Skip to main content
109

Dette jobopslag er udløbet

Kommuneqarfik Sermersuumi Aningaasaqarnermut pisortaq piginnaaneqarluartoq / Atorfiup ilisarnaataa 575/19

Kalaallit Nunaanni pisortani aningaasaqarnermik aqutsinermik suli pitsaanerulersitserusuppit? Aningaasaqarnermik ilisimasaqarluartuullutit aqutsisutut piginnaaneqarluartuuit? Taamaassimappat kommunimi nunarsuarmi anginerpaami aningaasaqarnermut pisortatut atorfik inuttassarsiorparput.

Atorfik pillugu

Kommunimi pisortaqatigiinni ilaassaatit aammalu kisitsisit annikitsut annertuullu isumagisinnaassavatit makkununngalu peqataassallutit:

  • Kommuneqarfik Sermersuumi aningaasaqarnermik aqutsinerup ataqatigiissaarnissaanik naapertuuttuunissaanillu qulakkeerineq
  • Pisortat ataatsimoortumik aqutsiviata ERP-ip ineriartorteqqinnissaanik qulakkeerineq
  • Aningaasaqarnikkut siunissami ungasissumi misissueqqissaarinissanik ineriartortitsinissap qulakkeernissaa
  • Aningaasaqarnermut suliassaqarfimmi allaffissornikkut aqutsinikkullu suliat ingerlanneqarnissaasa isumaginissaat
  • Aningaasaqarnermut suliassaqarfik pillugu qullersanik siunnersuisarneq
  • Apeqqutit inatsisinut attuumassutillit pillugit politikikkut ataatsimiititalianik siunnersuineq

Atassuteqarfigissavat kommunaldirektør-i

Inuit 4-mat toqqaannartumik atassuteqarfigissavatit aammalu sulisut katillugit 32-it missaannik amerlassusillit akisussaaffigissallugit, taakku ilagaat ilinniartut marlunniit – sisamat tungaannut.

Illit pillutit

Aningaasaqarnermut pisortamut atatillugu makku pingaartinneqassapput:

Suliatigut piginnaasat:

  • Aningaasaqarnikkut naatsorsuuserinikkullu ingerlaqqiffiusumik naleqquttumillu ilinniagaqartuuvutit, assersuutigalugu HA-tut, HD-tut, Cand.merc.aud.-itut imaluunniit Cand.oeconitut.
  • Pisortani aamma/imaluunniit namminersorlutik suliffeqarfiutilinni aqutsisutut misilittagaqartuuvutit
  • AXAPTA-mik atuisinnaanissat kissaatiginarpoq
  • Danskisut, tuluttut kissaatiginarlunilu kalaallisut oqalussinnaavutit

Inuttut piginnaasat:​

  • Suleqatinik, aqutsisunik, qinikkanik suliffiullu avataani suleqatigisanik suleqateqarsinnaassuseqarputit
  • Aaqqissuussillaqqissuuvutit, misissueqqissaarisinnaassuseqarputit aammalu pisariitsumik paatsuugassaanngitsumillu attaveqatigiissinnaallutit
  • Ammasuuvutit, nuannaartuuvutit aammalu illarumatuujullutit persuarsiortuunak

Qinnuteqartut Kalaallit Nunaanni pissutsinik (kulturimik eqqarsartariaatsimillu) ilisimasaqartut aammalu kalaallisut oqalussinnaasut imaluunniit kalaallisut oqaatsinik ilinniagaqarusussuseqartut kiisalu Kalaallit Nunaanni inuiaqatigiinni akuusinnaasut salliutinneqassapput.

Piaartumik isumaqatigiissulluunniit naapertorlugu atorfinitsitsisoqassaaq.

Kommuneqarfik Sermersooq pillugu

Kommuneqarfik Sermersooq 635.000 km2-it pallillugit isorartussuseqarpoq. Taama isorartutiginermigut nunarsuarmi kommunit annersaraat aammalu Danmarkip aqqaneq marloriaataanik angissuseqarluni.

Kommunimi innuttaasut 23.000-it missaanniipput, taakkunanit 18.000-it sinnerlugit Kalaallit Nunaanni illoqarfiit pingaarnersaanni Nuup illoqarfiani najugaqarlutik.

Paasissutissat allat

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut, DJØF-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Erseqqissaassutigissavarput inissaaleqineq ajornartorsiutaammat taamaattumik ataavartumik ineqalernissaq utaqqinarsinnaammat piffissaq siulleq utaqqiisaasumik inimik innersuussisoqarsinnaammat.

Qinnuteqaat

Kommuneqarfik Sermersuumi sulisussarsiortarneq InuitRecruitment ApS-imit isumagineqartarpoq. Atorfik pillugu annertunerusumik paasisaqarusukkuit saaffigisinnaavat suleqat Berit Tops, mobil +45 21742322 imaluunniit Inger Louise Østergård, mobil 223842

Qinnuteqaatip ilisarnaataata Atorfiup ilisarnaataa 575/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 27. september 2019
Atorfininneq: Isumaqatingiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Gerth Jakobsen
Telefon: +299 366085
Mobil: +299 487870
Nittartagaq: http://www.sermersooq.gl
Qinnuteqaat nassiutiguk