Skip to main content
88

Dette jobopslag er udløbet

Kommuneqarfik Sermersooq Pisortaqatigiit Allatseqarfiannut AC-fuldmægtigimik pikkorissumik pissarsiorpoq / Atorfiup ilisarnaataa 710/21

Nunatsinni kommunit annersaanni politikkikkut suleriaatsit paasisaqarfigerusuppigit? Ilinniagartuutut suliassamut ilisimasaqarluarpit aamma soqutiginnittuuit? Taava Pisortaqatigiit Allatseqarfianni ujartugarput illiusimassaaq.

Pisortaqatigiit Allatseqarfiat suliffeqarfiuvoq kajuminnartoq aamma suliassaqarfimmik peqqissaarussisoq qaffasissunik anguniaqarfiusoq.  Pisortaqatigiit Allatseqarfianni ulluinnaat allanngorartuupput suliassallu unammillernartarlutik, piffissat ilaanni sukkasuunik pisoqartarpoq aamma piffissaalatsilluni suliassat naammassisassaasarput suliamut, inatsisinut aamma aningaasaqarnermut tunngavissat pitsaasut tunngavigalugit. Ullut marluk qaqutigut assigiinnik suliassaqarfiusarput.

Pisortaqatigiit Allatseqarfiannit politikerit inuit qinigaattut Kommunalbestyrelsimi, nunaqarfimmi siulersuisut aamma najukkami ataatsimiititaliani issiasut sullinneqarput. Taassuma saniatigut Pisortaqatigiit Allatseqarfiannit kommunimi aqutsisut qulliunerusut sullinneqarnerat akisussaaffigineqarpoq nunatsinnilu kommunit sinnerinut kommunit ataatsimoorussamik suleqatigiinneranni allatseqarfittut atuulluni.  Qulaani taaneqartut saniatigut Pisortaqatigiit Allatseqarfiannit ineriartortitsinermik suliniutit assigiinngitsut, suliniutit aamma kommune akimorlugu soorluttaaq nunatsinni kiisalu nunat tamalaat akornanni suleqatigiinnernik ingerlatsisoqarpoq.

Aqutsisoqatigiit Allatseqarfiat Nuummi, Kalaallit Nunaanni illoqarfiit pingaarnersaanni kommuneqarfiup allaffeqarfiani inissisimavoq.  Allatseqarfik qulinik sulisoqarpoq aamma immikkoortortami aqutsisut marluupput illillu immikkoortortami aqutsisup aappaata ataani sulissaatit. 

Suliassatit immikkoortortami aqutsisoq suleqatigalugu sukumiinerusumik aalajangersarneqassapput, ilaatigut makkuullutik:

  • Aqutsisunik kiffartuussisarnerit
  • FN-ip nunarsuarmioqatigiinnut anguniagassaasa kommunimi atuutsinneqarnerat
  • Nuummi Najukkami Ataatsimiititaliamut allatsitut kiffartuussineq
  • Suliniutinik aqutsineq
  • Kommunip nunani tamalaani suleqatigiissutaanik ataqatigiissaarineq
  • Kommunit ataatsimoorussamik suleqatigiinnerannik ataqatigiissaarineq
  • Misissuinernik, nalunaarusianik, tusarniaatitsinermi akissutinik, allakkanik allanillu suliaqarneq
  • Suliassat takkussortut suliarinissaat
  • Suleqataasumit piareersimaffigineqassaaq allatseqarfiup suliassaanut allanut pisariaqartitsisoqartillugu isumaginnissinnaaneq

Naatsorsuutigaarput illit:

