Tarnip pissusaanik immikkut ilisimasalik (Psykolog) imal. Tarnikkut katsorsaasumik (psykoterapeut) Nuummi Meeqqanut Ilaqutariinnullu Sullissivimmut

Suliffeqarfimmi ineriartorfiujuartumi sulinissamut kajumissuseqarpit? Ataatsikkut arlalinnik suliaqarsinnaassuseqarpit? Inuttut ineriartornissamut periarfissalimmi sulerusuppit? Taava Meeqqanut Ilaqutariinnullu Sullissivik ilinnut piukkunnarsinnaavoq.

Kommuneqarfik Sermersooq Nuummi tanip pissusaanik immikkut ilisimasamasalimmik/psykologimik imal. Tarnikkut pissusaanik immikkut ilisimasalimmik  katsorsaasumik pikkorissunik piumassuseqarluartunillu pissarsiorpoq. Meeqqanik Ilaqutariinnillu Sullissivimmi inissisimassaatit, atorfininnerlu isumaqatigiissuteqarnikkut pissaaq.

Nuummi Meeqqanik Ilaqutariinnillu Sullissivik ilaqutariinnut tarnikkut isumaginninnikkullu ajornartorsiuteqartunut ilaqutariinnik katsorsaanermik, ilaqutariinnik ineriartortitsinermik isumaginninnermilu perorsaanermut tunngatillugu iliuusissanut akisussaasuuvoq.

Immikkoortortami maannakkut katsorsaanermi aqutsisoq 1, tarnip pissusaanik ilisimasallit 3, ilaqutariinnik katsorsaasoq 1, ilaqutariinnik aqqutissiuisut 4, taavalu pedel 1, sulisuupput.

Atorfik ullormut suliffiusussaq tamaat suliffiuvoq, immikkoortortamilu aqutsisoq qaninnertut aqutsisorineqarluni.

Uagut pilluta annertunerusumik paasissutissanik pissarsisinnaavutit uani:https://sermersooq.gl/kl/meeqqanut-ilaqutariinnullu-sullissiviit/

 

Akisussaaffeqarfiit:

∙Peqqissaarlutik katsorsarneqartartut tulleriiaarinermi sullissassat suliassarissavatit uku, Ilaqutariinnik oqaloqateqarnerit, aappariinnik oqaloqateqarnerit, inersimasut meeqqallu ataasiakkaat ingerlanerinik oqaloqateqartarnerit.

∙Katsorsaasoqatigiit qanillugit suleqatigissavatit, inunnik sullissisut, aamma sullissanut suliaqarnermi suleqatit allat.

∙Suliat arlallit ingerlannerini tarnip pissusaanik ilisimasallit susassaqarfigisaminnillu suliaqarnerannut, aamma ilaqutariinnut sullissinerni tamakkiisumik iluarsiinermut qulakkeerinninnissamut peqataassallutit.

∙Suliaqaqatinik oqaloqateqarsinnaaneq, suliamut tunngasunik siunnersorneqarneq il.il.

∙tarnillu pissusaanut tunngasutigut katsorsaanissamut neqeroorsinnaanermut pitsanngorsaaqataasinnaasutit. 

∙Kommunimi pinasuartoqartillugu upalungaarsimanermi oqaloqatiginnittarneq kiisalu suliat piorsaaqataaffiginissaat

∙Suliaqarfinni meerap kinguaassiutitugut killissamik qaangiivitissimatillugu aammalu Pinasuartoqartillugu upalugaarsimanermi, suleriutsinik inerisaaqataallutillu pitsanngorsaataqaaffiginissaat

 

Ilinnut tunngasut

Matuma ataani allassimasut amerlanersaat ilinnit naatsorsuutigaavut:

∙Tarnip pissusiinik ilisimasalittut ilinniarsimasuusutit, akuersissuteqarlutillu, piumasaqaataanngilarli.

∙Imal. Tarnikkut katsorsaasutut ilinniarsimanissat

∙Meeqqanut, inuusuttunut aamma ilaqutariinnut katsorsaanermik misilittagaqarlutillu soqutigisaqarnissat.

Angajoqqaat pitsaanerpaamik qitornamik atugaqartinnissaannut ikorfartuinissat ikiuunnissallu piumassuseqarfigissagit.

∙Suliat arlallit suleqatigiissutigisinnaaneri misilittagaqarfigissagitit

∙Inunnut pitsaasumik isiginnittaaseqarputit, suut atorsinnaasut qitiutinnissaannut piumassuseqarlutillu piginnaasaqarfigivat

∙Inunnik amerlasuunik oqaloqateqarnissamut piumassuseqarputit piginnaaneqarlutillu, sumiiffigisaanni naapillugit aamma allannguiniarneranni ikiorlugit

∙Ammasuuvutit inussiarnersuullutillu.

∙Suliffeqarfimmi ineriartorfiujuartumi sulinissamut soqutiginnittutit.

∙marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

 

 Neqeroorutigisinnaavagut:

∙Suliffik pissanganartulik unammillernartunik suliassartarpassualik.

∙Suliffik sulisut atugarissaarfigisaat

∙Suleqatit pitsaasut

∙Siunnersorneqarneq.

∙Suliatigut inuttullu ineriartornissamut periarfissat pitsaasut.

∙Namminersorluni sulineq

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Afdelingslederi Kirsten Brandt Davidsen , oqarasuaat +299 36 61 05 imaluunniit e-mail: kibd@sermersooq.gl

 

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.
Atorfinititsineq qaammatini pingasuni misiliutitaqassaaq.

 

Inissaq:

Atorfininnermut atatillugu inissiamik innersuussisoqarsinnaanngilaq.

 

Qinnuteqaat:

Qinnuteqaat qulequtserlugu Atorfiup ilisarnaataa 50-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

Qinnuteqarnissamut killissarititaasoq: februaarip 6.-at, 2023

Atorfik una qinnuteqarfigiuk