Skip to main content
96

Dette jobopslag er udløbet

Meeqqanut Ilaqutariinnullu Ingerlatsivik Tasiilami Inuusuttunik Sullissivimmut Immikkoortortami Aqutsisunik marlunnik pissarsiorpoq / Atorfiup ilisarnaataa 548/20

Aqutsinermik misilittagaqarpit, inuusuttut immikkut pisariaqartitsisunut allanngueqataanissannut suliumassuseqarpit, kiisalu inuusuttunik immikkut pisariaqartitsisunik suliatigut misilittagaqarluarpit...?

Meeqqanut Ilaqutariinnullu Ingerlatsivik Immikkoortortami Aqutsisunik marlunnik pissarsiorpoq perorsaanermi najugaqarfiutigalugu katsorsaanermik neqerooruteqartarfimmi akisussaasinnaasunik. Atorfiit tamarmik 1. november 2020 aallarnerfigalugu imal. piaartumik atuutilissapput.

Kommuneqarfik Sermersooq meeqqanut inuusuttunullu immikkoortoqarfik pinaveersaartitsinermik sulianik inerisaalluni aallartisaleruttorpoq, 2020-illu ingerlanerani aallartisaanerit nutaat amerlasuut aallartisarneqalereersimallutik, tamarmik sulianik naammassinninnermut nukittorsaataasussanik. 2021-imi suliniutit nutaat allat aallartisarneqassapput. Taakku ilagaat, Kangiani inuusuttut immikkoortoqarfiani kissaateqarneq pinaveersaartitsinermut katsorsaanermillu suliaqarnermik nukittorsaanissaq.

Inuusuttunik sullissivik:

1. januar 2021 aallarnerfigalugu Tasiilami Inuusuttunik sulissivik pilersinneqassaaq.

Inuusuttunik sullissiviup inissaqartissavai Ulloq Unnuarlu Immikkoortortaq 14-iniit 18-inut ukiulinnut, katillugit 8-niit 10-t tungaanut inissalik; malitseqartitsinermi neqeroorut ulloq unnuarlu ingerlasoq 18-iniit 23-inut ukiulinnut, katillugit arfinilinnut inissalik kiisalu perosaarnermik ullormut katsorsaanermik neqeroorut inuusuttunut immikkut pisariaqartitsisunut 12-niit 18-it tikillugit ukiulinnut. Maannamut Inuusuttunut Siunnersuisutta akuuffigiumaagaat.

Inuusuttunik sullissivimmi inersimasut isumassuilluartut naapinneqarsinnaapput, inuusuttut inuunerannik aalajangersimasumik attaviusinnaalerumaartussat. ADL-imi sungiusarneq (Almindelig Daglig Levevis = Nalinginnaasumik Ulluinnarni Inooriaaseq) aallunneqassaaq, taamaasillutik inuusuttut imminnut isumaginissaminnik ilinniarniassammata. Inuusuttut ataatsimoornerup pisussaaffiillu malitsigisaata isumaanik ilinniassapput. Ataatsimut perorsaataasunik sammisassanik aallaarsimaarnernillu aaqqissuisoqartassaaq.

Inuusuttunik sullissivik tarnikkut perorsaanermillu katsorsaanermik suliaqarnermik sinaakkusiissaaq, avatangiisinik allanik katsorsaaneq peqqissaartumik toqqammaviit ilagilluinnassavaat. Inuusuttut neqeroorfigineqartut tamarmik ulluinnarni arlaatigut sammisassaqarnermik malitseqartassapput. Inuusuttut suliffimmi ilinniarneranniluunniit attassisinnaanermik tapersersorneqassapput, inooqataanerup pitsaasup qulakkeeqataaffigisinnaasaanik. Eqimattani katsorsaanermik ingerlataqarneq neqeroorutaassaaq inuusuttunut katsorsaariaatsimik taamak ittumik iluaquteqarsinnaasunik. Inuusuttunut aanngajaarniutinik pinngitsuuisinnaajunnaarsimasunut, sulisut inuunermik pinaveersaarfiusumi tapersiisinnaassapput. Inuusuttunut amerlanerpaanut angerlarsimaffimmut ilaquttanullu attuumassuteqarnerup attatiinnarnissaa pingaaruteqarpoq, taamaasilluni ilaquttat ataatsimut ilaatillugit neqeroorutitut pingaaruteqarluinnassaaq.

