Skip to main content
91

Dette jobopslag er udløbet

Kommuneqarfik Sermersooq Tasiilami Isumaginninnermi Ingerlatsivimmi pikkorissumik tunniusimasumillu katsorsartinnermi inuttut pingaarutilimmik pissarsiorpoq / Atorfiup ilisarnaataa 97/21

Kommuneqarfik Sermersooq Tasiilami Isumaginninnermi Ingerlatsivimmi pikkorissumik tunniusimasumillu katsorsartinnermi inuttut pingaarutilimmik pissarsiorpoq 1.5.21-mi isumaqatigiissuteqarnikkulluunniit atorfinittussamik.

Isumaginninnermi Ingerlatsivik pisortanik ikiorsiissuteqarnermut, utoqqalinersianut, innarluuteqarnermut, ajornartoornermi upalungaarsimanermut saaffiginninnermullu tunngasunik immikkoortortaqarpoq. Isumaginninnermi Ingerlatsivimmi katillugit sulisut quliuvugut. Atorfik piffissaq tamakkerlugu sapaatip akunneranut 40 tiimit suliffiuvoq, annerusumik ataasinngornermit tallimanngornermut arfineq pingasuniit sisamap tungaanut piffissallu allat aamma suliffigineqarnissaat naatsorsuutigineqassaaq. Atorfik Tasiilami kommuneqarfiup allaffianiippoq.

Atorfiup imarai:

Sulisumik - ajornanngippat misilittagaqarluartumik Tasiilami nunaqarfiinilu tallimaasuni atornerluisunik katsorsaanermi ataqatigiissaarisinnaasumik pissarsiorpugut:

  • Innuttaasunik imigassamik aanngajaarniutinillu atornerluinermik aningaasanoorajunnermilluunniit ajornartorsiutilinnik katsorsartinnissamut kissaatilinnik oqaloqatiginninneq.
  • Qinnuteqartunik innersuussinermik isumaginninneq
  • Suliffeqarfinnut ass. sulisuminnik katsorsartitsinissamik kissaateqartunut attaveqarnissaq.
  • Ukiumut pilersaarutit marloriaq suliarisarlugit.
  • Tasiilap nunaqarfiini tallimaasuni atornerluisunik katsorsaanissanik pilersaarusiorneq, angalangaatsiartarnissaq naatsorsuutigineqassalluni.
  • Avataani katsorsaanermik neqeroorutilinnik suleqateqarneq annerusumik Nuummi Katsorsaavik Allorfillu, juumooq, Tasiilami Meeqqat Ilaqutariillu Immikkoortortaqarfiat susassaqarfiillu allat innuttaasut katsorsartinnissaannut innersuussisartut.
  • Avataani katsorsaasunut attaveqarneq, unnuiffissarsiuussineq katsorsaanissamullu ininik pissarsiorneq.
  • Akiligassanik assigiinngitsunik naammassinninneq, fakturanik akilersuineq allaffissornermilu suliassat allat.
  • Suliassat takkussuuttut: Atuarfinni, Majoriami, inuusuttut kulturikkut illuanni allanilu immikkut iliuuseqartoqartariaqartillugu atuartitsinermi ikiuineq, immaqa Tasiilami pinaveersaartitsinermi siunnersorti suleqatigalugu Isumaginninnermilu Ingerlatsiviup upalungaarsimasuinut peqataanissamut piareersimaneq.

Nuummiittut Allorfiup Katsorsaaviullu iluminni ataqatigiissarisuat siunnersortillu pisortaat qanimut suleqatigalugit sulisoqassaaq.

Qinnuteqartunut naatsorsuutigisat:

  • Ilinniarsimanermut piumasaqaataasinnaavoq katsorsartinnermi inuttut pingaarutilik, isumaginninnermut peqqinnissamullu ikiorti, peqqissaanermi assistenti, peqqissaasoq, isumaginninnermi siunnersorti perorsaasorluunniit.
  • Qinnuteqartoq najukkami soqutiginnissasoq ilisimasaqassasorlu naatsorsuutigaarput.
  • Qinnuteqartut sumiiffimmik ilisimannittut piumaneqarnerupput piumasaqaataanngilarli.

Pingaartipparputtaaq:

  • Inunnik atornerluisuunerminni katsorsartinnissaq sioqqullugu, pinerani kingornalu unammillernartumik sullissisinnaasumik pissarsiorpugut.
  • Ataatsimut takunnissinnaaneq attatiinnarlugu arlalinnik suliaqarsinnaaneq
  • Allattariarsornermi oqaluttariarsornermilu ersarissumik paatsuugassaanngitsumillu attaveqartartuusinnaaneq
  • Nammineerluni sulisinnaasoq, akisussaassuseqarluni sullissiumatuujullunilu
  • Sulianut atatillugu tamatigoortuusinnaaneq suliallu ataavartumik agguataarneqartarnerannik nalimmassaalluarsinnaaneq
  • Ulluni ulapaarfiusuni ukkassilluni aaqqissuussaasumillu sulisinnaassuseqarneq
  • Tatitooq pilersitsiniallaqqissoq inissaqartitsiuartoq piumassuseqarluartorlu
  • Sulianik naammassinninniarluta ingerlatsinitsinnut atatillugu ataavartumik ineriartortitsinermut
  • pitsanngorsaanermullu peqataasoq
  • Arlalissuarnik suleqateqallaqqissuussaaq
  • Qinnuteqartoq kalaallisut oqalussinnaassasoq ajornanngippallu qallunaat oqaasiat oqaatsit aappaattut atorsinnaagai piumasaqaataavoq.

Neqeroorutigaavut:
Suliffik unammillernartoq nammineq ingerlannissaanut periarfissalik, namminerlu annertuumik akisussaassuseqarluni suliffiusoq. Pingaartipparput patajaatsumik suliassanut suliffimmullu pulatikkiartuaarneqarnissaq, anguniarparputtaaq aqutsisut qanimut isumasiueqatigalugit suleqatigiinnermi silaannaap pitsaasup qulakkeerneqarnissaa kiisalu pilersitsisinnaanerup nutaaliorsinnaanerullu inissaqartinneqarnissaat. Qinnuteqartoq katsorsartinnermi inuttut pingaarutilittut ilinniagaqarsimanngitsuuppat periarfissaq siulleq atorlugu pineqartup ilinniagaqarnissaa isumagissavarput.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Atorfik tunngaviatigut pineqartup ilinniagarisimasaa isumaqatigiissutillu malillugit akissarsiaqartinneqassaaq, isumaginninnermilu siunnersortinut, peqqissaasunut perorsaasunullu atorfinitsitaanermi immikkut ittumik pilerinarsakkamik atugassaqartitsiviuvoq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip
Qinnuteqaatip ilisarnaataata Atorfiup nr. 97/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 10. marts 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Kurt Pedersen
Telefon: +299 367766
Nittartagaq: http://www.sermersooq.gl
Qinnuteqaat nassiutiguk