Skip to main content
102

Dette jobopslag er udløbet

Ippiarsuk Sammisassaqartitsiviutigaluni paaqqutarinnittarfiup immikkoortortaa Pingasunnik Peqqinnissamut assistentimik pissarsiorpoq / Atorfiup ilisarnaataa 577/20

Ippiarsuk Sammisassaqartitsiviutigaluni paaqqutarinnittarfik Peqqinnissamut assistentimik pissarsiorpoq.

Suliffik ulloq naallugu suliffiuvoq sapaatip akunneranut 40 tiimini, ullukkut/unnukkut aammalu unnuarsiornerni kiisalu sapaatit akunnerisa naaneri allortalugit vagtiusarluni.

Neriuutigaarput ineriartortsitsineq peqataaffigerusussagit aammalu Ippiarsummik suleqateqarnerup aallunneqarnissaanut kajumissuseqartuussasutit. Suleqatit pitsaasut pimoorussisullu atorfissaqartippagut, utoqqarnik ilaqutaasunillu ataatsimoorluni suleqateqarluarnissamut kajumissuseqartut.

Paaqqutarinnittarfiup ”Kammiut”-ip, 10-nik inissaqartitsisup saniatigut ”Tikitaq” puigortunngorsimasunut 10-nut inissalik immikkoortortaraarput aammalu immikkoortortaq ”Arriitsut” 12-inut inissalik immikkoortortaralutigu. Aamma inuusunnerusunut innarluutilinnut immikkoortortaqarfeqarpugut, qitiusumillu ataatsimoorussaqarfeqarpugut ulluunerani paaqqutarinniffimmut orniguttarfilik/qitiusoqarfilik/Cafeterialik/errorsisarfilik allaffeqarfittalillu. Inuusunnerusunut immikkoortortaqarfik aqunneqarnermigut allamut atavoq, taamaakkaluartoq illoqatigiinnerput peqqutigalugu ataatsimoorfeqarpugut, Ippiarsuk Sammisassaqartitsiviutigaluni paaqqutarinnittarfik pinngortitarsuarmi avatagiiserissaarluni inissisimavoq, bussinullu qanittuaqqami inissisimalluni.

Paaqqutarinnittarfimmi sungiusarneq, sammisaqarneq atuisunik ataatsimooqateqarneq atuisunut avataaneersunut aammalu najugalinnut periarfissaapput.

Ippiarsuk ineriartornerup nalaani inissisimavoq, kissaatigaarpullu ukkatarissallugit suliffimmi nuannaarneq, aalajaanneq immikkoortortallu akimorlugit ataqatigiilluarneq, isumaqaratta qulequttat pineqartut ineqartunut toqqaannartumik sunniuteqartut. Taamaattumik kissaatigaarput susassaqaqatigiittut qanimut suleqatigiinneq, nutaaliorneq avatagiisitigullu ineriartuutaasumik najugaqartunut iluaqutaasumik sulineq ingerlanneqassasoq.

Ukioq manna aamma Kommuni immikkoortumut pilersaarummik nutaamik, utoqqarnut tunngasuni tamani, suliniuteqarfissanik qulingiluanik imaqartumik akuersissuteqarnikuuvoq. Immikkoortumut pilersaarutip timitaliiffigineqarnissaa suliniutigineqaleruttorpoq, taamaattumik suleqatigiinni pitsaasuni ineriartorfiusumik avatagiiseqarnissat takorloorsinnaagukku tusarfiginissat qilanaaraarput.

Paaqqutarinninnermik isumassuinertalimmik kiisalu paaqqutarinninnerup ineriartortuarnissaanik salliutitsisoqarfiusumi suleqatigiit iluamik ingerlasut peqatigalugit utoqqarnik najugaqartunik suleqateqartussanik Peqqinnissamut assistentinik suleqatissatsinnik pissarsiorpugut. Utoqqarnik sullissinermi, ilaatigut aamma puigortunngorsimasunik ilalinnik, sullissinermi paasinnissinnaaneq naammagittarsinnaaneq piumasaqaataasut ilagaat aammalu timikkut tarnikkullu nukittunissaq pisariaqarluni, taamaattumik suleqatinik tamakkunatigut misilittagalinnik soqutiginnilluinnartunik immikkorluinnarlu sulerususseqartunik atorfissaqartitsivugut.

Naatsorsuutigaarput:

  • Peqqissaanermut assistentitut assigisaanilluunnii ilinniagaqarsimasutit.
  • Ilinniakkat akimorlugit suleqatigiinnermut piginnaasaqarluartuunissat ajornanngippallu peqqinnissamut tunngasutigut.
  • Puigortunngornermut tunngasutigut misilittagaqarluartuunissat.
  • Akisussaassuseqartutit.
  • Pigaartuusarnerit nikerartut peqataaffigisarsinnaagitit.
  • Marluinnik oqaaseqartuunissat orniginartoq, pingaarnerpaanngitsorli.
  • Oqartussaasoqarfinnut assigiinngitsunik sulialiannut suleqateqarluarsinnaasutit.
  • Sungiussiasuusutit akuersaartuullutillu.
  • Utoqqarnik sullissinissamut kajumiisuseqartuullutillu soqutiginnittuusutit. Paaqqutarinninnerup/peqqissaanerup inerisarnissaanut uppernarsaasiornermullu suleqataarusussuseqarnissat.
  • Ilinniartitsinermi peqataarusunnissat, ilinniartunullu sulinermik sungiusaasuunissat.
  • Avatangiisinik pitsaasunik, isumassarsiullaqqissutsimik, isumassarsititsisinnaanermik inerisarfiusunillu pilersitseqataanissat.

Neqoroorutigaagut:

  • Illumut, suleqatinut atorfillu pillugit pitsaasumik paasissutissinneqarnissaq
  • Puigortunngorsimasut pillugit sulianik nammineerlutit ingerlatsisinnaanerit pillugu tatigineqarneq
  • Piginnaasatit aallaavigalugit akisussaaffilerneqarneq
  • Ilinniakkat akimorlugit sulisinnaaneq aammalu ineqartut sulisulluu peqatigalugit suliassat misigisassallu pissanganartut
  • Suliffeqarfimmi ataqqinninneq, akisussaaqataaneq, ilikkagassanullu tunngasut qitiutinneqartut

Paasisaqarnerorusukkuit Tullersorti Jonna Mathiassen oqarasuaat 36 61 68 attaviginissaanut tikilluaqqusaavutit.

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq PPK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip
Qinnuteqaatip ilisarnaataata Atorfiup nr. 577/20 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 27. november 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Leder Aka Motzfeldt
Telefon: +299 366174
Nittartagaq: http://www.sermersooq.gl
Qinnuteqaat nassiutiguk