Skip to main content
99

Dette jobopslag er udløbet

Kommuneqarfik Sermersooq Kangillinnguit Atuarfiani ilinniartitsisumik pissarsiorpugut Job nr. 525/20

Angajullerni ilinniartitsisoq faagini fysik, kisitsineq, timersorneq, sumiiffimmi toqqakkat, pinngortitalerineq/nunalerineq aammalu uummassusilerineq.

Kangillinnguit Atuarfiata ilisarnaatigaat: Klassit kammagiiaat, angajoqqaat suleqataalluartut aammalu atuartoq inuttut, inooqataanermigut ilisimasatigullu ineriartortoq. Oqariartaaseraarput Ataatsimoorluta Ilinniarneq Kivissuarput. Kangillinnguit Atuarfiani 493 missaani atuartoqarpoq, ilinniartitsisoqarluni katillugit 43-inik.

Kommuneqarfik Sermersooq Kangillinnguit Atuarfianni ilinniartitsisutut nutaanut unammilligassanik piukkooruit, tikilluaqqusaavutit saaffiginninnissamut.

Naatsorsuutigaatsigit:

  • Ilinniartitsisutut ilinniarsimasuussasutit, assingusumilluunniit.
  • Ilinniartitsisutut akisussaaffeqartumik attaveqariaaseqassasutit pitsaasumik, peqataalluartuussasutit, kajumissuseqarlutit aallartisaasinnaassasutit, ineriartuutaasumik eqqarsartassasutit, aammalu atuartunut, angajoqqaanut, suleqatinnut aqutsisunullu pitsaasumik suleqateqarsinnaassasutit.
  • Atuarfiup avatangiisaanut allanngorartumut, ineriartorfiusumut atuartitsinermilu allanngorarfiusumut kajumissuseqarluartuussasutit.
  • Atuarfittut ilivitsutut suleqatigiittumik ineriartortitseqataasutut  peqataasumik suleqataasinnaanissat.
  • Ilinniartitsisutut It atorlugu atuartitsisinnaanissat, Ipad atorlugu app’it assigiinngitsut pamersaanikkut ilikkarnartortalinnik atuartitsisinnaaneq.

 Neqeroorfigissavatsigit:

  • Atuarfiup avatangiisaanut ineriartortitsiffiusoq inuttut piginnaasatigullu ineriartortitsinissamut periarfissalik
  • Atuarfeqarfimmi atorfik pissanganartoq, perorsaanikkut ineriartortitsineq salliunneqartoq atuarfeqarfiup inatsisitaavata ataani, politikkitigullu qaffasissumik salliutinneqartoq
  • Atuarfimmi ilinniartitsisutut nutaatut pitsaasumik tapersersorneqartoq
  • Suleqatigiinni suleqataanikkut isummersueqataaffiusumi suleqatit pitsaasut
  • Suliassatigut sunniinikkut pilersaarusiornikkullu periarfissat pitsaasut

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, IMAK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinitsinneqarnikut tjenestemanditut, tjenestemandiuinnarnissartik pigiinnassavaat, sulisut atorfinitsinneqarnermi siuliani isumaqatigiissutit malillugit atorfinitsinneqarnikut isumaqatigiissutit malillugit atorfinitsinneqarsinnaanissartik pigiinnassavaat.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 525/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 
Qinuteqaat tunniunneqassaaq kingusinnerpaamik: 27. oktober 2020
Atorfininneq: 1. december isumaqatigiinnikkulluunniit
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Skoleinspektør Laila Lyberth
Telefon: +299 366427
Nittartagaq: http://www.sermersooq.gl
Qinnuteqaat nassiutiguk