Skip to main content
127

Dette jobopslag er udløbet

Inuusuttunut Sullissivimmi perorsaasunik pingasunik pissarsiorpoq / Atorfiup nr. 305/21

Inuusuttunut Sullissiviup neqeroorutaasa amerlinerat tunngavigalugu sulisunik amerlanerusunik pisariaqartitsivugut.

Taamaattumik Inuusuttunut Sullissivik pissarsiariniarneqarput: 

  • Ornittakkamut perorsaasut pingasut

Atorfiit Nuummiipput piaarnerpaamik imaluunniit isumaqatigiissuteqarnikkut atorfinititsisoqassaaq.

Atorfiit imaat:
Peroorsaasut sulisorisassavut ornittakkami nutaatut pilersinneqartumi sulilissapput, tassani akisussaaffigissavaat inuusuttunut ornittakkamut saaffiginnissuteqartut ilassilluarlugit toqqissisimanermik pilersitsinissaq aamma saaffiginnissutaannik suliassaqarfinnut eqqortunut ingerlatitseqqittarnissaq.

Naatsorsuutigaarput, nukissaqarluartuusutit akuersaartuusutillu angusaqarusussutsimik imminut piumaffigisoq. Suliassaqarfiit akimorlugit suleqatigiittarnermut aamma ingerlaavartumik ineriartortitsinermut siunnersoqatigiittarnermullu qitiutinneqartunut peqataassaatit.

Ornittagaq sapaatip akunnerata ulluini tamani nal 18:00 – 08:00 aamma sapaatip akunnerata naanerani ulloq unnuarlu ammasarpoq.

Naatsorsuutigaarput:

  • Perorsaasutut ilinniagaqarsimasutit.
  • Meeqqanik inuusuttunillu unammilligassaqartunik aamma ilungersuutigisaqartunik sullissinermik ilisimasaqartutit misilittagaqartutillu.
  • Suliatigut inuttullu ineriartoqqinnissamut ammasuusutit.
  • Assigiinngitsunik suliallit akornanni suleqataarusussuseqartutit.

Taakkua saniatigut pingaartipparput, illit:

  • Inussiarnersuusutit, aalajaatsutit, tatituujusutit inuttullu imartusutit.
  • Allattariarsornermi oqaluttariarsornermilu kalaallisut qallunaatullu ersarissumik paatsuugassaanngitsumillu attaveqartuusutit.
  • Akisussaaffeqarlutit sullisserusussuseqarlutillu sulisinnaasutit.
  • Suleqateqallaqqissuusutit.
  • Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allanngueqataasinnaassuseqartutit.
  • Eqeersimaartumik aamma aaqqissuussaasumik sulisinnaassuseqartutit.
  • Inuusuttunut atassuteqarnermik ineriartortitsinermik piginnaasaqartutit.
  • Inuusuttumut tatiginnilersitsinermik piginnaasaqarputit.

Neqeroorutigaavut:
Suliffik unammillernartoq atorfiup imarisaanik sunniuteqarnissamut periarfissalik kiisalu aaqqissuussaanermi ineriartortumi allanngorartumilu akisussaaqataanissaq.
Suliffimmut suliffeqarfimmullu iserluartinneqarnissaq pingaartipparput aamma aqutsisut qanimut immersoqatigiiffigalugit suleqatigiilluartarnissaq kiisalu aallartitsinissamut nutaaliornissamullu inissaqartitsinissaq anguniartuarparput.

Pikkorissarnernut peqataasarneq aqqutigalugu sulisut ilinniagaqaqqinnissamut periarfissaqartinneqarnerat pingaartipparput. 

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, NPK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip:
Qinnuteqaatip ilisarnaataata Atorfiup ilisarnaataa 305/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 18. Juni 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Cecile Jeremiassen
Telefon: +299 366929
Mobil: +299 274112
Lykke Borg Nielsen
Telefon: +299 367261
Nittartagaq: http://www.sermersooq.gl
Qinnuteqaat nassiutiguk