Skip to main content
67

Dette jobopslag er udløbet

Kommuneqarfik Sermersooq Sanarfinermut Avatangiisinullu Ingerlatsivimmi Misissueqqissaarnermi pisortassarsiorpoq / Atorfiup normua: 401/20

Ineriartortitsinissamut kajumissuseqarpit – ulluinnarnilu ataatsikkut ingerlatsinermik pitsaanerpaaffianik ingerlanissaanut pingaassuseqarnera pillugu paasisimasaqarpit – Taava Kommuneqarfik Sermersuumi, Sanarfinermut Avatangiisinullu Ingerlatsivimmi misissueqqissaarnermi pisortatut atorfik immaqa soqutigissavat.

Kalaallit Nunaata illoqarfiata pingaarnersaani Nuummi ulluinnarni suliffimmi annertuumik siuariartortumi, illoqarfimmilu ullormiit ullormut ineriartortumi misissueqqissaarnermi pisortap nutaaq qitiusumik atorfeqassaaq, qulakkiissallugu Sanarfinermut Avatangiisinullu Ingerlatsiviup ullormut minnerunngitsumillu siunissami unammillernartut sapinnginnissai.

Misissueqqissaarnermi pisortap piffissap sivikitsup ingerlanerani ukkatarissavaa:

  • Namminersorlutik Oqartussat inissiaatai kommunip tigunissaanut piareersarneq
  • Namminersorlutik Oqartussat suliai allat tigunissaannut piareersarneq
  • Inissiat pillugit sanaartornermullu suliassanut peqataaneq
  • Suleriaatsinik pitsanngorsaaneq pisariillisaanerlu
  • Digitalikkut aaqqiinernut atulersitseqataaneq
  • Avataani suleqatigiissitani kommunimut sinniisuuneq

Takorloorparput illit aqutsisutut qulakkiissagit suliamik ingerlatsinermut ilisimasaqarfiulluartoqassasoq, tamatumani suleqatigiittut peqatigiinneq nalunanngitsumik atuuttassasoq, ammasuunikkut, ilumoorsaarussivallaanngitsumik aamma illugiilluni oqaluussisarnikkut aqutseriaaseqarnikkut. Qitiutitatit:

  • Sulianut ilisimasaqarfiulluarfiullunilu siunersioqatigiiffiusoq, aqutsisuninngaanniit suleqatiniillu pitsaasuusumik illuatungeqarluni sungiusarnertalimmik aamma utimut tunniussinertaqarluni
  • suliaqarfiit assigiinngitsut akornanni kommunimiillu ingerlatsivinni attaveqaqatigiinneq pitsaasuulluni
  • suliatigut inuttullu ineriartornermut periarfissagissaarluni

Neqeroorutigaarput:

  • atorfik namminersorfiusoq, sulianut inuttullu annertuutigut unammillernartortalik
  • suliassaqarfimmi ineriartortitsinermut annertuumik sunniuteqaqataaffiusoq
  • suleqatit pitsaasut tunniusimasullu
  • suleqatigiinnermi pissuserissaarfiusumi tatiginartumik suleqatigiinneq

Naatsorsuutigaarput illit peqassasutit/imaassasutit:

  • Inatsisilerinermi, aningaasaqarnermi, inuiaqatigiinnik ilisimatusaatini imaluunniit assingusuni ilinniagaqarsimanissat
  • Isumaqatigiinniarnermut sungiussisimasuunissat, isumaqatigiinniarnermi ingerlanneqartut ilisimalluarlugit
  • Pisortat namminersortullu inissiaqarfiutaannik ilisimasaqarfiginnilluartutit
  • Inatsisiliornermut sulinermut annertuumik misilittagaqarsimanissat
  • Aqutsinermut sullissinermullu pisortani aaqqissuussaanerniit misilittakkat qajannaatsuunissaat
  • Misissueqqissaarinnillaqqinnissat aamma tamakkiisumik isiginnninneq attatiinnarsinnaallugu aammalu suliassanik amerlasuunik ataatsikkut suliaqarsinnaallutit
  • Allakkatigut oqaasiinnakkullu ingerlateqqiillaqqillutit
  • Atortussamik pissarsiariuminaatsumik ajornanngitsumik nalorninaatsumillu ingerlatitseqqiisinnaasutit
  • Aqutsinermut sungiussisimasuunissat aamma suliniutinik annernik sunniuteqarluartumik naammassinninnissamut ataqatigiissaarisinnaasutit
  • Suleqatigeerusussuseqarnissat aamma akimorlugu iluarsiisinnaanissat

Inuttut sunniuteqarluarsinnaassuseqarneq piginnaasaavoq ujartukkatsinni pingaaruteqartoq.

Paasissutissat allat:

Atorfik pillugu kommunilu nalinginnaasut pillugit nassuiaateqaqqikkusuppugut. Sanarfinermut Avatangiisinullu Ingerlatsivimmi pisortaq, Hans Henrik Winther Johannsen attaveqarfigissallugu tikilluaqqusaavutit, unalu atorfik pissanganartoq pillugu paasissutissanik oqaluttuunneqaqqissinnaallutit. 

Avatangiisinullu Ingerlatsivimmi pisortaq, Hans Henrik Winther Johannsen-imut saaffiginnittoqassaaq, oqarasuaammut +299 367457/e-mail: hhwj@sermersooq.gl

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 401/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                                         
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Fodnote:

Suliami fagchefitut atorfik Nuummiippoq, tamatumani innuttaasut 18.000-iusuni Kalaallit Nunaani allaffissornermi, kulturikkut, inuussutissarsiornermut tunngasutigut aamma ilinniagaqarnermut tunngasut qitiusoqarfiusoq.

Illoqarfik ineriartulertortuuvoq annertuunik piumasaqaateqarluni kommunimi suliffeqarfik suliffeqarfiup iluani avataanilu qaqugukkulluunniit naatsorsuutigineqartarmat pisortanit sullissinermi suliassat naammassineqassasut.

Aamma eqqaaneqassaaq pinngortitami kusanartumi piniarnissamut, aalisarnissamut, golfernissamut, sisorarnissamut aamma timersorluni tissiataarnissamut asseqanngitsumik periarfissaqarmat.

 

Qinuteqaat tunniunneqassaaq kingusinnerpaamik: 9. august 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Hans Henrik Winther Johannsen
Telefon: +299 367457
Nittartagaq: http://www.sermersooq.gl
Qinnuteqaat nassiutiguk