Inunnik innarluutilinnik inersimasunik sullissisarfimmut immikkoortortaqarfimmut aamma Kommuneqarfik Sermersuumi inunnut innarluutilinnut ataqatigiissaarisarfimmut aqutsisoq

Inunnik innarluutilinnik sullissinerup Inunnut innarluutilinnut tarnimikkullu nappaatilinnut Immikkoortoqarfiup ataaniilerluni aaqqissuunneqaqqippoq, taamaattumillu maanna pissanganartumik ineriartortitsinissamut ingerlatsisussanngorluta, uagullu immikkoortortaqarfimmut tassunga inunnik innarluutilinnik sullissisarneq ataatsimoorluta sammivilissavarput.

Taamaattumik immikkoortortaqarfimmut aqutsisussarsiorpugut, taanna immikkoortortaqarfinnik minnerusunik marlunnik aqutsinikkut innuttaasunut inersimasunut piginnaasaannik annikillisimasunik qanigisaannillu pitsaasumik sullissinissamik kissaateqartumik. Aamma immikkoortortaqarfimmut suliatigut piginnaasat pingaartinnerinik, assigiinngissutsimik, ataatsimoornermillu ilisarnaateqarfiusumut ilaalernissamut kissaateqartumik.

Atorfimmi immikkoortortat marluk minnerit aqutsisuuffigissavatit: Inunnut innarluutilinnut sullissiffik aamma Inunnut innarluutilinnut sullissinermi ataqatigiissaarisarfik.

Inunnut innarluutilinnut sullissisoq suliarinnittarpoq inunnut innarluutilinnut inatsisip iluani, ilaatigut ilaapput innuttaasumik qulaajaaviginninneq, pisariaqartitanik naliliineq, sulianik saqqummiussineq il. il. innuttaasut eqqortumik neqerooruteqarfiginissaat aamma suliniuteqarfiginissaat il.il. qulakkeerniarlugu. Inunnik innarluutilinnik sullissisarfik 7-nik sulisoqarpoq, Nuummi 5-it, Tasiilami 1 aamma Paamiuni 1.

Inunnut innarluutilinnut sullissinermi ataqatigiissaarisarfiup suliassaraa inunnik innarluutilinnut sullissinermik pitsaanermik ataqatigiissaarisoqarnissaa, taamaalilluni innuttaasut ataqatigiissumik ataatsimullu isigisumik suliniuteqarnermik misiginiassammata. Immikkoortup suliassaraa innuttaasumut sullissinermi attaveqaatitut, attavittut ataqatigiissaarisutullu sullinnissaa, innuttaasup sullinneqarnera inunnut innarluutilinnut suliassaqarfimmit immikkoortortanit assigiinngitsunit ingerlanneqaraangat. Taamaattumik immikkoortortaq manna immikkoortortat assigiinngitsut akornanni suliaqarpoq

Suliassatit pingaarnerusumik Nuummiissapput, kisianni aqutsisutut suliassanut ataasiakkaanut atatillugu angalasoqartarsinnaavoq.

 

Naatsorsuutigaarput:

• Aqutsisutut misilittagartuujusutit, inuit imminnut atorluarsinnaanerinik eqqumaffiginnittoq

• Suliatigut patajaatsumik toqqammaveqartutit, peqatigalutalu ineriartortinnissaanut soqutiginnittutit

• Innuttaasut sullitat misilittagaqarfigigitit qanigisallu peqataatinneqarfiinik suliaqartarsimallutit

• Attaveqaqateqarnermut piginnaaneqarluartutit, immikkoortortamilu suliffeqarfiup iluani avataanilu suleqatigiinnerup patajaallisarnissaanut tamassuma pingaaruteqassusaa takusinnaagit

• Kalaallit Nunaanni inuiaqatigiinnut kulturimullu ilisimasaqartuusutit,

• marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

 

Inuttut

 

• tunngaviusumik allaanerussuteqarneq ataatsimoornerlu nukittut isigissagitit

• arlalinnik suliaqarlutit nuannarissagit

• tatitusutit oqaloqatiginnikkumasuullutillu

• paasisaqarusussuseqartutit, alapernaatsuutit allallu isiginnittaasiinut akuerinnittuusutit

 

Ingerlatsivik pillugu:

Suliatigut piginnaasat, assigiinngissuseq, ataatsimoornerlu suleriaatsimik siunissaq ungasinnerusoq eqqarsaatigalugu kivitsinissamut pingaaruteqarsoraagut. Taamaattumik suliniutinik nutaanik, suliatigut uatsinnut qaninnerulersitsisussanik aallarnisaalluta aallartilluareerpugut. Pikkorissunik aqutsisoqassagaanni suliatigut piginnaasaqarneq aallaavigalugu sulisoqartariaqarpoq!

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: fagchefi Mathias Brusgaard, oqarasuaat +299 562761 imaluunniit e-mail: mtbr@sermersooq.gl

 

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.
Atorfinititsineq qaammatini pingasuni misiliutitaqassaaq.

 

Inissaq:

Atorfininnermut atatillugu inissiamik innersuussisoqarsinnaanngilaq.

 

Qinnuteqaat:

Qinnuteqaat qulequtserlugu Atorfiup ilisarnaataa 851-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Alapernaannerulersimaguit:

Kommunip nittartagaani suliat allaaserineqarnerini suliatsinnut malittarisassat pillugit atuarsinnaavutit, aammattaaq allanik apeqqutissaqaruit attaveqarfiginissatsinnut tikilluaqqusaavutit.

Illiuguit eqqortunik naleqartitalik, sulilu misilittakkanik amigaateqarlutit tusarfiginissat aamma soqutigaarput. Atorfiup tulluarsarnissaanut periarfissaqarpoq, taamaalillutit suliassat ilaannik sulilerniassagavit inerisarfigalugillu.

Tusarfiginissat qilanaaraarput.

 

Atorfinitsitsinissamut oqaloqatiginninneq ingerlanneqassaaq sapaatip akunnera 41-mi.

Qinnuteqarnissamut killissarititaasoq: oktobarip 11.-at, 2023

Atorfik una qinnuteqarfigiuk