Inuusuttunut sullissivissami Tasiilami suliffeqarfiit allat suleqatigineqassapput, soorlu atuarfiit, inuusuttunut kulturhusi, suliffeqarfiit namminersortut kiisalu Isumaginninnermut Suliffeqarnermullu Ingerlatsivik. Taamatuttaaq inuussutissarsiortunik namminersortunik suleqataarusuttunik pilersitsiniarsarivugut suliffinnik misileraanermi periarfissiisinnaasunik, ilinniartunik tigusisinnaasunik assigisaannillu.

Neqeroorutigaavut:

  • Inuusuttunik Sullissiviup imarisaanut ineriartorneranullu annertuumik sunniuteqarneq
  • Illutaa pitsaasoq inissiat immikkoortut marluk, igaffik, ini pigaartullu inaat
  • timersortarfik scenetalik, nipilersuutit timigissartarfillu. Sullivik atortorissaarutilik
  • Illu immikkoortoq arfinilinnik initalik suliniuteqareernermi malinnaasunut
  • Illup iluani silataanilu sammisassaqartitsinermi init assigiinngitsut, tassani namminerisamik umiatsiamut

Immikkoortortami aqutsisut

Kissaatigaarput:

  • Perorsaasutut ilinniagaqarsimanissat, Isumaginninnermut siullersorti, imaluunniit naleqquttumik qaffasinnerusumik ilinniagaqarsimanissat, aammalu suliamut assigisaanut misilittagaqarsimanissaq
  • Angusassamik toraagalimmik sulerusussuseqarnerit, takorruisinnaaneq aammalu inuusuttuaqqat suleqatiginerani paarsilluarsinnaaneq.
  • Aqutsisutut kajumissuseqarneq nersiuerpaluttuunerlu
  • Naammassinninniaallassissuunissaq sulianik meeqqat inuusuttullu suleqatiseralugit.

Kommune pillugu, illoqarfik immikkoortortaqarfilu:

Tasiilaq kanianiippoq, nunarsuarmi kommune annerpaami, Sermersooq. Tasiilaq eqqaanilu pinngortitarsuaq tikilluaqqusivoq aammalu kulturimut misigisassarpassuit assigiinngitsut ukioq kaajallallugu misigisassaapput. Timersortarfiillu atorneqarnissaat akeqaratik, ass. Fitness, crossfit. Ukiukkut sisorariarsinnaavutit qimusserlutilluunniit, ukiorlu sinnera atorluarsinnaallugu pinngortisarsuarmi kusanarluinnartumik aammalu umiatsiaaqqamik angalanerit, aalisariarnerillu Tasiilap eqqaani.

Meeqqanut ilaqutariinnullu ingerlatsivik Tasiilap eqqaaniittut nunaqarfiit tallimaasut aamma sullitarivai. Maani inuttat 2200 missaaniipput.

Nuummi immikkoortortaqarfik suleqatigivarput suliat naammassinniagassat pillugit. Tassani suliassat, nalunaarutit aammalu inunnut isumaginninnermi misissuinermi sulianik.

Meeqqanut ilaqutariinnullu ingerlatsivik aqunneqarpoq aqutsisunik ataatsimoorussanik, ima meeqqanut ilaqutariinnullu immikkoortortaqarfik aammalu meeqqanut ilaqutariinnullu sullissivik. Meeqqanut ilaqutariinnullu sullissivik aqunneqarpoq suliamik ingerlatsisup aqutsisuaniit. Illumi ataatsimoorpugut, qanimullu suleqatigiittuartarluta ulluinnarni. Taasuma saniatigut akisussaaffigaarput inuusuttuaqqat illuat, ilaqutariit illuat aammalu -inissiaataat aammalu qimarnguik.

Tassani paasissutissat allat ingerlatsivik pillugu taavalu kommuneqarfik sermersooq pillugu alakkarneqarsinnaapput kommunep nittartagaani.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq  imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfiup ilagaa immikkut pilerinarsakkatut atugassaqartitaalluni atuuttoq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip:
Qinnuteqaatip ilisarnaataata Atorfiup nr. 548/20 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 11. november 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Lene Warwick
Telefon: +299 367795
Martha L. Olsen
Telefon: +299 367322
Nittartagaq: http://www.sermersooq.gl
Qinnuteqaat nassiutiguk