Kommuneqarfik Sermersooq IT-supportissarsiorpoq, IT-supportimut, suliffeqarfiup iluani aamma pilersuisorisatsinnut tunngasut akisussaaffiginnittussamik. Qarasaasialerinermik ingerlatsinermik, ikiuunnermi suliassanik qarasaasianut tunngasunik suliniutinik aqutsinermik misilittagaqarnersutit aalajangiisuussaaq.

 

Atorfik Nuummi kommuneqarfiup allaffiani inissisimavoq.

 

Pingaarnertut suliarisassatit ilaatigut tassaapput:

∙ Qarasasiatigut suliniutinik aqutsineq isumagalugu

∙ Qarasaasiatigut sullissinerup qaffasissuunissaa qulakkeerlugu

∙ Piffissaliussanik eqqortitsineq pitsaasumillu sullissinissaq qulakkeerlugu

∙ Siunnersueqatigiinneq siunnersuinerlu kiisalu aaqqissuussaanermi annertuumi ikiuunneq

∙ Hardware-nik sillimmateqarnissaq isumagalugu

∙ Qarasaasianut tunngasunik pilersuisutsialatsinnik suleqateqarluarnitta qulakkeernissaa attatiinnarlugulu

∙ Allaffissorneq aamma akiligassanik akuersisarneq

 

Suliassamik paasisimasaqarneq:

∙ Suleqatiginnilluarsinnaaneq

∙ Aaqqissuussaalluartumik suleriaaseqarneq torersuutitsilluarsinnaanerlu

∙ Allakkatigut oqaluinnarnikkullu kalaallisut danskisullu ilisimatitsillaqqissuussuseqarneq (marluinnik oqaasilik)

∙ Teknikkimut tunngasunik paasisisimasaqarluarneq

 

Inuttut:

-Paasisaqarusuttuuvutit

-Qiimasuuvutit

-Angusaqarusussuseqartumik aaqqiissutissarsiornissarlu qitiutillugu sulisinnaasutit – aamma ulapaarfiup nalaani

-Suleqatigiinni piviusorsiortuusutit aamma sullissilluarusussuseqartutit

 

Ilinnut neqeroorutigisinnaasavut:

∙ Atorfik namminersorfiusoq piuminaassinnaasunik suliassartalik

∙ Ulloq suliffik nammineq ilusilersornissaanut periarfissagissaarluarfiusoq

 

Annertunerusumik paasissutissat Siunnersortaaneq Carsten Jensen mailikkut cabj@sermersooq.gloqarasuaatikkut angallattakkakkut +299 52 28 49 attavigineratigut pissarsiarineqarsinnaapput.

 

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.
Atorfinititsineq qaammatini pingasuni misiliutitaqassaaq.

 

Inissaq:

Atorfininnermut atatillugu inissiamik innersuussisoqarsinnaanngilaq.

 

Qinnuteqaat:

Qinnuteqaat qulequtserlugu Atorfiup ilisarnaataa 460-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juunip 22.-at, 2023

Atorfik una qinnuteqarfigiuk