Skip to main content
152

Dette jobopslag er udløbet

Kommuneqarfik Sermersooq pikkorissunik isumaginninnermi ikiortinik marlunnik pissarsiorpoq. Meeqqerivik Mike–mut ulloq 1.oktober 2022 piaartumik imaluunniit isumaqatigiissuteqarnikkut sulilersinnaasunik pissarsiorpoq

Meeqqerivik pillugu:
Meeqqerivik Mike ammasarpoq nal. 06.45-miit nal. 16.30-mut Paamiuni illoqarfiup qeqqani inissisimalluni.

Meeqqerivik Mike naatsorsuussaavoq 12-nik sulisoqarnissaanut, imalu agguataaqqallutik:

1 Pisortaq – 1 Tullersorti – 2 Perorsaasut – 3 Socialhjælper – 3 ikiortit – 1 igasoq – 1 eqqiaasoq  

 

 

Pingaartitagut:
Meeqqeriviuvugut suliatigut ineriartortitsinissamik pingaartitsisut aammalu meeqqat ineriartornerannut, ilikkagaqarnissaannut inuunerinnissaannullu pitsaasunik avatangiiseqartitsinissaq qitiutillugu pilersitserusuttut.

 

 

Perorsaanilerinermi ilisarnaatigaarput meeqqerivimmi meeraatitta nalinginnaasumik tunngaviusuni ineriartuutigisassaasa saniatigut timi aalanerlu aamma najukkatsinni pinngortitaq kusanartoq atorluartarnissaa pingaartipparput, kulturimut tunngasunik sammisaqarneq  aamma meeqqat meeqqerivimmiit atuarfimmut atualernissamut pitsaasumik ikaarsaarnissaat pillugu assigiinngitsunik suliallit , perorsaanermi siunnersorti, atuartunut nukarlernut siunnersortiatuareernerullu kingorna ornittakkamiaqutsisumik suleqateqarnikkut iliuusissanik anguniagaqarluta pilersaarusiukkamik suleqatigiissutigalugu ingerlattarparput 

 

 

Meeqqerivimmi suleqatigiiulluta ilisarnaatigaarputmeeqqanik sullissinermik nuannarisaqarneq, aammalu silamiinneq, toqqissisimaneq, qanilaassuseq aammalu ullut tamarmik meeqqanut angajoqqaavinullu nuannersuunissaannut pingaartitsineq.

 

 

Naatsorsuutigaarput illit:

  • Isumaginninnermi ikiortitut ilinniarsimasuunissat pisariaqarpoq assingusumilluunniit
  • Meeqqanut qanilaassuseqarlutit maligassiuilluarnissat
  • Ullormut meeqqat ataasiakkaat pisariaqartitaannut eqqummaarissuunissat
  • Unneqarissuseqarlutit ammasuunissat
  • Angajoqqaanut, suleqatinnut minnerunngitsumillu meeqqanut suleqatikkuminartuunissat
  • Sulisutut ineriartornissamut tunniussimasuullutillu tunniussaqarusussuseqarnissat
  • Sulinermi tunngaviusoq inatsisip siunertaanut ataqqinnillutit meeqqanut ineriartortitseqataarusussuseqarnissat
  • Suleqatikkuminartuunissat, suliassanut tunniusimasuunissat (Susassaqarfiit allat eqqarsaatigalugit)

 

 

Saniatigut neqeroorutigisinnaavarput:

  • Suleqatit tamatigoortut
  • Pissanganartumik ataatsimooqatigiilluni ineriartorfiusumi peqataaneq.

 

 

Annertunerusumik paasisaqarusukkuit:
Annertunerusumik paasisaqarusukkuit pisortaq Klara-Louise M. Christensen attavigisinnaavat uunga oqarasuaat 366635 imaluunniit e-mail-imut uunga: klch@sermersooq.gl

 

 

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

 

 

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

 

 

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, SIK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

 


Atorfinititsineq qaammatini pingasuni misiliutitaqassaaq.

 

 

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

 

 

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

 

 

Qinnuteqaat:
Qinnuteqaat qulequtserlugu Atorfiup ilisarnaataa 569/22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALIGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

Qinnuteqarnissamut killissarititaasoq: septembarip 7.-at, 2022

Atorfik una qinnuteqarfigiuk