Politikki pillugu paasinnissinnaassuseqarpit aamma allatseqarfimmi suliassanik amerlasuunit soqutigisaqartunik ingerlatsisinnaavit? Kommuneqarfik Sermersuumi Pisortaqatigiit Allatseqarfia immikkoortortami aqutsinermik politikerinillu sullissinermik qitiutitsiffiusumi ilanngunnissaminut soqutiginnippit?

Siunnersorterput apriilip qaammataata naalernerani erninermi sulinngiffeqalertussaammat Pisortaqatigiit Allatseqarfiat erninermi taartaasussamik piaanerpaamik sulilersinnaasumik pissarsiorpoq.

Siunnersortitut/allaffimmi fuldmægtigitut Pisortaqatigiit Allatseqarfianni sulisunik allanik qanimut suleqateqassaatit illit pingaarnertut ukkatassatit tassaassapput Kommuneqarfik Sermersuumi nunaqarfimmi siulittaasut sullinneqarnerat. Aammattaaq Pisortaqatigiit Allatseqarfiani allaffissornermik ingerlatsinermillu suliassani assigiinngitsuni ataqatigiissaarisuussaatit.

 

Pisortaqatigiit allatseqarfianni suleqataasutut piffissat ilaanni pilertortumik aamma piffissaalatsilluni suliassatut isumagisassanik ulapaarfiusartumi sulisinnaassuseqassaatit. Politikerit inuillu assigiinngitsorpassuit akornanni aamma piffissap ingerlanerani suliniutitigut allannguiffiusariaqartartumi taakkualu piffissap ingerlanerani imarisaanik allanngortitsiffiusinnaasumi sulisinnaassuseqassaatit. Suliassat ilaannikkut piffissap suliffiup nalinginnaasup avataani suliarineqarlutik naammassineqartartussaammata tamatigoortuunissat pisariaqarpoq.

 

 

 

Atorfiup imarai:

 

Sulisumik misilittagaqarluartumik, kommunimi nunaqarfinnut sullissinerup ataqatigiissarneqarneranik soorlu allaffissornermi suliassanik allanik ingerlatsisinnaasumik ujaasivigut.

 

·Akiligassiissutit takkuttut, kontonut inissitsiterinerit aamma akiligassiissutinik suliaqarnerit

 

·Allakkanik tusarniaassutigineqartunillu allaffissorneq

 

·Kommunip aningaasaateqarfiinut legatiutaanullu assigiinngitsunut qinnuteqaatinik sullissinerit

 

·Nunaqarfimmi aqutsisunik sullissineq aamma nunaqarfimmi aqutsisut qitiusumik allaffeqarfimmut attaveqaataat

 

·Angalanissanik inniminniineq, aammalu ass. tunissutissanik pisiniarneq

 

·Ataatsimiinnissanut katittoqarnissaanullu ataatsimiittarfiup piareersarnera

 

·Suliassat takkussortut suliarinissaat

 

·Sulisoq suliassanik suliaqartinnani allatseqarfiup suliassaanik allanik suleqataanissamut ilaassalluni piareersimaffigissavaa

 

Aammattaaq immikkoortortami aqutsisoq isumaqatigiissuteqarfigalugu allaffissornermik suliassanik assigiinngitsunik ingerlatsisoqarsinnaavoq.

 

 

 

Qinnuteqartunut naatsorsuutigisat:

 

Naatsorsuutigaarput:

 

·Allaffissornerup, niuernerup kiffartuussinerullu iluini attuumassuteqartumik ilinniagaqarsimasutit

 

·Eqaatsumik kiffartuussiumassuseqarlutit suleqateqallaqqissuseqarputit

 

·Soqutiginnittuuvutit suliannullu akisussaassuseqarputit

 

·Namminersorlutit allanillu suleqateqarsinnaassuteqarputit

 

·Ammasuuvutit suliniuteqallaqqissuuvutit

 

·Kalaallisut qallunaatullu oqalussinnaallutillu allassinnaavutit iluaqutaassaaq, piumasaqaataanngilarli

 

·Ataatsimut takunnissinnaaneq attatiinnarlugu arlalinnik suliaqarsinnaavutit

 

·Allattariarsornermi oqaluttariarsornermilu ersarissumik paatsuugassaanngitsumillu attaveqarsinnaavutit

 

 

 

Neqeroorutigaavut:

Kommuneqarfik Sermersuumi Pisortaqatigiit Allatseqarfiat suliffeqarfiuvoq kajuminnartoq aamma suliassaqarfimmik peqqissaarussisoq qaffasissunik anguniaqarfiusoq piffissami matumani pissanganartumik ineriartortoq. Ulluinnarni suliassat assigiinngisitaartut suliatigullu unammillernarsinnaasut kiisalu pikkorissunik tunniusimasunillu suleqateqarneq neqeroorutigaavut.

 

Sulisut pikkorissut kajumilersikkusuppavut pigiinnarusullugillu, suliffimmillu qaffakkiartuaartitsisinnaanermik periarfissanik neqeroorfigerusullugit. Ulluinnarnik assigiinngiiaartunik ilaanni piffissaliussanik sivikitsunik atugassaqartitaalluni aaqqiissutissanik tunniussaqarnissaq ukkatarineqartassaaq, taakkua suliassaqarfimmut, inatsisitigut aamma aningaasaqarnikkut patajaatsumik tunngaveqassapput. Pitsaanerpaamik angusaqarusulluta immitsinnut tapersersoqatigiittarpugut.

 

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Maritha Eugenius, oqarasuaat +299 367014 imaluunniit e-mail: maeu@sermersooq.gl

 

 

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

 

 

Inissaq:

Atorfininnermut atatillugu inissiamik innersuussisoqarsinnaanngilaq.

 

Qinnuteqaat:

Qinnuteqaat qulequtserlugu Atorfiup ilisarnaataa 225-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

 

Qinnuteqarnissamut killissarititaasoq: marsip 29.-at, 2023

Atorfik una qinnuteqarfigiuk