Skip to main content
98

Dette jobopslag er udløbet

Ippiarsuk Paaqqutarinninnermut immikkoortortaq Kamiiutikkunni suleqatigiiaanik ataqatigiissaarisussarsiorpoq / Atorfiup ilisarnaataa 601/20

Utoqqaat sullikkusuppigit, qanimut qanigisaat oqaloqatigisarlugit?  Peqqissutsimut tunngasumik ilinniagaqarpit? Inuttut nukissaqarluarlutit nuannaartuuit assigiinngitsunik suliaqarsinnaasoq, taamaappat Ippiarsummi suleqatigiinnut ataqatigiissaarisutut atorfik pileriviuk?
Ippiarsuk paaqqutarinniffiuvoq sammisassaqartitsiviusoq pingasunik immikkoortortalik sammisaqartitsinermullu immikkoortortaqarluni. Immikkoortortat tamarmik suleqatigiiaanik ataqatigiissaarisumit aqunneqarput.

TIKITAQ-mi” puigortunngortunut inissat 10-upput.

ARRIITSUT Immikkut paaqutarineqartut 65-it sinnerlugu ukiullit inaani, inissat 12-pput.

KAMMIUT  Innarluutillit 65 ataallugit ukiullinnut inissat 12-pput.

Kiisamilu immikkut centereqarpoq sammisassaqartitsivittalik, tassanilu atuisinnaasut utoqqaat silataaneersut 28-upput. “tassa imaappoq ineqartut ilanngullugit sammisassaqartitsivimmiissinnaapput utoqqaat 50-it.”

cafeteriaqarpoq igaffilimmik, errorsisarfik, allaffillu. Utoqqarnut Isumassuiffik IPPIARSUK, inissisimavoq pinngortitamut kusanartumik qanittumi kangerlummullu isikkivigittumi. bussernissamullu aqqutissanik periarfissagittuulluni.

Centerimi sammissaqartitsinerup saniatigut pillorissarluni sungiusarnermik periarfissaqarpoq atortussaqarlunilu, inoqatit akornannilu sammisassaqatigiittoqarsinnaalluni.

Atorfimmi suliassat:

Immikkoortortami Arriitsumi sulisunik aqutsineq akisussaaffigissavat. Ippiarsummi aqutsisoq/aqutsisup tullia qaninnertut qullersarissavat, aamma igaffimmi, suleqatigiiaanik ataqatigiissaarisut, pedelini il. il. aqutsisuni ataatsimut aqutsisutut suleqatigiinni peqataassaatit.

Attaveqaateqarluta, ammasumik attaveqaqatigiilluta, inuunermi oqaluttuaqarluta, ulloq unnuarlu pilersaaruteqarluta il. il. suliniuteqarfitta annertuut ilagivaat. Maanna angorusupparput suliniutit atuutilersinneqassasut, aamma ilaqutaasut malugissagaat illumullu pigaangamik nuannernerusumik misigisassasut.

Taamaattumik suleqatigiiaanik ataqatigiissaarisumik pissarsiorpugut sulisunut kaammattuisinnaasumik ineriartortitsisinnaasumillu, pisunullu nutaamik ineriartortitsisinnaasumik. Tamatumunnga peqatigitillugu suleqatigiiaanik ataqatigiissaarisup sullissinissamut pilersaarutip isumaqatigiissutit naapertorlugit suliarisimanissaa kiisalu qaammamut tiimimullu akissarsiallit malinnaaffiginissaat eqqortumillu akissarsiaqartinnissaat isumagissavai. Tamatumunnga peqatigitillugu ineqartut ilaqutaasullu pisariaqartitaannik ataatsimut isiginnissinnasumik. Tulliatut neriuutigaarputtaaq ersarissuusutit aalajaatsuullutillu, ammasumillu ataqatigiinnernik salliutitsisutit.

Kissaatigaarput suleqatigiiaannik ataqatigiissaarisoq:

  • Aqutsinikkut misilittagaqarluartoq - utoqqarnik sullissinermik misilittagaqarsinnaasoq
  • Sulisunut tamanut maligassiuilluarsinnaasoq
  • Aqutsinermik nammassinnilluni, suliakkiilluni ammasumillu suleriuseqartoq
  • Aqutsisoqatigiinni ineriartortitsinermut akuusoq
  • Sungiussiasooq, piumassusilik "akimmiffissanit periarfissat takusinnaanerullugit" inissisimasoq
  • suleqatinik ilinniartunilluunniit siunnersuineq piginnaasanillu ineriartortitsineq misilittagaqarfigigukku iluaqutaassaaq
  • Aqutsinermik suleqatigiiaat illullu iluaniittut sinneri suleqatigalugit malittarisassanik, suliat allattorsimaffiannik,
  • aqutseriaatsimut tunngavimmik, ilitsersuutinik suliniutinillu nutaanik atulersitsinissamut tunngasut sulisunit ilisimaneqarnissaat malinneqarnissaallu pillugit akisussaasoq.
  • Ineqartunut ataqatigiissumik ingerlatsineq qularnaarsinnaagit
  • Puigortunngornermut tunngasumik ilisimasaqarluartoq
  • Utoqqarnut nuannersumik angerlarsimaffeqarnissamut, nuannaartuunikkut illumiittunullu tamanut qanilaarnermik pilersitseqataassasutit
  • Naleqartitatsinnik malinnillunilu pitsaasuusoq

Neqoroorutigaavut:

Atorfik suliat pitsaassusaannut ineriartornissaannullu, suleqatigiit ataatsimoortut tunniusimasut, illu kissalaartoq uummaarissorlu, ulluinnaat sunniuteqarfiulluartut eqeersimaarfiusoq.
Pingaarnertut ulluunerani sulisutut sapaatip akunneranut akunnerit 40-t suliffiusassapput.  Pigaartut aggersarneqarsinnaasut Ippiarsummi suleqatigiiaannik ataqatigiissaarisut peqqinnissamullu assistentit suleqatigisarpai.

Paasissutissat allat Ippiarsummi Aka Motzfeldt pissarsiarineqarsinnaapput, 36 61 74, Akmo@sermersooq.gl

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip
Qinnuteqaatip ilisarnaataata Atorfiup nr. 601/20 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 02. december 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Leder Aka Motzfeldt
Telefon: +299 366174
Nittartagaq: http://www.sermersooq.gl
Qinnuteqaat nassiutiguk