Skip to main content
121

Dette jobopslag er udløbet

Inuusuttunut Siunnersorti, Ilaqutariinnut Sullissivik Paamiut / Atorfiup nr. 531/21

Kommuneqarfik Sermersooq Paamiuni Ilaqutariinnut Sullissivimmi Inuusuttunut siunnersortimik ulloq 15. oktober 2021 isumaqatigiissuteqarnikkulluunniit sulilertussamik pissarsiorpoq.

Atorfimmi suliassat:
Meeqqanut Ilaqutariinnullu Immikkoortortami uummaarissunik pitsaasunillu inuusuttunik unamminartunik assigiinngitsunik tunuliaqutilinnik sullissinissatsinnut suleqatissarsiorpugut.
Atorfiit Ilaqutariinnut Sullissivimmi Paamiuni inissisimavoq.  

Naatsorsuutigaarput, uummaarissuusutit pitsaasuullutillu, imminullu piumaffigisutit pitsaassutsimik qaffasissumik tunniussinissannut. Suliassaqarfiit akimorlugit suleqatigiittarnermut aamma ingerlaavartumik ineriartortitsinermut siunnersoqatigiittarnermullu qitiutinneqartunut peqataassaatit.

Inuusuttunut Siunnersortitut meeqqap katsorsartinneranut, perorsaanerkkut ineriartortinneqarnissaanut ajunngitsumillu atugaqarnissaannut akisussaaqataassaatit.  Suliassat assigiinngitsorpassuit isumagisassavatit, taakkununnga ilanngullugit:

  • Inuusuttoq katsorsaanermilu aqutsisoq peqatigalugit suliniutit aalajangersimasut pilersaarusiorneqarnissaat, iliuusissatut pilersaarutit angunissaannut.
  • Inuusuttunut arlalinnut imaluunniit ataasiakkaanut sammisassanik naleqquttunik neqeroorutinik ineriartortitsineq ikorfartuutaasinnaasullu pilersaarusiorlugit
  • Pisariaqarpat, inuusuttup sumiiffianut ornigulluni suliaqarneq.
  • Inuusuttup ilaqutaanik attavigisaanillu suleqateqarneq
  • Isumaginnittoqarfiup Oqartussaaffeqarfianik suleqateqarneq.
  • Ilinniarfinnik allanillu attuumassuteqartunik suleqateqarneq.
  • Tammaarsimaartitsinermi aamma suliniuteqarluni angalatitsinerni piareersaaneq naammassinninnerlu.
  • Aggersaasoqartillugu suliat akimorlugit sulisut ataatsimiinneranni peqataanissaq.
  • Killiffinnik inaarutaasumillu nalunaarusianik allanneq.

Naatsorsuutigaarput:

  • Meeqqanut sumiginnagaasimasunut peqqissaartumik sulinermik ilisimasaqartutit.
  • Naleqquttumik ilinniagaqartuusutit imaluunniit pikkorissarnikuusutit aamma meeqqanut inuususuttunullu sullissinermik misilittagaqartuusutit.
  • Suliatigut inuttullu ineriartoqqinnissamut ammasuusutit.
  • Assigiinngitsunik suliallit akornanni suleqataarusussuseqartutit.

Tamatuma saniatigut pingaartipparput, illit:

  • Inussiarnersuusutit, aalajaatsuusutit, tatituujusutit, tamanut inissaqartitsisutit timersornermillu nuannarisaliusutit.
  • Allattariarsornermi oqaluttariarsornermilu kalaallisut qallunaatullu ersarissumik paatsuugassaanngitsumillu attaveqartuusutit.
  • Akisussaaffeqarlutit sullisserusussuseqarlutillu sulisinnaasutit.
  • Suleqateqallaqqissuusutit.
  • Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allanngueriataasinnaassuseqartutit.
  • Eqqarsaatigilluakkamik ilusilimmillu sulinermik piginnaaneqartoq
  • Inuusuttunut atassuteqarnermik ineriartortitsinermik piginnaasalik.
  • Inuusuttumut tatiginnilersitsinermik piginnaasalik.
  • Pisariaqartillugu immikkoortortaqarfivut akimorlugit sulisinnaassuseqartutit.

Neqeroorutigaavut:
Suliffik unammillernartoq atorfiup imarisaanik sunniuteqarnissamut periarfissalik kiisalu aaqqissuussaanermi ineriartortumi allanngorartumilu akisussaaqataanissaq. 
Suliffimmut suliffeqarfimmullu iserluartinneqarnissaq pingaartipparput aamma aqutsisut qanimut immersoqatigiiffigalugit suleqatigiilluartarnissaq kiisalu aallartitsinissamut nutaaliornissamullu inissaqartitsinissaq anguniartuarparput. 
Pikkorissarnernut peqataasarneq aqqutigalugu sulisut ilinniagaqaqqinnissamut periarfissaqartinneqarnerat pingaartipparput.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip:
Qinnuteqaatip ilisarnaataata Atorfiup ilisarnaataa 531/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Kommuneqarfik Sermersooq periuseq ”Sermersuaq Ikaarlugu – Siunissaq Ataatsimoorullugu” aallaavigilluinnarlugu suleriuseqarpoq, qularnaarniarlugu suliffeqarfik ingerlalluartoq, aningaasarsiorneq ingerlalluartoq innuttaasunut sullissineq pitsaanerusumik akikinnerusumik sunniuteqarluarnerusumillu ingerlassinnaajumallugu. 

Suliatsinnut atatillugu malittarisassat politikkikkut anguniakkanit isumaqatigiissutigineqarsimasunik tunngaveqarput ”Inuk tamarmiusoq ataatsimooqatigiiffimmi pisussaaffiusumi, nammaqatigiiffiusumi nutaaliorfiusumilu." 

 

Qinuteqaat tunniunneqassaaq kingusinnerpaamik: 11. oktober 2021
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Paamiut
Paasissutissat allat uani piniarneqarsinnaapput: Marie Sofie Pedersen
Telefon: +299 367634
Nittartagaq: http://www.sermersooq.gl
Qinnuteqaat nassiutiguk