  • Kandidatitut qaffasissusilimmik naleqquttumik ilisimatusarsimassasutit
  • Ukiuni arlalinni suliffeqarfimmi politikkikkut aqunneqartumit misilittagaqartutit, kisianni ilinniakkamik  nutaatut naammassinnittoq aamma isiginiarneqassaaq
  • Naliliillaqqissuusutit aamma pisunik paasinnillaqqissuusutit
  • Suleqatikkuminartuusutit, nutaamik eqqarsarsinnaassuseqartutit, suliamillu naammassinninnissamut akisussaaffeqarsinnaasutit
  • Ulluinnarni suliassanik assigiinngitsorpassuarnik aaqqissuussisinnaasutit, pingaarnersiuillutit tamakkiisumillu paasinnissinnaallutit
  • Oqariartuutinik naatsumik eqqortumillu ingerlatitseqqiisinnaasutit.
  • Peqqissaartuusutit annikitsualunnullu pikkoriffeqartutit
  • Tamatigoortuusutit, saaffigiuminartuusutit qiimasuullutillu
  • Ilaanni suliassat piffissap suliffiup nalinginnaasup avataani suliarineqarlutik naammassineqartartussaammata tamatigoortuunissat pisariaqarpoq

Neqeroorutigaavut:
Ulluinnaat allanngorartut politikkikkut aalajangiussanik qanimut attuumassuteqartut suliffeqarfimmi kajuminnartumi suliassaqarfimmullu tunniusimasumi. Taamannak ingerlatsivugut suleqatigiit pikkorissut soqutiginnittullu suleqatigiilluta aamma tamatta suliffimmi atugassarititaasunut suleqatigiillu akornanni ataqatigiinnermut pitsaasumut eqaatsumillu periuseqarfiusumut tapersiiuarpugut.  Suliassaq unammillernartoq neqeroorutigaarput suliassanut nammineq sunniuteqarsinnaanermik piginnaasanillu atorluaasinnaanermik imalik. 

Pinerlussimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune aatsaat pinerluuteqarsimannginnermut uppernarsaammik Politiinit pissarsereerpat.

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat aamma AC akornanni isumaqatigiissut atuuttoq, imaluunniit kattuffiup allap isumaqatigiinniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinitsitsineq qaammatini pingasuni misiliutaaqqaassaaq.

Inissaq:
Atorfimmut atatillugu inissaqartitsisoqarpoq, taamaattumik qularnaveeqqummut ineqarnermullu, atuinermut il.il akiliisoqartassaaq, matumanilu Kalaallit Nunaanni Namminersorlutik Oqartussat kommunillu Kalaallit Nunaanni illuutaasunut tunngatillugu ineqarnermut akiliuteqartarnermut maleruaqqusat atuuttut naapertorlugit akiliisarneq pisassalluni. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il il qulaani taaneqartoq innersuussutigalugu akiliuteqartoqassaaq. Ineqarnermut, tassunga ilanngullugu atuinermut tunngasut pillugit annertunerusumik paasisaqarusukkaanni, paasissutissat uani takuneqarsinnaapput: www.iserit.gl

Atorfininnissamut piffissaliussineq qaqugu sulisumut inissaqartitsilersinnaaneq apeqqutaavoq. Atorfininnermi angalanermut aamma pequtit assartorneqarnerannut malittarisassat atuuttut naapertorlugit akiliussisoqassaaq.

Qinnuteqaat:
Qinnuteqaatip atorfiup ilisarnaataata 710/21 aamma ilinniagaqarsimanermut siornatigullu sulisimanermik oqaaseqaatit paasissutissartallit, soraarummeersimanermut uppernarsaatit qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassapput. Suliffissarsiortunik oqaloqateqarnerit ingerlaavartumik ingerlanneqassapput

Ima qinnuteqassaatit:
Qinnuteqaatit elektroniskimik nassiunneqarnissaat piumaneqarnerupput, quppernermi matumani allerpaami link toorukku qinnuteqaatit CV-llu kakkiullugit nassiussinnaavatit.

MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaat inussiarnersumik piumasarineqarpoq.

 

Qinuteqaat tunniunneqassaaq kingusinnerpaamik: 01. december 2021
Atorfininneq: Sukkanerpaamik
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Brandur Karlsson
Telefon: +299 367125
Nittartagaq: http://www.sermersooq.gl
Qinnuteqaat nassiutiguk