Skip to main content
92

Dette jobopslag er udløbet

Kalaallit Nunaanni kommunit annersaanni naatsorsuuserinermi pisortaq - Allagarsiussap nr.-a 52/21

Kommuneqarfik Sermersuup naatsorsuutinut aningaasanullu aqutsineranut aqqutissiuusseqataarusuppit?

Aningaasaqarnermut pisortamut attaveqarlutit naatsorsuutinut tamanut akisussaasunngussaatit kommunimilu naatsorsuuserivimmi suliassat ilanngullugit (akiitsuleriffimmi, akiligassaleriffimmi naatsorsuuserivimmilu).

Atorfik:
Kommunimi anguniagaqarluartumi atorfik qitiusumi inissisimasoq ilinnut neqeroorutigineqarpoq inuppalaarfiusoq, suliatigut ineriartornissannut periarfissaqarluarfiusoq, inuttut aammalu kommunip ineriartoqqinnissaanut sunniuteqaqataanissaq eqqarsaatigalugu.

Ulluinnarni sulisunut 15-inut pikkorissunut tunniusimasunullu aamma immikkoortumi aqutsisunut suleqatiginissannut qilanaartunut pisortanngussaatit.

Maanna Kommuneqarfik Sermersooq pissanganarluinnartumik aqqusaagaqalerpoq, matumani naatsorsuuserineq aningaasaqarnermillu aqutsineq ineriartortinneqaleruttorpoq. Taamaattumik assigiinngitsorpassuarnik suliassaqarfiusumi atorfinitsinneqassaatit. Suliassat tassaasarput ukiumoortumik naatsorsuutinik suliaqarnermiit pisortani ataatsimoorussamik ERP-mik Microsoft Dynamics AX-imik atortumik nutaamik pitsanngorsaanermut ineriartortitsinermullu, taannalu maanna atuutilersinniarlugu ingerlatileruttorparput.

Aamma suliassarissavatit patajaallisaaneq qaammatikkuutaartumillu naatsorsuutinik inaarsineq, missingersuusiornerni peqataaneq suliffimmilu allaffissornermi takkussuuttunik aalajangersimasunillu suliaqarneq. Taavalu kommunip iluani avataanullu assigiinngitsunik attaveqaqateqartassaatit.

Ilinnut tunngasut:
Suliffinni qanoq iluatsitsilluartiginissannut tunngatillugu pingaartumik piginnaasatit kiisalu aqutserusussutsit kaammattuerusussutsillu apeqqutaalluinnassapput, tamatuma saniatigut suliffeqarfiup inummik ammasumik ajunngitsumillu eqqarsartaasilimmik inoqatit naligalugit ataqqillugillu naapitsisinnaasumik pissarsisimallutik misigisimassapput.

Ukiorpassuarni aningaasaqarnermik naatsorsuutinik nakkutilliinermik naatsorsuuserinermillu misilittagaqarputit, ajornanngippat pisortat suliffeqarfiutaanni, taamaasilluni naatsorsuuserinermut atortussatit pigereerniassagakkit.

Ullumikkut immaqa naatsorsuuserinermi pisortatut atorfeqarputit, naatsorsuuserinermi aningaasaqarnikkut nakkutilliisuusinnaavutit (finansiel controller) kukkunersiuisuusinnaallutilluunniit siullerpaamillu aqutsisutut atorfeqalernissat takorloortarlugu. Qanorluunniit qarasaasiamik atuillaqqissuuvutit atorfimmullu naleqquttumik ilinniagaqartuullutit.

Kommuneqarfik Sermersooq pillugu:
Kommuneqarfik Sermersooq Kalaallit Nunaanni kommunit annersaraat, suliffeqarfillu annerpaartaat ilagalugu 2.300-t miss. sulisoqarluni, ukiumullu missingersuutaasartut 2 mia. koruunit ingerlatsinermut missingersuutaasarput. Innuttaasut 23.000-ingajaapput, taakkunanngalu 18.000-ingajaat Nuummi najugaqarlutillu sulisarput. Nuuk Kalaallit Nunaanni illoqarfiit pingaarnersaraat uummaarissoq issittumilu inissisimalluni kusanarluinnartumi, sukkasuumik ineriartorfiuvoq tassanilu ulluinnarni, illoqarfiup qeqqani, sulisassaatit. Tamatuma sanitigut kommunimi assigiinngitsuni inissisimasunik najugaqarfeqarpoq, taakkunanilu Tasiilaq, Paamiut aamma  Ittoqqortoormiit annersaraat. Ataatsimut isigalugu kommune Spaniamit anneruvoq, 531.900 km2.-imillu annertussuseqarluni. Illoqarfiullu angissusaa pissutigalugu Nuuk illoqarfiit pingaarnersaattut allatut sammisassanik kulturimullu tunngassuteqartunik neqeroorutinik peqarpoq, illoqarfiullu eqqaraalannguani nunarsuarmi pinngortitaq kusanassutsimigut nalissaqanngitsoq, ilinnit takornariarfigineqariaannaasoq, weekendini orneriaannaassavat.

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Ineqarneq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput. 

Qinnuteqaat:
Qinnuteqaatip ilisarnaataata Job nr. 23/21, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.


Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.

Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 15. februar 2021
Atorfininneq: 1. marts 2021
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Økonomichef Niels Poulsen
Telefon: +299 367011
Mobil: +299 245783
Nittartagaq: http://www.sermersooq.gl
Qinnuteqaat nassiutiguk