Skip to main content
98

Dette jobopslag er udløbet

Kommuneqarfik Sermersuumi Aningaasaqarnermut Sulisoqarnermullu Pisortaq misilittagaqarluartoq ineriartortitserusussuseqartorlu

Nuummi Kommuneqarfik Sermersuumilu tamarmi inerikkiartortitsinissami taakkulu siunissaannut atatillugu suleqataarusuppit? Aningaasaqarnermik ilisimasaqarluarlutit aqutsisinnaassuseqarluarpit politikikkullu ingerlatanik paasisimasaqarluarlutitt? Taamaassimappat kommunimi ineriartortitsinissamut periarfissaqarluartumi pisortatut atorfimmik pissanganartunik assigiinngitsorpassuarnillu suliassaqarfiusumik neqerooruteqarfigisinnaavatsigit.

 

Atorfik pillugu

Kommuneqarfik Sermersuumi Aningaasaqarnermut Sulisoqarnermullu Ingerlatsivimmi pisortatut sulininni kommunip missingersuutaanut, aningaasaqarneranut, qarasaasiaqarneranut aammalu Facility – Kommunip iluani Kiffartuussinermi ingerlatsisuussaatit pingaarnertullu akisussaasuussallutit.

Kommunaldirektørimut atassuteqassaatit aammalu pisortaqatigiinni katillugit arfinilinnik ilaasortaqartumi ilaassallutik. Inuit arfinillit toqqaannartumik atassuteqarfigissavatit sulisullu katillugit 76-it akisussaaffigissallugit.

 

Pingaarnertut suliassatit tassaassapput:

  • Pitsaasumik suleqataalerfiusumik aammalu suleqatit, sulisut qinikkallu suliap nuannersuuneranik annertuumik misigisaqalersitsiviusumik kajumissaarinertalimmik suliat aqullugillu agguataartarnissaat

  • Allaffissornikkut periutsinik, missingersuutinik kommunillu naatsorsuutaanik suliarinninneq, ineriartortitsineq malitseqartitsinerlu

  • Kommuneqarfik Sermersuumi missingersuutinik sukannersumik aqutsinikkut malitseqartitsinikkullu aningaasaqarnikkut patajaallisaanermi peqataaneq kiisalu missingersuutitigut sinaakkusissat qinikkanit akuersissutigineqartut malinneqarnissaat

  • Qullersaqatigiit suleqatigiinneranni eqeersimaartumik peqataaneq aammalu suliassaqarfiit akimorlugit suliat ingerlanneqarneranni suliassallu aaqqissuunneqarneranni, tassungalu ilanngullugu suliassat akimorlugit qarasaasialerinikkut suliniutini peqataaneq

  • Kalaallit Nunaanni kulturi eqqarsartariaaserlu ataqqillugit sulisunik suliatigut aqutsinikkullu qaffassarlugit ineriartortitsineq

  • Kommunip attartortitsinermik ingerlataanik tamatumanilu aningaasaqarnermik malinnaaneq

 

Illit pillutit

Aningaasaqarnermut Sulisoqarnermullu Pisortassamut atatillugu makku pingaartinneqassapput:

Suliatigut piginnaasat:

  • Aningaasaqarnikkut naatsorsuuserinikkullu ingerlaqqiffiusumik naleqquttumillu ilinniagaqartuuvutit, assersuutigalugu HA-tut, HD-tut, Cand.merc.aud.-itut imaluunniit Cand.oeconitut.

  • Misilittagaqarluartuuvutit aammalu sivikinnerpaamik ukiuni qulini sulisunik aningaasaqarnermillu aqutsinermik misilittagaqartuullutit

  • Suliniutinik siulersuinermik aqutsinermillu misilittagaqartuuvutit

  • AXAPTA-mik atuinermik ilisimasaqarluartuuvutit

  • Suliffimmi politikikkut aqunneqartumi, soorlu naalagaaffiup kommunilluunniit suliassaqarfiani sulinermik misilittagaqarnissaq iluaqutaassaaq

 

Inuttut aqutsisutullu piginnaasat:

  • Aqutsisorisavit namminneq aqutsinerminni nammineq iliuuseqarfigisinnaasaannik pilersitsisinnaassuseqartuuvutit

  • Tamanut malinnaalluarsinnaavutit, suliassaqarfinnili pisortat aqutatit suliat pitsaassusissaannut akisussaassuseqarsinnaatillugit

  • uliffeqarfimmi suliassaqarfiit akimorlugit suliat pitsaasumik ingerlanneqarnissaannik malinnaasinnaassuseqarputit

  • Aaqqissuussaanikkut anguniakkanik ersarissunik paasiuminartunillu siunnerfeqarsinnaassuseqarputit

  • Sammivissanik, angusaqarnissamik suliniummillu ingerlatsinissamik innersuussisinnaassuseqarputit.

  • Attaveqarluarsinnaassuseqarputit aammalu suliffeqarfimmi politikikkut aqunneqartumi akuusinnaassuseqarlutit

  • Siuttuullutit maligassiusinnaassuseqarputit

 

Aammattaaq qinnuteqartut Kalaallit Nunaanni pissutsinik (kulturimik eqqarsartariaatsimillu) ilisimasaqartut aammalu kalaallisut oqalussinnaasut imaluunniit kalaallisut oqaatsinik ilinniagaqarusussuseqartut kiisalu Kalaallit Nunaanni inuiaqatigiinni akuusinnaasut salliutinneqassapput.

 

Paasissutissat allat

Akissarsiat pitsaasut makkuninnga ilallit neqeroorutigineqarput:

  • Isumaqatigiissutitigut atugassarititaasut malillugit akissarsiatigut atorfinitsinneqarnikkullu atugassarititat

  • Soraarnerussutisiat

  • Atorfinikkiartorluni atorfeqarunnaarnermilu angalanermut akiliunneqarneq

  • Pisattat nassiunneqarnerat

  • Sulinngiffeqarnermi akiliunneqarluni angalasarneq

  • Inissiamik il.il. neqerooruteqarneq.

 

Qinnuteqaat

Kommuneqarfik Sermersuumi sulisussarsiortarneq InuitRecruitment ApS-imit isumagineqartarpoq. Atorfik pillugu annertunerusumik paasisaqarusukkuit saaffigisinnaavat  Inger Louise Østergård normumi 223842.

 

Kommuneqarfik Sermersooq pillugu

Kommuneqarfik Sermersooq 635.000 km2-it pallillugit isorartussuseqarpoq. Taama isorartutiginermigut nunarsuarmi kommunit annersaraat aammalu Danmarkip aqqaneq marloriaataanik angissuseqarluni.

Kommunimi innuttaasut 23.000-it missaanniipput, taakkunanit 18.000-it sinnerlugit Kalaallit Nunaanni illoqarfiit pingaarnersaanni Nuup illoqarfiani najugaqarlutik.

 

Ansøgningsfrist:
12. maj 2019