Skip to main content
77

Dette jobopslag er udløbet

Kommuneqarfik Sermersooq tunniusimasumik misilittagartuumillu Meeqqanut Atuarfinnullu pisortassarsiorpoq

Silarsuarmi kommuneqarfiit isorartunersaanni Meeqqanut Atuarfinnullu tunngasunik malunnaatilimmik sunniuteqarnissat pileraajuk? Meeqqat ineriartorneranni ilinniagaqarnerannilu suleqataarusuppit, siunissami Nuummi Kommuneqarfiullu Sermersuup sinnerani innuttaaqataalluartunngornissaat siunertaralugu? Aamma pisortatut misilittagaqarluarpit politikkikkullu pissutsinik paasinnilluarsimallutit? Taava neqeroorfigisinnaavatsigit pisortatut atorfimmik pissanganartumik imartuumillu kommunimi siuariartupilooqisumi.

Atorfik pillugu.

Kommuneqarfik Sermersuumi Meeqqanut Atuarfinnullu pisortaqarfimmi pisortatut kommunip atuarfiisa ulluuneranilu paaqqinnittarfiisa  ingerlatassaraat, ineriartortitassaralugu pisortatullu akisussaaffeqarnissat suliassaraat.

Kommunaldirektøri qullersarissavat pisortaqatigiinnullu katillugit arfinilinnik inuttalimmut ilaassallutit.

Pisortaqatigiinnut ilaasutut suleqatiginnillaqqissuunissat naatsorsuutigineqarpoq, pisortallu suliassaasa pisortaqarfiit akornanni suleqatigiissutigineqartarnerini akuliusimallutit peqataanissat naatsorsuutigineqarluni. Qaqugukkulluunniit pisortaqatigiit taakkulu suliaat akisussaaqataaffigaatit kommunalbestyrelsemut., ataatsimiititalianut ataasiakkaanut suliffeqarfimmullu tamarmut. Pingaaruteqarpoq ataatsimut isiginnillutit suliamik ingerlatsisinnaanissat ineriartortitseqataallutillu kommunemut tamarmiusumut akisussaaffeqarlutit.

Meeqqanut Atuarfinnullu pisortanut tallimanik qanittumik suleqatissannik sulisoqassaatit, akisussaaffigisassannik, taassumalu saniatigut sulisunut 500-nut akisussaassallutittaaq.

Pingaarnertut makku suliassaraatit:
  • Pisortaaneq suliassanillu agguaassineq, ersarissumik suleqataarusussutsimillu pilersitsisumik periuseqarlutit, taamaalillutit pitsaasumik angusaqaataasumillu suleqatit, sulisut qinikkallu politikerit akornanni suleqatigiinnermik pilersitsisinnaallutit
  • Pisortaqatigiit akornanni suleqataalluarnissaq, suliassaqarfiillu akornanni aporfinnik qaangiiniarnermi aaqqiissutissanik suliniutissanillu pilersitseqataasuunissaq
  • Meeqanut Atuarfinnullu pisortaqarfiup ingerlannissaa ineriartorteqqinnissaalu, tassunga ilanngullugit politikkikkut anguniakkat makkua iluini piviusunngortinniassallugit:
    • Atuarfik, tassunga ilanngulugit Nuummi atuarfinnik nutaanik marlunnik pilersitsinissaq, atuarfeqarfiullu aaqqissuuteqqinneqarnerata piviusunngortinnissaa
    • Ulluunerani paaqqinnittarfiit, ilaatigut ilinniarsimasunik sulisussarsiorneq/perorsaasunik kiisalu ulluunerani paaqqinnittarfinniittartut meeqqat amerliartortut sullinneqarneranni atortussanik pitsanngorsaanissaq
    • Peqqinnissamut sunngiffimmullu tunngasunik neqeroorutit, ilaatigut nerisaqartitsineq pillugu politikki.
    • MISI (Meeqqanut Inuusuttunullu Siunnersuisoqatigiiffik)
  • Pisortaqarfimmi tamarmi sulisut kajumissuseqarlutik tulluusimaarlutik sulinerminnillu nuannarinnillutik attatiinnassalllugu siuarsassallugulu
  • Sulisut inerisassallugit ilinniagaqassutsip tungaatigut immaqalu aamma pisortatut ingerlaqqissinnaalernissaat anguniarlugu.
  • Aningaasartuutissanut pilersaarutit malinneqarnissaat sissuissallugu qulakkiissallugulu, suliassaqarfimmut aningaasat atugassatut sinaakkusiassat politikikkut aalajangerneqarsimasut malinneqarnissaat qulakkeerniarlugu
Ilinnut tunngasut

Meeqqanut Atuarfinnullu Pisortanngortussamut makku pingaartinneqassapput:

