Skip to main content
111

Dette jobopslag er udløbet

Kommuneqarfik Sermersooq aqutsisinnaassuseqarluartumik Vicekommunaldirektørissarsiorpoq / Atorfiup ilisarnaataa 574/19

Allannguerusussuseqarpit illoqarfiullu Nuuk aammalu Kommuneqarfik Sermersuup siunissaannut ikiuukkusuppit? Aqutsinermik misilittagaqarluartuuivit aammalu politikimik suliaqartut ilisimasaqarluarfigaagit? Taamaassimappat pisortatut atorfik pilerinartoq unammilligassaqarfiusorlu ilinnut neqeroorutigaarput.

Atorfik pillugu
Kalaallit Nunaanni kommunit annersaanni Vicekommunaldirektøritut suliassat pissanganartut unammillernartullu, tassungalu ilanngullugit Sulisunut sullissivik, Innuttaasunut sullissivik, Kultureqarnermut Immikkoortortaqarfik, Facility – Kommunip iluani kiffartuussineq aammalu Qinikkanut Allatseqarfik pisortatut akisussaaffigissavatit.

Kommunip qullersaqarfiani suliffeqarfik tamarmiusoq eqqarsaatigalugu aaqqissuussaasumik pingaarnertut aqutsinermik akisussaasumi ilaassaatit. 

Vicekommunaldirektøritut kommunimi ingerlatani pingaarnerni suliniutit pingaarnerit ilaat eqqarsaatigalugit qitiulluinnartumik atuuffeqassaatit. Pingaarnertut suliassatit tassaassapput qinikkanik sullissineq siunnersuinerlu, taamaalilluni taakku politikimik ineriartortitsisinnaaqqullugit, taamaalillutillu aalajangiinissami patajaasumik tunngavissaqarlutik politikikkut aqutsisinnaaqqullugit kiisalu kommunimi atugarissaarnermut iluserititap ineriartorteqqinnissaanik aqutsisuussallutit. 

Kommunaldirektørimut atassuteqassaatit aammalu inuit tallimat toqqaannartumik atassuteqarfigissavatit sulisullu katillugit 100-jut akisussaaffigissallugit. Vicekommunaldirektøri kommunaldirektørimut siunnersuisuuvoq qaninnerpaaq aammalu taanna peqanngitsillugu taartaasarluni.

Illit pillutit

Suliatigut piginnaasatit:

  • Pisortatigoortumik kommunimilu aqutsinermik suliaqarnermik ilisimasaqarluartuuvutit
  • Ineriartortitsinermik aningaasaqarnermillu aqutsinermik suliaqarsimavutit aammalu aningaasaqarnermik annertuumik katitigaasumik aqutsinermik misilittagaqarputit
  • Aqutsinermik naleqquttumik ilinniagaqarlutit aammalu suliffeqarfimmi annertuumik aqutsiviusumi aaqqissuussaasumillu ingerlanneqartumi aqutsinermik misilittagaqarluartuuvutit
  • Politikikkut aqutsisunut siunnersortitut isummanillu avitseqateqarnermik misilittagaqartuuvutit
  • Politikimik suliaqartut ilisimasaqarluarfigaatit aammalu pisunik malussarilluartuuvutit
  • Ingerlatsivinni allaffissornermik ilisimasaqarluartuuvutit

Inuttut piginnaasatit:

  • Suliffeqarfimmi suliassaqarfiit akimorlugit suliat pitsaasumik ingerlanneqarnissaannik malinnaasinnaassuseqarputit sulissutiginnissinnaallutillu – innuttaasup pisariaqartitaat namminerlu iliuuseqarsinnaanerit tunngavigiuarlugit
  • Suliffiup iluani politikikkut aqutsisut, qullersaqatigiit, sulisunut qitiusumik sullissiviit, pisortap suliassaqarfia aammalu qitiusumik soqutigisat pillugit avataani suleqatigisat suleqatiginissaat pisariinnerulersissinnaavat
  • Misissueqqissaarillaqqissuuvutit aammalu nutaanik sungiussiasuullutit
  • Annikitsukkuutaat qaqugukkut pingaaruteqalertarnerat ilisimasaqarfigilluarpat
  • Inuttut nukissaqarluartutut pissusilersortarputit aammalu akimmisaarutinut tunniutiinnartarnak
  • Tatiginartuuvutit, ammasuuvutit attavissarsiortuullutillu, tassungalu ilanngullugu suleqatigiinnermi tatiginartuullutit
  • Ersarissumik anguniagaqallaqqissuuvutit aammalu illit suleqativillu aalajangigaannik naammassinissaannut piumassuseqartuullutit
  • Oqaluinnarnikkut allakkatigullu attaveqarluarsinnaassuseqartuuvutit

Aammattaaq qinnuteqartut Kalaallit Nunaanni pissutsinik (kulturimik eqqarsartariaatsimillu) ilisimasaqartut aammalu kalaallisut oqalussinnaasut imaluunniit kalaallisut oqaatsinik ilinniagaqarusussuseqartut kiisalu Kalaallit Nunaanni inuiaqatigiinni akuusinnaasut salliutinneqassapput.

Kommuneqarfik Sermersooq pillugu
Kommuneqarfik Sermersooq 635.000 km2-it pallillugit isorartussuseqarpoq. Taama isorartutiginermigut nunarsuarmi kommunit annersaraat aammalu Danmarkip aqqaneq marloriaataanik angissuseqarluni

Kommunimi innuttaasut 23.000-it missaanniipput, taakkunanit 18.000-it sinnerlugit Kalaallit Nunaanni illoqarfiit pingaarnersaanni Nuup illoqarfiani najugaqarlutik.

Atorfinitsitsinermi pissutsit
Suleqatissaq ”naleqqulluinnartoq” ujartorparput aammalu ujartukkatsinnut naleqquttumik akissarsiaqartitsinissatsinnut piareersimalluta. Akissarsianut ilaatigut makku ilaapput:

  • Isumaqatigiissutitigut atugassarititaasut malillugit akissarsiatigut atorfinitsinneqarnermilu atugassarititaasut kiisalu pequtit angallanneqarnerat
  • Maleruaqqusat malillugit akilersorneqartussamik inissaqartitsineq
  • Sulinngiffeqarnermi akiliunneqarluni angalasinnaaneq
  • Soraarnerussutisiassat
  • Atorfinikkiartorluni soraarnermilu angalanermut akiliunneqarneq

 

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat
Kommuneqarfik Sermersuumi sulisussarsiortarneq InuitRecruitment ApS-imit isumagineqartarpoq. Atorfik pillugu annertunerusumik paasisaqarusukkuit saaffigisinnaavat Berit Tops, mobil +45 21742322 imaluunniit Inger Louise Østergård, mobil 223842.

Qinnuteqaatip ilisarnaataata Atorfiullu ilisarnaataa 574/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Qinnuteqarfissaq tunniunneqassaaq kingusinnerpaamik: 18. september 2019

Atorfininneq: Efter aftale

Akunnerit suliffiit: Heltid

Suliffik: Nuuk

Paasissutissat allat uani: Gerth Jakobsen

Piniarneqarsinnaapput nittartagaq: Telefon: +299 366085

        +299 487870

Nittartagaq: http://www.sermersooq.gl