Skip to main content
96

Dette jobopslag er udløbet

Ippiarsuk Biilertussamik pissarsiorpoq / Atorfiup nr. 516/20

Ilinniarsimasoq imaluunniit sanasutut teknikkimilluunniit suliaqarsimasutut taavalu suliffiup avatangiisai pedelitullu ukiuni arlalinni sulinermik misilittagaqaruit qinnuteqarsinnaavutit. Utoqqarnik paaqqinniffik Ippiarsummut Pedelimik pikkorissumik kajumilluartumillu piaartumik isumaqatigiissuteqarnikkulluunniit atorfinittussamik pissarsiorpugut.

Ippiarsuk pillugu:
Ippiarsuk utoqqarnik paaqqinniffiuvoq najugaqartunut 40-nut inissaqartoq aamma ulluunerani sammisaqartitsiffiuvoq 35-nut inissaqartitsisoq. Najugaqartut immikkoortortaqarfinnut sisamanut agguagaapput, Pakkutaq (inuit innarluutillit inuusunnerusut), Tikitaq (Puigortunut immikkoortoq), Arriitsut aamma Kammiut, immikkoortortaqarfiit tamarmik immikkut qulinik najugaqartunut inissaqarput. 

Ippiarsummi sulisut 65-70-it missaanniipput, taakkulu najugaqarfiit immikkoortortaanni, igaffinni, pedelitut, pedelit ikiortaattut, biilertutut, erruivimmi, eqqiaasuni aamma allaffimmi sulisuupput.

Atorfik ulloq naallugu suliffiuvoq, sapaatip-akunneranut 40 tiimit. Nal. 8-16 sulisassaatit, akunnerit naanerini pigaartuunerit ataasiakkaat akisussaaffigisassallugit, kiisalu nalinginnaasumik sulinerup avataatigut pinartoqartillugu aggersarneqaratarsinnaallutit.

Atorfiup imarisai:
biilertussarsiorpugut – ajornanngippat misilittagalimmik – najugaqartunut sulisunullu suleqataasinnaasumik. Suliassat arlallit makku ilaatigut isumagisassavatit:Utoqqarnik bilerussinerit.

  • Utoqqaat nakorsiartussat isumagalugit.
  • Nakorsaatinik aallerneq.
  • Pedel ikiortariaqartillugu ikiuunneq
  • Biilit aserfatalinissaanut akisussaaqataaneq
  • Pedeli sulinngiffeqartillugu/napparsimatillugu illorsuarmi suliassanut ikiuunneq
  • Ikuallattoqartillugu ikiuunneq

Sulisut allat kiisalu aqutsisorisaq qanimut suleqatigalugit suliassat naammassineqartassapput.

Pedel suleqatissarput tassaatikkusupparput:

  • Aalajaasoq/ Akisussaassusilik qallunaatut kalaasisulli oqalussinnaasoq
  • Biilersinnaanermut allagartalik, misilittagalik.
  • Aalajaatsoq, akisussaaffimmik ilisimannittoq.
  • Pilersaarusioqataasinnaasoq sulisut peqatigalugit.
  • Kiffartuussiumatooq, naleqqussarluarsinnaasoq, suleqataajumasoq, tunniusimasoq aamma utoqqarnut najugaqartunut ataqqinnittoq.
  • Naammassinnilluarsinnaasoq, peqqissoq, tatitooq aamma sulianik assigiinngitsorpassuarnik ataatsikkut suliaqarsinnaasoq.
  • Arlalissuarnik suleqateqallaqqissoq

Neqeroorutigaavut:
Suliffeqarfik illoqarfimmi isikkiviginnerpaaq inissisimalluarnerpaarlu, kiisalu suleqatit pitsaanerpaat. Suliffeqarfik pissanganartoqarfiusoq siuariartortuartorlu. Suleqatitsinnik suleqateqarnissaq.

Suliffik akisussaaffimmik nassataqartoq ulluinnarnilu sulinermi ilusilersuinissamut periarfissaqarluartoq aamma suliffimmi ineriartortumi allanngoriartortumilu nammineerssinnaanermik akisussaaffeqassaatit. Pitsaasumik suleqatigiittoqarnissaa anguniartuarparput, aqutsisut akornanni qanimut immersoqatigiiffiusoq, kiisalu aallartitsinissamut nutaaliornissamullu aamma assigiinngitsunik suliaqarnissamut inissaqartitsiffiusoq.

Ippiarsummi, suliffeqarfiup avatangiisaanut ilinniartitaanermullu tunngatillugu sunniuteqaqataassaatit aalajangeeqataasassallutillu taavalu pedelitut isumannaallisaanermut suleqatigiissitamut ilaasortaallutit.

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq  imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Atorfimmut atatillugu inissiamik atugassiisoqanngilaq.

Qinnuteqaatip
Qinnuteqaatip ilisarnaataata Atorfiup nr. 516/20 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 22. oktober 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Leder Aka Motzfeldt
Telefon: +299 366174
Nittartagaq: http://www.sermersooq.gl
Qinnuteqaat nassiutiguk