Skip to main content
91

Dette jobopslag er udløbet

Isumaginninnermut Suliffeqarnermullu Ingerlatsivik / Atorfiup ilisarnaataa 635/21

Inuit sullikkusuppigit?

Qinngutsinni Najugaqatigiiffik 2 peqqinissammut ikiortinik pissarsiorpoq.

Inunnut innarluutilinnut tarnimikkullu nappaatilinnut immikkoortortaqarfiup iluani sulinissat, aamma ineriartortitsinermut sunneeqataanissat periarfissaqarfigalugu nammineersinnaassuseqarlutit sulinissat nuannaraajuk, taava immaqa Nuup immikkoortoqarfiani Inunnut innarluutilinnut aamma Tarnimikkut nappaatilinnut Immikkoortortaqarfiup ataani Qinngutsinni Najugaqatigiiffimmi peqqinnissamut ikiortinik ilinnut tulluartuussaaq.

Qinngutsinni Najugaqatigiiffik innuttaasunik annertuumik tarnimikkut nappaatilinnut immikkullu annertuumik tarnikkut, timikkut inuttullu attaveqarnerminnik ikorfartorneqarnissamik pitsanngortitsinissamut ineriartortitsinissamullu pisariaqartitsisunik sullissiviuvoq. Ikorfartuinermi tassani innuttaasup kinaassutsiminik, imminut naleqartinnermik aamma inuunermik nuannarisaqarneranik attassiinnarnissaa ineriartortitsinissaalu, kiisalu inooqatigiinnermi pitsaasumik inooqataasinnaaneranut, attaveqaqateqarsinnaaneranut tapersersuineq taamatullu nammineq inuunerminik annerpaamik oqartussaaqataanermik misigisimanissaa pingaartinneqarpoq.

Peqqinnissamut ikortitut innuttaasumut attaveqaataassaatit, aamma innuttaasup ikorfartornissaanut ingiallortaanissamullu akisussaaffeqassaatit. Attaveqaatitut suleqatigissavatit ilaqutaasut, peqqinnissaqarfik, nunap immikkoortuani tarnimikkut nappaatillit nakorsaat, timimik sungiusaasut pillorissaasullu, pinerluttunik isumaginnittoqarfik aammalu innutaasup sullissisua.(sagsbehandler) Najugaqatigiiffik ulloq unnuarlu suliffiummat ullukkoortarnissaq, unnukkoortarnissaq unnuarsiortarnissarlu, weekendillu allorlugit weekendini sulisarnissaq naatsorsuutigineqassaaq.

 Illit ilaatigut makku suliarisassavatit:

  • Innuttaasup timikkut, tarnikkut isumaginninnikkullu pisariaqartitaanik isumaginneqataanissaq.
  • Kommunimi iliuusissatut pilersaarut aallaavigalugu suliassaqarfiit allat suleqatigalugit innuttaasumut tapersersuineq.
  • Innuttaasup katsorsartinneranut pilersaarutit ataavartuunissaat qulakkiissallugit, matumani perorsaanermi iliuusissamik pilersaarut, killiffimmut nalunaarutit aamma piginnaasanut nassuiaatit ilanngullugit.
  • Iisartakannik immeriikanik  tunniusinneq
  • Innuttaasumik nakkutiginninneq, paasisanillu katsorsaasutut akisussaasunut attuumassuteqartunut ingerlatitseqqiineq.
  • Nakorsiarnermut ataatsimiigiarnernut assigisaanullu innuttaasumik peqatiginninneq.
  • Isumassuisuullutit ilakkuminartuullutillu, innuttaasup eqeersimaartuunissaanut peqataanissaanullu tapersersuisinnaassasutit.

Naatsorsuutigaarput:

  • Peqqinnissamut ikiortit ilinniarsimasuusutit
  • Innarluutilinnut tarnikkut nappaatilinnullu tunngasut iluani sulinermik misilittagaqartutit, perorsaanikkut iliuusissanik pilersaarusiornermut aammalu avatangiisit tunngavigalugit katsorsaanermik suleriaaseqarnermik ilisimasaqartutit
  • Suleqateqarsinnaassuseqarluartutit, nammineersinnaassuseqarlutit ajornartorsiutinillu aaqqiisinnaassuseqartutit kiisalu assigiinngitsunik suliallit suleqatigalugit sulisinnaassuseqartutit
  • Tamakkiisumik isiginnissinnaassuseqartutit, aammalu suliassanik pingaarnersiuillutit suliarinnissinnaasutit
  • Ilisimasanik avitseqatigiinnissamut, ineriartortitsinissamut aallartitsisinnaassuseqartutit nutaamillu eqqarsarsinnaassuseqarlutit
  • Isumalluartuusutit nuannaartuusutillu
  • Aalajaatsuusutit tatitullutillu
  • Suliatigut pikkorissoq suliaminillu aaqqiiniarnermikkut akisussaassusilik.
  • Innuttaasut ataasiakkaat inuunerat qitiutillugu.

Neqeroorutigaavut

  • Suleqatit pimoorussisut pikkorissullu
  • Ilisarititsilluarneq
  • Tatiginninneq
  • Akisussaaneq
  • Sunniuteqaqataaneq
  • Pisariaqartitat malillugit illumi ilinniartitsineq sungiusarnerlu.
  • Ataqatigiinneq / illumi suleqatigiinneq
  • Suliffeqarfinnik allanik kommunimit, peqqinnissaqarfimmiit il.il. suleqateqarneq.
  • Suliffik qiimasunik inussiarnersunillu ineqartulik
  • Suliffik unammillernartulik, suliallu aallaavigalugit sunniuteqarnissamut periarfissaqarneq.

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, SIK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissiamik atugassiisoqanngilaq.

Qinnuteqaatip:
Qinnuteqaatip ilisarnaataata Atorfiup ilisarnaataa 635/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 04. november 2021
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Julianne Frederiksen
Telefon: +299 367236
Mobil: +299 548934
Nittartagaq: http://www.sermersooq.gl
Qinnuteqaat nassiutiguk