Skip to main content
88

Dette jobopslag er udløbet

Kommuneqarfik Sermersuumi Nuussup Atuarfiani ilinniartitsisumik pissarsiorpoq / Atorfiup normua: 324/20

Kommuneqarfik Semersuumi Nuussup Atuarfiani ilinniartitsisumik pissarsiorpoq, ulloq 1. september 2020-mi atorfinittussamik.

Nuussuup Atuarfia naatsumik:

Nuussuup Atuarfia alloriarfinnut pingasunut agguagaavoq 346-inik atuartoqarluni 1. – 10. klassimi atuartunik aammalu 52-inik piumassuseqarluartunik ilinniartitsisoqarluni. Atuarfik 24-inik klasseqarpoq, taakkunannga 16-nit klassiullutik nalinginnaasut 8-llu specialklassiullutik.

Atuarfiup aqutsisui, trinlederit, atuarfiup siulersuisui pædagogisk råd-ilu qanittumik suleqatigiipput, taamatullu aamma angagoqqaanik suleqateqarneq pitsaasoq ingerlanneqarluni.

Ilinniartitsisumut tiimissat:

Angajullerni qallunaatut tuluttullu atuartitsissooq saniatigullu IT-vejlederitut kiisalu Ikiortitut atuuffeqassalluni. Ikiorti tassaavoq iPad-i atorlugu atuartitsinermi ilinniartitsisunut ikorfartorti.

Naatsorsuutigaarput:

  • Ilinniarfissuarmi ilinniartitsisutut naammassisimasutit
  • Inimi atuartitsivimmik aqutsilluarsinnaassaatit
  • Akuersaartuusutit, tunniusimasuusutit, akisussaassuseqartuullutillu aallarnisaasuusutit
  • Ammasuullutillu ilumoortuussutit attaveqatigiissitsillaqqissuusutillu attaveqallaqqittuusutit
  • Suleqatinik, aqutsisunik angajoqqaanillu pitsaasumik suleqateqarusussuseqartutit
  • Aporfiit salliutinnagit periarfissanik takunnissinnaasutit
  • Atuarfiup avatangiisaani tamatigoortuni ineriartornermullu sammisuni ilanngunnissannut kajumissuseqartutit
  • Atuarfimmi immikkoortukkuutaarlugit agguataagaasumi suleqatigiinnut ilanngussinnaasutit suleqatigiinnillu taakkuninnga ineriartortitseqataasinnaasutit
  • Qarasaasialerinermut ilisimasaqarnissaq
  • iPad atorlugu atuartitsinermi misilittagaqarnissaq

Neqeroorutigaagut:

  • Atuarfiup avatangiisai ineriartornermut sammisut, inuttut suliatigullu ineriartornissamut periarfissallit
  • Kommunimi atuarfeqarfik politikikkut pingaartinneqarfiusumi atuarfeqarfimmi atorfik soqutiginartoq atuarfillu pillugu peqqussummi atuuttumi perorsaanikkut ineriartorneq pingaartinneqartoq
  • Atuarfimmi ilinniartitsisutut nutaatut tapersersorluarneqarneq
  • Suleqatigiinni isummanik pissarsiffiulluartumik suleqatit pitsaasut
  • Suliassanik sunniinissamut aaqqissuussinissamullu periarfissat pitsaasut

Atorfimmut atatillugu inissaqartitsineq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatit atorfinitsitaanermilu atugassarititaasut:

Akissarsiaqarneq atorfinitsitaanerlu isumaqatigiissutit atuuttut malillugit pissaaq, Naalakkersuisut aamma Ilinniartitsisut Meeqqat Atuarfianneersut Kattuffiata (IMAK) akornanni.

Ilinniartitsisutut isumaqatigiissut malillugu atorfineqqaarnermi qaammatini pingasuni annerpaamik misiliisoqarnissaaq.

Atorfinitsinneqarnikut tjenestemanditut, tjenestemandiuinnarnissartik pigiinnassavaat, sulisut atorfinitsinneqarnermi siuliani isumaqatigiissutit malillugit atorfinitsinneqarnikut isumaqatigiissutit malillugit atorfinitsinneqarsinnaanissartik pigiinnassavaat. 

Qinnuteqaat:

Qinnuteqaatip ilisarnaataata Atorfiup normua 324/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                              

Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat. Nittartagaq aqqutigalugu qinnuteqaatit pisinnaanngippat, ilanngussassat ilanngullugit uunga aamma nassiussisinnaavutit: Nuussuup Atuarfia, Narsaviaq 12, Postboks 5329, 3905 Nuussuaq.

 

Qinuteqaat tunniunneqassaaq kingusinnerpaamik: 24. juuli 2020
Atorfininneq: 1. septembari 2020
Akunnerit suliffiit: Ulloq naallugu
Suliffik: Nuummi
Paasissutissat allat uani piniarneqarsinnaapput: Kattie Egede Motzfeldt
Telefon: +299 366401
Nittartagaq: http://www.sermersooq.gl
Qinnuteqaat nassiutiguk