Skip to main content
91

Dette jobopslag er udløbet

Kangillinnguit Atuarfiani atuarfiup pisortaata tullersortaanik pissarsiorpoq /Atorfiup nr. 599/20

Kangillinnguit Atuarfiat meeqqat atuarfigaat 496 miss. atuartulik, nuummi atuarfiit tallimaasut akornanni atuarfiuvoq. 1.klassimiit 10.klassimut marlunnik aqquteqartumik ingerlasuuvoq, 20-inik nalinginnaasumik atuartunik klasseqarluni saniatigullu pingasunik special klasseqarluni.

Atuarfik alloriarfinnut pingasunut agguarnikuuvoq, Nukarliit 1.-3. klassit, Akulliit 4.-7. klassit kiisalu Angajulliit 8.-10.klassit. Ilinniartitsisoqatigiit 45-inik amerlassuseqarput, taassuma sanitigut atuarfiup pisortaa atuarfiullu tullersortaa ilaallutik.

Kangillinnguit Atuarfiata inissisimaffigaa Nuussuarmi pisoqaanerulaartortaani ineqarfiit akornanni. Atuartut kalaallisuinnaq, qallunaatuinnaq kiisalu marlugiinnik oqaaseqartuupput.

Kangillinnguit Atuarfiat ineriartortuummat atuarfiup pisortaataa tullersortaanik allaffissorluarsinnaasumik, agguataarisinnaalluartumik, aaqqissuusseqqissaarsinnaasumik, atuarfiup aningaasaqarneranik aqutsisinnaasumik ineriartornermullu tunngaviliilluartuusussamik pissarsiorpugut.

Kangillinnguit Atuarfiata ilisarnaatigaat: Klassit kammagiiaat, angajoqqaat suleqataalluartut aammalu atuartoq inuttut, inooqataanermigut ilisimasatigullu ineriartortoq. Oqariartaaseraarput Ataatsimoorluta Ilinniarneq Kivissarput. Kangillinnguit Atuarfiani 496 missaani atuartoqarpoq, sulisoqarlunilu katillugu 50-inik.

Atuarfiup pisortaatut tullersortip suliassaasa ilagaat, vikarskemaliorneq, skemalersuineq, vikarit aamma sulisut allat akissarsiassaanik suliaqarneq, sap.akunneranut /semesterikkaartumik/ukiumoortumik  pilersaarusiat nakkutiginissai immikkoortuni aqutsisut peqatigalugit, elevrådenut attaveqarneq, trintestinik ingerlatsineq, terminsprøver aamma naggataarutaasumik misilitsinnerit akisussaaffiginissai, tammaarsimaarnermik aaqqissuussineq, atuartitsissutissanik pisiniarneq/allatsitsineq, atuarfimmi sulisut allat, tassa asaasut, allaffimmioq aamma pedellit attaviginissaat, sikkerhedsudvalg, skoleintramut akisussaasuuneq, ulluinnarnilu atuartut ilinniartitsisullu sullinnissaat, atuarfiup pisortaa peqatigilluinnarlugu.

 Atuarfiup pisortaata tullersortaa ukuninnga piginnaasalik kissaatigaarput:

  • Namminersorluarsinnaasoq allaffissornermi aqutsinermi, pamersaanermi aqutsinermi sulisoqarnermilu aqutsinermi akisussaaffeqarusussuseqartoq.
  • Ilinniartitsisutut ilinniagaqarsimaneq
  • Atuarfimmi pamersaanermi aqqissuussaanermilu ineriartortitseqataarusuttoq, takorluugaqarnikkut, nutaaliornikkut qanorlu iliuuseqarsinnaassuseqarnikkut. Takorluuisinnaasoq iliuuseqarsinnaasorlu.
  • Atuartut angajoqqaallu atuarfimmi pimoorussinerannik atuartullu atuarnerannik akisussaanerannik ineriartortitseqataasoq
  • Suleqatigiinnermi kikkut tamarmik naligiinnerat aallaavigalugu atuartut, angajoqqaat ilinniartitsisullu ammasuunissaannik suliniuteqartoq suleqataatitsisorlu.
  • Meeqqat atuarfiat pillugu inatsimmik, malittarisassanik isumaqatigiissutinillu ilisimasaqartoq
  • Officemi programminik nalinginnaanerpaanik atuinermik sungiussisimasoq, programmillu TRIO-mik TEA-mik Tabublex SkoleIntra-millu atuilluarsinnaasoq.
  • Atuakkanik ilinniutinillu pitsaasumik aqutsisinnaasoq, ilinniutinik atortussanillu pisiortorluarsinnaanissaq, taakkuninngalu agguaasinnaasoq aaqqissuisinnaasorlu
  • Marlunnik oqaasilik (kalaallisut/danskisut)
  • Kangillinnguit Atuarfiata ingeriartorluarnissaanut tunniussisinnaalluarnissaq, tunngaviliilluaqataasinnaasorlu.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, IMAK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinitsinneqarnikut tjenestemanditut, tjenestemandiuinnarnissartik pigiinnassavaat, sulisut atorfinitsinneqarnermi siuliani isumaqatigiissutit malillugit atorfinitsinneqarnikut isumaqatigiissutit malillugit atorfinitsinneqarsinnaanissartik pigiinnassavaat.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 599/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 01. december 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Skoleinspektør Laila Lyberth
Telefon: +299 366427
Nittartagaq: http://www.sermersooq.gl
Qinnuteqaat nassiutiguk