Ilinniagaqassutsikkut piginnaasat:
  • Suliamut naleqquttumik qaffasissumik atuagarsornikkut ilinnniarluarsimasuussaatit (bachelor iml kandidat), soorlu perorsaanermut, tarnip pissusaanut, inuiaqatigiit ingerlaasiannut, innuttaasut akornanni pissutsinut imaluunniit pisortat allaffissornikkut ingerlatsinerannut, taakkulu saniatigut pisortatut ilinniagaqarsimanermut (soorlu MBA)  tunngasumik
  • diplomuddannelse, MPA assigisaaluunniit
  • Meeqqanut atuarfeqarfimmullu tunngasunik suliaqarsimasuusinnaavutit, minnerpaamillu ukiut tallimat arfineq marlullu akornanni pisortatut misilittagaqartuussallutit, tassunga ilanngullugit pisortaqarfinnut pisortaaneq. Soorlu atuarfiup pisortaasinnaavutit taassumaluunniit nalinganik suliassaqarfimmut pisortaasimassallutit kommunimi pisortaqarfimmiluunniit allami.
  • Suliffeqarfimmi politikkikkut aqunneqartumi naalagaaffimmi kommunimiluunniit misilittagaqarneq immikkut maluginiarneqassaaq.
Inuttut pisortatullu piginnaasaqassuseq:
  • Pingaarnerpaavoq meeqqanik atuarfinnillu sullissinissamut tunniusimasuunissat kajumissuseqarnissallu
  • Isumassarsiullaqqissuuvutit, anguniagaqarumatuujullutit anguniagassanillu erseqqissunik paasinarluartunillu aalajangersaallaqqissuullutit
  • Suleqatikkuminartuuvutit, pisortaqarfiit ilinniagaqaqatigiikkuutaallu assigiinngitsut akornanni.
  • Suliffeqarfiup immikkoortuisa assigiinngitsut akornanni suliffeqarfimmilu tamarmiusumi ataatsimut isiginnillutit patajaatsumik aaqqiiniallaqqissuuvutit
  • Suliffeqarferujussuarmi sulinermik sungiussisimasuuvutit, nalunagulu qanoq ilinikkut pisariaqartassanersoq toqqaannartumik akuliunnissat, taamaaliornissallu qunuginagu
  • Aalajangillaqqissuuvutit politikkikkullu anguniakkat piviusunngortinniarneranni angusaqarluartartuullutit.
  • Qiimanermik suleqataarusussutsimillu pilersitsillaqqissuuvutit isumassarsiarnillu apuussillaqqissuullutit suliffeqarfiup iluani sulisunnut pisortannullu
  • Qamuuna nukittuujuvutit ajornartorsiorfinnilu aalajangersimasumik pissuseqarsinnaassuseqarlutit
  • Qasujaatsuuvutit sullarissuullutillu
  • Ilumoorfiginillaqqissuuvutit, tatiginartuullutit uppernartuullutillu.
  • Nammineerlutit suliniuteqartartuuvutit, pilersaarusiullaqqissuullutit ataatsimullu isiginnillaqqissuullutit
  • Ataatsimoortitsillaqqissuvutit suliffeqarfiullu tamarmiusup iluani suliassap suuneranik malittarinnitsitsillaqqissuullutit
  • Allakkatigut oqalunnikkullu paasinarluartumik nassuiaallaqqissuuvutit
  • Suliffeqarfimmi politikkikkut aqunneqartumi sulinissat sapinngilat

Tamakku tamarmik saniatigut qinnuteqartut Kalaallit Nunaanni pissutsinik ilisimasaqartuunissaat inuiaqatigiinnilu kalaallini inooqataasinnaassuseqarnissaat pingaartinneqassaaq,

Paasissutissat allat

Akissarsiat tungaasigut pilerinartunik neqerooruteqarpugut, taakkua ilaatigut tassaallutik:.

  • Akissaatit atorfinitsitaanermullu tunngasumik atugassat isumaqatigiissuteqarnikkut aalajangikkat
  • Soraarnerussutisiat
  • Atorfinikkiartorluni soraarnermilu angerlariartorluni angalanernut akiliunneqarneq
  • Pequtit assartorneqarnerinut akiliunneqarneq
  • Sulinngiffeqarnermi angalanernut akiliunneqarneq
  • Inissaqartitsineq il.il.
Qinnuteqarnissaq

Atorfininniarlutik qinnuteqartut InuitRecruitment ApS-mit Kommuneqarfik Sermersooq sinnerlugu suliarineqartarput. Atorfik pillugu annertunerusumik paasisaqarusukkuit suliffeqarfimmik Partner Berit Tops mobil nr. +45 21742322-mut imaluunniit suliffeqarfimmik piginnittoq Inger Louise Østergaard 223842-mut attaveqarfigineqarsinnaapput.

Kommuneqarfik Sermersooq pillugu 

Kommuneqarfik Sermersooq 635.000 kvm-nik angissuseqarpoq. Tassa imaappoq kommuni silarsuarmi kommuninit isorartussusaat uuttoraanni annersaavoq. Kommune aamma Kalaallit Nunaanni kommunit annersaraat, inuttussuseq uuttuutigalugu, katillugit 23.000-it sinnilaarlugit inuttussuseqarluni. Pingaartumik illoqarfiit pingaarnersaanni Nuummi inuit najugaqartut amerliartorput. Nuuk ullumikkut 18.000-it sinnilaarlugit inoqarpoq.

Atuarfeqarneq eqqarsaatigalugu Kommuneqarfik Sermersooq Kalaallit Nunaanni kommunenut allanut sanilliullugu annerpaamik ingerlatsiviuvoq. Innuttaasut amerliartornerat ilutigalugu pisariaqarpoq kommunep meerartaasa pitsaanerpaanik ineriartornissaat ilinniagaqarnissaallu. Kalaallit Nunaanni illoqarfiit pingaarnersaanni periarfissarissaarnissaat pisariaqarpoq, paaqqinnittarfiit atuarfiillu eqqarsaatigalugit.

Ansøgningsfrist:
18. december 2019 Søg stillingen