami pingaartinneqarnerpaat tassaapput:

  • Sulisoqarnermut Immikkoortortami aamma Akissarsialeriffimmi aalajangersimasunut tunngasuni siunnerfilinnik suliniutissat
  • Aqutsisunik ikiorsiineq siunnersuinerlu.
  • Pikkorissarnernik tamanut tunngasunik neqerooruteqartitsineq
  • Immikkut ittumik inatsisinik tunngaveqarluni sullissineq
  • Sulisunik allaffissorluni sullissinerit (atorfinitsitsinerit soraarsitsinerillu)
  • Immikkoortortaqarfimmi sulianik ingerlatsinermi pitsanngorsaaneq
  • Suliffeqarfimmik piffissaq eqqorlugu sullissineq.
  • Isumaqatiginninniartarnerni peqataasarneq

Neqeroorutigaavut:

  • Atorfik suliatigut inuttullu unammillernartunik annertuunik toraagassaqarfiusoq
  • Suliassaqarfiup ineriartortinneqarnissaanut kommunimi qitiusumik inissisimaffik aallaavigalugu annertuumik sunniuteqarsinnaaneq
  • Immikkoortortaq ingerlatsivillu ingerlalluartoq, suleqatit sulisullu pitsaasut suleqatigalugit
  • Tatigeqatigiiffiusumik pitsaasunik atugaqarluni suleqatigiinneq.
  • Soqutiginartuni pikkorissaqataaneq ineriartornissamullu periarfissat pitsaasut.

Naatsorsuutigaarput:

  • Aqutsinermut tunngasunik ilinniarluarsimasuusutit, aamma/imaluunniit misilittagaqartutit
  • Politikkimut tunngasuni aaqqissugaasumi suliaqarnermik misilittagaqarneq
  • Suliamik ingerlatsinermut tunngasunik aqutsinermik misilittagaqartutit
  • Suliffeqarfimmi pisariusumi inuit suleqatigiinneri soqutigisaqarfigalugillu paasisaqarfigissagitit
  • Takorluuisinnaasutit angusaqarniartuusutillu
  • Ajunngitsumik inunnut isiginnittuusutit, ilinnullu tatiginnilersitsisinnaassuseqartutit
  • Marlunnik oqaaseqartoq (kalaallisut/danskisut) piumaneqarneruvoq.

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune aatsaat pinerluuteqarsimannginnermut uppernarsaammik Politiinit pissarsereerpat.

Akissaatinut atorfinitsitaanermullu tunngatillugu atugassarititaasut:
Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq

Atorfinitsitsineq qaammatini pingasuni misiliutaaqqaassaaq.

Inissaq:
Atorfimmut atatillugu inissaqartitsisoqarsinnaavoq, tassungalu qularnaveeqqummut ineqarnermullu, atuinermut il.il. akiliisoqartassaaq, matumanilu Kalaallit Nunaanni Namminersorlutik Oqartussat kommunillu illuutaannut il.il. tunngatillugu ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisarneq pisassalluni. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il il qulaani taaneqartoq innersuussutigalugu akiliuteqartoqassaaq. Ineqarnermut, matumani atuinermut, il. il. tunngasut pillugit annertunerusumik paasisaqarusukkaanni, paasissutissat uani takuneqarsinnaapput: www.iserit.gl

Sulisumut inissaqartitsilersinnaaneq apeqqutaatillugu atorfininnissamut piffissaliussisoqassaaq. Atorfininnermi angalanermut aamma pequtit assartorneqarnerannut malittarisassat atuuttut naapertorlugit akiliussisoqassaaq.

Qinnuteqaat:
Qinnuteqaatip ilisarnaataa Atorfiup. 737/21 aamma ilinniagaqarsimanermut siornatigullu sulisimanermik oqaaseqaatit paasissutissartallit, soraarummeersimanermut uppernarsaatit qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassapput.

Ima qinnuteqassaatit:
Qinnuteqaatip elektroniskimik nassiunneqarnissaa orniginartinneqarneruvoq, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaat inussiarnersumik piumasarineqarpoq.

 

Qinuteqaat tunniunneqassaaq kingusinnerpaamik: 03. december 2021
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Gerth Jakobsen
Telefon: +299 366085
Mobil: +299 487870
Nittartagaq: http://www.sermersooq.gl
Qinnuteqaat nassiutiguk