Skip to main content
96

Dette jobopslag er udløbet

Ippiarsuk nerisassiortumik- imaluunniit igaffimmi ikiortimik pissarsiorpoq / Atorfiup nr. 634/20

Ippiarsummi paaqqinnittarfiit marluk immikkoortortaqarfiit 10-niit 12-nut inissaqartitsisumi, saniatigut immikkut puujortunngornikut immikkoortortaqartumi 10-nik inissaqartitsisumi, aammalu 12-nik inissaqartitsisumik inuusunnerit innarluutillit najugaqarput, kiisalu ullukkut najortagaqarpoq / sammisassaqartitsivik, tassanilu atuisut 30-upput, 39-usinnaallutittaaq. Cafeteriaqarpoq, errorsisarfik kiisalu allaffik.

Ippiarsuk paaqqinnittarfik – aammalu sammisassaqartitsivik 1999-mili atuutilersoq, alianaatsorsuarmi avatagiiseqarpoq, bussinullu attavigissaartumi.

Ullut tamaasa inunnut 120-nut kissartunik qallersukkanillu nerisitsisarpoq, taakkulu saniatigut cafeteriami ulluinnarni tuniniarneqartarput aamma atuisunut sulisunullu. Immikkoortortaqarfinniit arlalinnik peqqissartutut immikkut nerisalinnut inniminniisoqartarpoq, soorluttaaq aamma sammisassaqartitsivimmi atuisunut, illullu sinneri aamma nerisassiuuttarpaat; soorlu ullorsiornermi, nalliuttuni, ataatsimiinerni allanilu illup iluani susoqassagatillugu. Cafe-mi aamma kioskeqarpoq.

Sulineq naliginnaasumik ullaakkut 7-miit 15-ip tungaanut sulliviuvoq, nikeraallunilu nal. 9-miit 17-ip tungaanut sulisarlutik, kiisalu weekend allortarlugit paarlakaattarput, ukiullu ingerlanerani nalliuttuni taamatuttaaq paarlakaattarlutik.

Soqutiginnikkuit najugallillu ulluinnarni nerisaqarnerini kiffartuukkusukkukkit, utoqqalinermilu peqqissunik nerisaqartitsinissami ineriartortitseqataarusukkuit, najugallillu pisarneq malillugu kalaalimertortittarnerini kiffartuukkusukkukkit, taava illit amingaatigaatsigit.
Suliassamut pimoorussiguit suleqatigiinnermullu piginnaaneqaruit, qinnuteqaatit nassiuguk.

Naatsorsuutigaarput illit:

• Nerisassiortoq- immaqaluunniit igaffimmi ikiortitut ilinniarsimasutit assingusumilluunniit
• Suleqatikkuminartuusutit
• Aalajaallutillu namminersorsinnaasutit
• Sungiussiasuusutit
• Qiimasuusutit

Neqeroorfigisinnaavatsigit:

• Sullivillatsialammik
• Sulisunik ilisarititsineq
• Sunneeqataanissarnik sulinerup piareersarnissaanik

Arlaanik apeqqutissaqaruit igaffimmi ningiu attavigisinnaavat Mose K Pedersen tlf. 366180-81.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, SIKrnæri-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Atorfimmut atatillugu inissiamik innersuussisoqarsinnaanngilaq.

Qinnuteqaat:
Qinnuteqaatip ilisarnaataata Job nr. 634/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 1. januar 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Leder Aka Motzfeldt
Telefon: +299 366174
Nittartagaq: http://www.sermersooq.gl
Qinnuteqaat nassiutiguk