Skip to main content
88

Dette jobopslag er udløbet

Inuusuttunut Sullissivik siunnersortinik marlunnik pissarsiorpoq / Atorfiup normua 454/19

Inuusuttunut Sullissivimmut Inuusuttunut siunnersortit marluk/ Job nr 454/19

Kommuneqarfik Sermersooq Meeqqanut Inuusuttunullu Nuummiittumi Inuusuttunut Sullissivimmut Inuusuttunut siunnersortimik suliassamik ilisimaarinnilluartumik ulloq 1 august 2019 isumaqatigiissuteqarnikkulluunniit aallartittussamik pissarsiorpoq.

Atorfimmi suliassat:
Meeqqanut Ilaqutariinnullu Immikkoortortaq uummaarissumik pitsaasumillu inuusuttunik ukiui 10 - 18 ukiullit unamminartunik assigiinngitsunik tunuliaqutilinnik sullissinissatsinnut suleqatissarsiorpoq. Atorfiit Inuusuttunut Sullissiviup Immikkoortortaani Farip Aqqutaani inissisimapput.

Naatsorsuutigaarput, uummaarissuusutit pitsaasuullutillu, imminullu piumaffigisutit pitsaassutsimik qaffasissumik tunniussinissannut. Suliassaqarfiit akimorlugit suleqatigiittarnermut aamma ingerlaavartumik ineriartortitsinermut siunnersoqatigiittarnermullu qitiutinneqartunut peqataassaatit.

Inuusuttunut sullissivik ulluinnarni nal. 8:00 – 20:00-ip akornanni ammasarpoq aamma tallimanngornerit allortarlugit 22:00 tungaanut ammasarpoq.

Inuusuttunut Siunnersortitut perorsaanerup ineriartortinneqarnissaanut meeqqallu ajunngitsumik atugaqarnissaannut akisussaaqataassaatit. 

Suliassat assigiinngitsorpassuit isumagisassavatit, taakkununnga ilanngullugit:

  • Inuusuttoq peqatigalugu aqutsisorlu suliat piviusut pilersaarusiorneri, iliuusissatut pilersaarutit angunissaannut.
  •  neqeroorutit aamma Inuusuttunut eqimattanut ataasiakkaanulluunniit sammisassanik naleqquttunik Ineriartortitsinissamut aamma Pilersaarusiornermut.
  • Inuusuttut sumiiffiinik suliffinnik ujartuinermik naammassinninneq.
    • Inuusuttut ilaqutaanik attavigisaanillu suleqatiginninneq
    • Isumaginnittoqarfiup Oqartussaaffeqarfianik suleqatiginninneq.
    • Inuusuttoq peqatigalugu ilinniarfinnik, suliffeqarfinnik allanillu attuumassuteqartunik suleqatiginninneq
    Aallaarsimaarnerit piareersarlugit naammassillugillu aamma asiarnissanut aallaarsimaarnissanullu aningaasanik pissarsiniarneq
    • Aggersaasoqartillugu suliat akimorlugit sulisut ataatsimiinneranni peqataanissaq.
    • Politiinit aggersaasoqartillugu inuusuttumut illersuisuuneq.

Naatsorsuutigaarput:

  • Meeqqanut sumiginnarneqarsimasunut peqqissaartumik sulinermik ilisimasaqartutit.
  • Suliatigut inuttullu ineriartoqqinnissamut ammasuusutit.
  • Assigiinngitsunik suliallit akornanni suleqataarusussuseqartutit.
  • Unnukkut pisariaqarpallu unnuakkut sulerusussinnaasutit.

Tamatuma saniatigut pingaartipparput, illit:

  • Inussiarnersuusutit, aalajaatsuusutit, tatituujusutit, tamanut inissaqartitsisutit timersornikkut iliuuseqarusussuseqartuusutillu.
  • Allattariarsornermi oqaluttariarsornermilu kalaallisut qallunaatullu ersarissumik paatsuugassaanngitsumillu attaveqartuusutit.
  • Akisussaaffeqarlutit sullisserusussuseqarlutillu sulisinnaasutit.
  • Suleqateqallaqqissuusutit.
  • Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allanngueriataarsinnaassuseqartutit.
  Neqeroorutigaavut: Suliffik unammillernartoq atorfiup imarisaanik sunniuteqarnissamut periarfissalik kiisalu aaqqissuussaanermi ineriartortumi allanngorartumilu akisussaaqataanissaq.
Suliffimmut suliffeqarfimmullu iserluartinneqarnissaq pingaartipparput aamma aqutsisut qanimut immersoqatigiiffigalugit suleqatigilluartarnissaq kiisalu aallartitsinissamut nutaaliornissamullu inissaqartitsinissaq anguniartuarparput.
Pikkorissarnernut peqataasarneq aqqutigalugu sulisut ilinniagaqaqqinnissamut periarfissaqartinneqarnerat pingaartipparput.Ukkassillutit aaqqissuisinnaassuseqarlutit sulisinnaasutit.

 

 Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissarsiat aammalu atorfinititsinermi periusissat.
Akissarat ammalu atorfinititsinerit pissapput maleruagassat piusut malillugit aammalu isumaqatigiissutit Naalakkersuisut aammalu AK imall. Kattuffik arlaat isumagatigiissusiorsinnaasut aallaavigalugit.
Atorfinitsinneqarneq pisinnaavoq qaammatit pingasut misiliinermik kingorna.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 454/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                                         
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 1. august 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Cecilie Jeremiassen
Telefon: +299 367241
Mobil: +299 274112
Nittartagaq: http://www.sermersooq.gl
Qinnuteqaat nassiutiguk