Skip to main content
156

Dette jobopslag er udløbet

Inuusuttunut Sullivianni Ornittakkami Nuummi sulisussarsiorpoq

INUUSUTTUNUT SULLISSIVIK Inuusuttunut Sullissiviup Ornittakkaminut suleqat nutaaq pissarsiariniarpaa.

 

Atorfiit imaat:
Ornittakkami sulilissaatit, akisussaaffigissavat inuusuttut orniguttut sullinnissaat; toqqissisimanermik pilersitsinissaq aammattaarlu pisariaqassappat saaffiginnissutaat eqqortunut apuuttarnissaat.

 

Naatsorsuutigaarput, eqeersimaartuusutit nuannaartuullutillu, aammalu angusaqarusussutsimik imminut piumaffigisoq. Suliassaqarfiit akimorlugit suleqatigiittarnermut aamma ingerlaavartumik ineriartortitsinermut siunnersoqatigiittarnermullu qitiutinneqartunut peqataassaatit.

 

Ornittagaq sapaatip akunnerata ulluini tamani ulloq unnuarlu ammasarpoq.

 

Naatsorsuutigaarput:

    • ·Perorsaasutut assigisaanilluunniit ilinniagaqarsimasutit.
    • ·Imaluunniit ilinniagaqanngikkuit meeqqanik ajornartorsiutilinnut suliffinnik misilittagaqarsimassasutit.
    • ·Suliatigut inuttullu ineriartoqqinnissamut ammasuusutit.
    • ·Assigiinngitsunik suliallit akornanni suleqataarusussuseqartutit.
    • ·Suliffissaq nikerartunik tiimeqartunik nuannerivat

 

Taakkua saniatigut pingaartipparput:

    • ·Inussiarnersuusutit, aalajaatsutit, tatituujusutit inuttullu imartusutit.
    • ·Allattariarsornermi oqaluttariarsornermilu ersarissumik paatsuugassaanngitsumillu attaveqartuusutit.
    • ·Akisussaaffeqarlutit sullisserusussuseqarlutillu sulisinnaasutit.
    • ·Suleqateqallaqqissuusutit.
    • ·Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik    
    • allanngueqataasinnaassuseqartutit.
    • ·Inuusuttunut atassuteqarnermik ineriartortitsinermik piginnaasaqartutit.
    • ·Inuusuttumut tatiginnilersitsinermik piginnaasaqarputit.

 

Neqeroorutigaavut:
Suliffik unammillernartoq atorfiup imarisaanik sunniuteqarnissamut periarfissalik kiisalu aaqqissuussaanermi ineriartortumi allanngorartumilu akisussaaqataanissaq.
Suliffimmut suliffeqarfimmullu iserluartinneqarnissaq pingaartipparput aamma aqutsisut qanimut immersoqatigiiffigalugit suleqatigiilluartarnissaq kiisalu aallartitsinissamut nutaaliornissamullu inissaqartitsinissaq anguniartuarparput.

 

Pikkorissarnernut peqataasarneq aqqutigalugu sulisut ilinniagaqaqqinnissamut periarfissaqartinneqarnerat pingaartipparput.

 

Atorfik ulloq naallugu atorfiuvoq, Inuusuttunut Sullissivimmi aqutsisup ataanilluni. Pinerluuteqarsimannginnermut aamma meeqqanik pinerliisimannginnermut uppernarsaatit piniarneqassapput. Paasissutissat amerlanerusut uani takusinnaavatit: www.sermersooq.gl 

 

Annertunerusumik paasisaqarusukkuit:
Annertunerusumik paasisaqarusukkuit Meeqqanut Ilaqutariinnullu Ingerlatsivik,
Sullissivimmi aqutsisoq: Cecile Jeremiassen
attavigisinnaavat uunga oqarasuaat 366929 imaluunniit e-mail-imut uunga: ceje@sermersooq.gl


Imaluunniit immikoortotoqarfimmi aqutsisoq Mikael Erik Larsen
E-mail. mirl@sermersooq.glOqarasuaat: 367261

 

Atorfininneq: 1. oktober 2022 imaluunniit isumaqatigiissuteqarneq naapertorlugu

Suliffiup sivisussusaa: Piffissaq suliffiusussaq tamakkerlugu, piffissat suliffissat nikerartut

Suliffigisassaq: Nuuk

 

Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

 

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut aamma Sulinermik Inuussutissarsiuteqartut Kattuffiata (SIK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.

 

Inissaq:
Atorfininnermut atatillugu inissiamik innersuussisoqarsinnaanngilaq.

 

Qinnuteqaat:
Qinnuteqaat qulequtserlugu Atorfiup ilisarnaataa 536/22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

MALIGIUK:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: aggustip 25.-at, 2022

Atorfik una qinnuteqarfigiuk