Skip to main content
157

Dette jobopslag er udløbet

Kommuneqarfik Sermersooq Inuussutissarsiornermut pisortamik pissarsiorpoq

Kommuneqarfik Sermersooq inuussutissarsiornermut pisortamik nutaamik aqutsisinnaalluartumik, isumaqatigiissuteqarnikkut atorfinittussamik pissarsiorpoq.

 

Inuussutissarsiornermut pisortamik nutaamik, kommunip inuussutissarsiornermut periusissiaa anguniagaqarfiusoq aallaavigalugu inuussutissarsiortut sullinneqarnerinik ingerlateqqiisussamik ineriartortitseqqittussamillu pissarsiorpugut.Inuussutissarsiornermut pisortatut - suliffeqarfiit qanimut suleqatigalugit politikkikkullu aalajangiinissamut ingerlaarfiit qanimut malinnaavigalugit pisoqarfimmiissaatit.Inuussutissarsiornermi sunniuteqaqataanissamut periarfissat, inuussutissarsiornermut pisortamut naatsorsuutitsituulli amerlapput.

 

Inuussutissarsiortunik suleqateqarnermik misilittagaqassaatit inuussutissarsiornerlu pillugu ilisimasaqarlutit. Suliffeqarfiit pisariaqartitaat taakku sioqqullugit paasisinnaavatit, ujartuisuuvutit attaveqaateqarniarnerlu nukittuffigalugu kiisalu suliffeqarfiit, kommunimi politikerit kommunillu ingerlatsiviani immikkoortortani assigiinngitsorpassuarni suleqatitit peqatigalugit naammassisaqarsinnaallutit.

 

Kommunimi imarsiorneq, takornariaqarneq nerisassiornermik ineriartortitsineq inoqarfinnillu ineriartortitsineq annermik ukkataralugit ataatsimut isigalugu inuussutissarsiornermik ineriartortitsineq akisussaaffigissavat. Annertuumik ataatsimut isiginnissinnaassuseqarputit, assut alapernaasertuullutit piviusumilu ajornakusoorsinnaasartumi aqutsinikkut attuumassutilimmik misilittagaqarlutit. Periarfissat takusinnaavatit aaqqiissutissanillu nassaarsinnaallutit, niuernermik qitiutitsisuullutit, iliuuserisatillu isumaqartikkusuppatit - takutikkumallugillu.

 

 

Pingaartipparput:

 

∙ Aqutsinermik misilittagaqarneq

 

∙ Naammassisaqarnissamik pingaartitsineq aamma inooqataanikkut attaveqarnikkullu piginnaasatigut nukittuffeqarneq

 

∙ Aqutsisoq utaqqiinnartuunngitsoq peqataatitsisumik aqutseriaasilik

 

∙ Attaveqaatinik pilersitsillaqqissoq attassisinnaasorlu

 

∙ Isumaqatiginninniarnermik sungiussisimasoq politikkikkullu ingerlatsiffiusumi sulinermik misilittagalik

 

∙ Attuumassutilimmik ingerlaqqittumik ilinniagaqarsimasoq

 

∙ Ajornanngippat arlalinnik oqaaseqartoq, kalaallisut, danskisut tuluttullu

 

 

Ilinnut neqeroorutigisinnaasavut:

 

∙ Kommunimi ineriartortitsinermik qitiutitsisumi inuussutissarsiornermik ineriartortitsinissamik siunnerfilimmik suliaqarninni pissanganartunik unammilligassaqassaatit

 

∙ Kommunip ineriartorneranik periusissiatigut sunniuteqarnissamut periarfissaqassaatit

 

∙ Suleqatit pitsaasut suliffimmilu avatangiisit nuannersut

 

 

Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Vicekommunaldirektøri Marie Fleischer, oqarasuaat +299 36 70 02 imaluunniit e-mail: mafl@sermersooq.gl

 

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

 

Akissarsiat atorfininnermilu atugassarititaasut:
Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq

 

Atorfinitsitsineq qaammatini pingasuni misiligutitaqassaaq.

 

 

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il il akilerneqartassapput, Kalaallit Nunaanni Namminersorlutik Oqartussat Kommunit il il inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfininnerup kinguninngua sulinermut atatillugu inissamik innersuussisoqarsinnaanngippat utaqqiisaasumik inissiamik neqeroortoqassaaq, qulaanilu taaneqartut naapertorlugit inimut, atuinermut il il akiliisoqartassalluni. Ineqarnermut, matumani atuinermut, il. il. tunngasut pillugit annertunerusumik paasisaqarusukkaanni, paasissutissat uani takuneqarsinnaapput: www.iserit.gl

 

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

 

Qinnuteqaat:
Qinnuteqaatip ilisarnaataata Atorfiup ilisarnaataa 489/22 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani ikkunneqassaaq qinnuteqarnermi.

 

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

 

 

Qinnuteqarnissamut killissarititaasoq: aggustip 11.-at, 2022

Atorfik una qinnuteqarfigiuk