Skip to main content
122

Dette jobopslag er udløbet

Kangillinnguit Atuarfiat ilinniartitsisumik pissarsiorpoq / Atorfiup ilisarnaataa 523/21

Kommuneqarfik Sermersooq Kangillinnguit Atuarfiani ilinniartitsisumik pissarsiorpugut, akullerni ilinniartitsisussamik faagini kalaallisut, kalaallisut tapertaralu atuartitsineq, timersorneq, lektiecafe/ilinniagasserititsineq, tuluttut, inuiaqatigiilerineq, upperisalerineq isumalioqqissaarnerlu, kiisalu sumiiffinni toqqakkat.

Kangillinnguit Atuarfiata ilisarnaatigaat: Klassit kammagiiaat, angajoqqaat suleqataalluartut aammalu atuartoq inuttut, inooqataanermigut ilisimasatigullu ineriartortoq. Oqariartaaseraarput Ataatsimoorluta ilikkarsarneq kivissarput. Kangillinnguit Atuarfiani 500 missaani atuartoqarpoq, ilinniartitsisoqarluni katillugit 45-inik.

Kommuneqarfik Sermersooq Kangillinnguit Atuarfianni ilinniartitsisutut nutaanut unammilligassanik piukkooruit, tikilluaqqusaavutit saaffiginninnissamut.

Naatsorsuutigaatsigit:

•                          Ilinniartitsisutut ilinniarsimasuussasutit, assingusumilluunniit.

•                          Ilinniartitsisutut akisussaaffeqartumik attaveqariaaseqassasutit pitsaasumik, peqataalluartuussasutit, kajumissuseqarlutit aallartisaasinnaassasutit, ineriartuutaasumik eqqarsartassasutit, aammalu atuartunut, angajoqqaanut, suleqatinnut aqutsisunullu pitsaasumik suleqateqarsinnaassasutit.

•                          Atuarfiup avatangiisaanut allanngorartumut, ineriartorfiusumut atuartitsinermilu allanngorarfiusumut kajumissuseqarluartuussasutit, suliassanullu assigiinngissitaartunut akisussaaffimmik tigusisinnaasuullutit.

•                          Ilinniartitsisutut suleqatigiiaani tamani atuarfittullu ilivitsutut suleqatigiiffiusumi  ineriartortitseqataallutillu suleqataasinnaanissat.

  •                     Ilinniartitsisutut It atorlugu atuartitsisinnaanissat, Ipad atorlugu app’it assigiinngitsut                

pamersaanikkut ilikkarnartortalinnik atuartitsisinnaanissat.

 Neqeroorfigisinnaavatsigit:

•                          Atuarfiup avatangiisaa ineriartortitsiffiusoq aammalu inuttut piginnaasatigullu ineriartortitsinissamut periarfissarpassualik

•                          Atuarfeqarfimmi atorfik pissanganartoq, perorsaanikkut ineriartortitsineq salliunneqartoq atuarfeqarfiup inatsisitaavata ataani, politikkitigullu qaffasissumik pingaartitsiffiusoq

•                          Atuarfimmi sulisutut nutaatut suleqatinit ikorfartorluarneqarneq

•                          Suleqatigiit piumassusillit siunnerfinnik imminnut isumassarsioqatigiilluartut

•                          Suliat suliassiissutillu pitsaasumik naammassinissaanut sunneeqatigiiffiusoq

  •                      Ilinniartitsisutut suliassanut piginnaanngorsarfiusoq

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat. Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

 

Akissaatinut atorfinitsitaanermullu tunngatillugit atugassarititaasut:

Naalakkersuisut aamma Ilinniartitsisut Meeqqat Atuarfianneersut Kattuffiat (IMAK-ip) akornanni isumaqatigiissut atuuttoq naapertorlugu atorfinitsitsisoqassaaq. Ilinniartitsisunut isumaqatigiissut naapertorlugu atorfineqqaarnermi qaammatini pingasuni misiliisoqassaaq.

Atorfinitsinneqarnikut tjenestemanditut, tjenestemandiuinnarnissartik pigiinnassavaat, sulisut atorfinitsinneqarnermi siuliani isumaqatigiissutit malillugit atorfinitsinneqarnikut isumaqatigiissutit malillugit atorfinitsinneqarsinnaanissartik pigiinnassavaat.

 

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

 

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

 

Qinnuteqaat:
Qinnuteqaatip ilisarnaataata Job nr. 523/21, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

 

Attaveqarfissamut paasissutissat:
Atorfik pillugu apeqqutissaqartoqarpat atuarfiup pisortaa Laila Lyberth uunga (+299) 36 64 24 e-mail: laly@sermersooq.gl, imaluunniit Vivi Heilmann (+299) 36 64 27, E-mail: vivh@sermersooq.gl attavigineqarsinnaapput.

 

 

Imatut qinnuteqaateqassaatit: 
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 24. september 2021
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Skoleinspektør Laila Lyberth
Telefon: +299 366427
Nittartagaq: http://www.sermersooq.gl

Qinnuteqaat nassiutiguk