Skip to main content
81

Dette jobopslag er udløbet

Ivaaq siusinaartumik iliuuseqarfik Katsorsaasunik aqutsisumik pissarsiorpoq / Atorfiup nr. 396/20

Kommuneqarfik Sermersooq tarnit pissusaannik immikkut ilisimasalimmik, ilaqutariinnik katsorsaasumik imaluunniit assigisaanik ilinniagalik siusinaartumik iliuuseqafimmi Ivaaq-mi pissarsiorpoq.
Kommuneqarfik Sermersooq-mi Meeqqanut, Ilaqutariinnut Ingerlatsivik Nuummi Ivaami katsorsaasut aqutsisussaannik pissarsiorpoq. Katsorsaasut aqutsisuata naartusut inuusuttut, ilaqutariit naalugiasuutilinnik sullississaaq. Katsorsaasunik aqutsisoq Nuummi Meeqqanut Ilaqutariinnullu Sullissivimmut Meeqqanut Ilaqutariinnullu immikkoortortap ataani pitsaaliuinermut inissinneqassaaq.
Siusinaatumik iliuuseqarfimi Ivaami aallaaveqassaatit suliatigullu inissisimassallutit. Tassani, katsorsaasunut aqutsisoq kisiat pinnagu, ilaqutariinnut siunnersortit attuumassuteqassapput, tamakkulu suliatigut aqutsisuuffigalugillu ataqatigiissaarisuuffigissavatit.
Katsorsaasunut aqutsisutut Meeqqanut Ilaqutariinnullu Sullissiviup (BFC) immikkoortortaani aqutsisumik qullersaqassaatit. BFC-mi aqutsisoqatigiinnut ilanngutissaatit, taakku, immikkoortortami aqutsisoq illillu saniatigut, katsorsaasunut aqutsisut allat pingasuupput.
Nuummi Meeqqanut Ilaqutariinnullu Sullissivik ilaqutariinnik tarnikkut isumaginninnikkullu ajornartorsiuteqartunut ilaqutariinnik katsorsaanermik isumaginninnermilu perorsaanermut tunngatillugu iliuusissanut akisussaasuuvoq. Kommuneqarfik Sermersooq-mi meeqqat sumiginnarneqartarnerisa pinaveersaartinnissaat suliassatta pingaarnerpaartaraa. Ilaqutariit tamakkiisumik peqataatillugit, nukissaqarneri aallaavigalugit ilaqutariillu iluanni avataanilu periarfissaat tunngavigalugit ataqatigiissaaraluta sulisarpugut. Ivaaq immikkut siusinaatumik iliuuseqanikkut katsorsaaviuvoq, tassanilu ilaqutariit meeqqat pitsaasumik atugaqarnissaat qitiutillugu nutaamik inuuneqalernissaminnut periarfissaqalissapput.
Nuummi Ivaami katsorsaasunut aqutsisutut suliffimmut ingerlalluartumut akuliutissaatit, tassanilu sulisut atugaqarnerat suliatigullu ineriartornissat pingaartinneqartorujussuupput. Tamanna ilutigalugu katsorsaaviup sunniuteqarfiginissaanut periarfissaqassaatit aammalu meeqqanut ilaqutariinnullu atugarliortunut allannguillutit.
Piaartumik isumaqatigiissuteqarnikkulluunniit atorfik inuttalerneqassaaq. 

Akisussaaffeqarfiit:

  • Oqaloqatigiinnernut, katsorsaanernut isumaginninnermilu perorsaanikkut suliniutinut Nuummi Ivaami siumoortumik tulleriiaarneqartunut sullissinerit akisussaaffigissavatit.
  • Immikkoortortami aqutsisoq katsorsaaqatigiillu allat suleqatigalugit katsorsaanikkut aamma isumaginninnermi perorsaanikkut suliassaqarfimmi sulisunik suliatigut ineriartortitsinerit qulakkeerneqassapput.
  • Ulluinnarni katsorsaanernik suliat ataqatigiissaarlugit agguaallugillu aamma ulluinnarni sullitat siumoortumik tulleriaarneqarsimasut pillugit suleqatit allat ikorfartorlugit.
  • Ivaami suliat ingerlanneqartut pitsaassusii qulakkeerlugit, tassunga ilanngullugit journalinik sullitarineqartullu allattorsimaffiinik nutarterinerit.
  • Innuttaasunik siumoortumik tulleriiaarneqarsimasunik katsorsaanernik sullitat ataasiakkaanik oqaloqatigiinnertut, aappariinnik oqaloqatigiinnertut, ilaqutariinnik oqaloqateqarnertut aamma ataatsimoortunik oqaloqatigiittarnertut ittunik suliaqarnerit.
  • Immikkoortortami aqutsisoq fagchefilu suleqatigalugit meeqqanik ilaqutariinnillu suliassaqarfimmi suliniutinik nutaajusinnaasunik aqutsinerit.

Ilinnut tunngasut
Matuma ataani allassimasut amerlanersaat ilinnut eqqortuussasut naatsorsuutigaarput:

  • Katsorsaanermut attuumassuteqartumik ilinniagaqarputit, soorlu tarnit pissusaannik immikkut ilisimasalittut ilaqutariinnilluunniit katsorsaasutut.
  • Ilaqutariinnik ataatsimoortumik katsorsaanernik misilittagaqarluartuuvutit, ajornanngippat nunatsinni siusinaartumik iliuuseqarfinni
  • Inuttut suliatigullu piginnaaneqarluarputit sunniuteqarsinnaassuseqarluarlutillu
  • Suliassanik aaqqissuussillaqissuuvutit, ataqatigiissaarillaqqissuullutit ingerlatitseqqillaqqittuullutillu
  • Allattariarsornikkut oqaaseqatigiiliullaqqipputit
  • Inunnut pitsaasumik isiginnittaaseqarputit, suut atorsinnaasut qitiutinnissaannut piumassuseqarputit
  • Inunnik amerlasuunik oqaloqateqarnissamut piumassuseqarputit piginnaaneqarlutillu, sumiiffigisaanni naapillugit aamma allannguiniarneranni ikiorlugit
  • Ammasuuvutit inussiarnersuullutillu.
  • Suliffeqarfimmi ineriartortuartumi sulinissamik kajumissuseqarputit.
  • Marluinnik oqaasillit (kalaallit danskisullu) ornigineqarnerupput.
  • Suliniutinik aqutsisuusimaneq iluaqutaassaaq.

 Neqeroorutigisinnaavavut:
Suliffik soqutiginartoq unammillernartunik suliassartarpassualik.

  • Suliffik sulisut atugarissaarfigissaat
  • Suleqatit pitsaasut
  • Siunersioqatigiinneq
  • Suliatigut inuttullu ineriartornissamut periarfissat pitsaasut.
  • Namminersorluni sulineq

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq SIK-p imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Piffissaq suliffiusartussaq tassaavoq sap.ak. akunnerit 40-t

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip
Qinnuteqaatip ilisarnaataata Atorfiup nr. 396/20 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 19. august 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Ellen Magnussen
Telefon: +299 367331
Mobil: +299 497979
Nittartagaq: http://www.sermersooq.gl
Qinnuteqaat nassiutiguk