Skip to main content
138

Dette jobopslag er udløbet

Isertoq-mi inunnik kiffartuussivimmut allaffimmi ikiortissarsiorput

Isertumi allaffimmi ikiortimik atorfik 1. juli 2022 imaluunniit isumaqatigiissuteqarnikkut sulilersussamik inuttassarsiuunneqarpoq. 

 

Isertumi allaffimmi ikiortimik kommunip innuttaasunik kiffartuussivianut atavoq ulluinnarni Tasiilami Inuuttaasut kiffartuussiviata ataani inissisimalluni. Sulineq ataasinngornermiit tallimanngornermut nal. 08:00-niit, 15:00 tungaanut ingerlasarpoq eqqiaaneq ilanngullugu.

 

Allaffimmi sulisup akisussaaffigai:

  • Ulluinnarni immikkoortortamik sullissineq
  • Innuttaasut saaffiginnissutaasa suliarineqarnernerannik qulakkeerinninneq aamma ingerlatsiviit allat saaffiginnissutaannik taamatullu Nunaqarfimmi aqutsisunik kiffartuussineq
  • Inunnut ikiorsiissutinik suliaqarneq nassiussuinerlu
  • Tiiminik nalunaarsukkanik naatsorsuineq nassiussuinerlu
  • Toqqortigassanik suliaqarneq
  • Innuttaasut Sullissivik aqqutigalugu nammineq iliuuseqarnerannut ikiuunneq
  • Paasissutissanik ingerlatitseqqinneq (allagarsiussanik nivinngaaneq il.il)
  • Iserimut qinnuteqaatit aamma nassiussuinerit.
  • Meeqqanik Ilaqutariinnullu Siunnersuisarfimmik suleqateqarneq.
  • Qinnuteqaatit assigiinngitsut taakkualu suliarineqarnerat kiisalu nassiunneqartarnerat
  • Innuttaasut pillugit suliassat allat.
  • Suliassat takkussuuttut allat

 

Naatsorsuutigaarput Illit:

  • Namminersorlutit sulisinnaasutit tamatigoortuussutillu
  • Peqqissaartuussuutit
  • Suleqatikkuminartuussuutit qiimasuussutit

 

Annertunerusumik paasisaqarusukkuit:
Immikkoortortami aqutsisoq Karen Mølgaard, tlf.: +299367711, e-mail.: km@sermersooq.gl.

 

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

 

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

 

Atorfinititsineq qaammatini pingasuni misiliutitaqassaaq.

 

Inissaq:
Atorfininnermut atatillugu inissiamik innersuussisoqarsinnaanngilaq.

 

Qinnuteqaat:
Qinnuteqaatip ilisarnaataata Atorfiup ilisarnaataa 362/22 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani ikkunneqassaaq qinnuteqarnermi.

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

MALIGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

”Kommuneqarfik Sermersooq periuseq ”Sermersuaq Ikaarlugu – Siunissaq Ataatsimoorullugu” aallaavigilluinnarlugu suleriuseqarpoq, qularnaarniarlugu suliffeqarfik ingerlalluartoq, aningaasarsiorneq nukittooq innuttaasunut sullissineq pitsaanerusumik akikinnerusumik sunniuteqarluarnerusumillu ingerlasinnaajumallugu. Suliatsinnut atatillugu sinaakkutissat politikkikkut anguniakkanit isumaqatigiissutigineqarsimasunik aallaaveqarput ”Inuk tamarmiusoq ataatsimooqatigiiffimmi pisussaaffiusumi, nammaqatigiiffiusumi nutaaliorfiusumilu”

Qinnuteqarnissamut killissarititaasoq: juunip 15.-at, 2022

Atorfik una qinnuteqarfigiuk